Nehemías 4:8 - Li Santil hu

⁸ Chixjunileb queꞌxjunaji ribeb chixcꞌu̱banquil chanru nak ta̱ru̱k teꞌcha̱lk chi pletic kiqꞌuin re kaqꞌuebal saꞌ chꞌaꞌajquilal.

Q'eqchi Bible

⁸ ut ke'xk'amchi'i rib' sa' junajil re naq junchalikaqeb' chi yalok rik'in Jerusalén ut xpoqoqinkil li tenamit.

Nehemías 4:8 ပူးပေါင်းရင်းမြစ်များ

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Nehemías 4:7

Cꞌajoꞌ nak queꞌjoskꞌoꞌ laj Sanbalat ut laj Tobías nak queꞌrabi nak ma̱ bar chic teto re li tzꞌac li sutsu cuiꞌ li tenamit Jerusalén. Ut queꞌjoskꞌoꞌ ajcuiꞌ eb laj árabes, eb laj amonita ut eb laj Asdod.

Deuteronomio 1:29

Ut la̱in quinye e̱re, Michꞌinan e̱chꞌo̱l chi moco texxucuak xbaneb aꞌan.

2 Samuel 10:12

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

2 Crónicas 32:7

Michꞌinan e̱chꞌo̱l. Cheqꞌuehak ban e̱chꞌo̱l ut cheyalak e̱kꞌe. Mexxucuac chiru lix reyeb laj Asiria chi moco chiruheb li qꞌuila soldado li cuanqueb chak rochben xban nak la̱o moco kajunes ta.

Nehemías 1:5

Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.