Nehemías 4:7 - Li Santil hu

⁷ Cꞌajoꞌ nak queꞌjoskꞌoꞌ laj Sanbalat ut laj Tobías nak queꞌrabi nak ma̱ bar chic teto re li tzꞌac li sutsu cuiꞌ li tenamit Jerusalén. Ut queꞌjoskꞌoꞌ ajcuiꞌ eb laj árabes, eb laj amonita ut eb laj Asdod.

Q'eqchi Bible

⁷ Naq laj Sanbalat, laj Tobías, eb' laj Arabia, eb' laj Amón ut eb' laj Asdod ke'rab'i resil naq kaw yookeb' chi xwaklesinkil wi' chik li xsuttz'akil Jerusalén jo'wi' xtz'apb'al eb' li hopox, q'axal ke'chalk xjosq'il

Nehemías 4:7 ပူးပေါင်းရင်းမြစ်များ

Nehemías 4:1

Cꞌajoꞌ nak quichal xjoskꞌil laj Sanbalat nak quirabi nak yo̱co cuiꞌchic chixyi̱banquil li tzꞌac ut xban xjoskꞌil qui-oc chikahobbal la̱o aj judío.

Nehemías 2:10

Laj Sanbalat, Horón xtenamit ut laj Tobías li nataklan saꞌ li tenamit Amón, cꞌajoꞌ nak queꞌjoskꞌoꞌ nak queꞌrabi nak quincuulac chixtenkꞌanquileb laj Israel.

Apocalipsis 12:17

Cꞌajoꞌ nak quijoskꞌoꞌ li dragón saꞌ xbe̱n li ixk. Co̱ chi pletic riqꞌuineb li ralal xcꞌajol, li joꞌ qꞌuial chic queꞌcana. Aꞌaneb li nequeꞌba̱nun re lix chakꞌrab li Dios ut nequeꞌpa̱ban re lix ya̱lal li quixchꞌolob li Jesucristo.

Hechos 5:33

Li xyucuaꞌil aj tij ut li cuanqueb rochben, cꞌajoꞌ nak queꞌjoskꞌoꞌ nak queꞌrabi li quixye laj Pedro ut queꞌraj raj xcamsinquileb li apóstol.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Amós 1:8

Ut tinsacheb li cuanqueb saꞌ li tenamit Asdod. Tinsacheb ajcuiꞌ li nequeꞌtaklan saꞌ li tenamit Ascalón, joꞌ ajcuiꞌ eb li cuanqueb saꞌ li tenamit Ecrón. Chixjunileb laj filisteo teꞌosokꞌ, chan li Ka̱cuaꞌ Dios.

Nehemías 2:19

Nak queꞌrabi laj Sanbalat aj Horón ut laj Tobías li nataklan aran Amón, ut laj Gesem aj árabe, queꞌoc chikaseꞌenquil ut coeꞌxhob ut queꞌxye ke: —¿Cꞌaꞌru yo̱quex la̱ex? ¿Ma te̱kꞌet xchakꞌrab li rey saꞌ e̱chꞌo̱l la̱ex? chanqueb.

Esdras 5:8

Nakaj xyebal a̱cue nak xocuulac saꞌ li naꞌajej Judá chirilbal lix templo li nimajcual Dios li yo̱queb chixyi̱banquil. Yo̱queb chixyi̱banquil li templo riqꞌuin ni̱nki pec. Li cheꞌ ac qꞌuebil saꞌ xnaꞌaj saꞌ li tzꞌac. Yo̱queb chixse̱banquil ribeb ut li cꞌanjel us yo̱ chi e̱lc chiruheb.

2 Crónicas 20:1

Mokon chic eb li soldado aj Moab ut eb li soldado aj Amón queꞌxjunaji ribeb riqꞌuineb laj meunita ut queꞌco̱eb chi pletic riqꞌuin laj Josafat.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

1 Samuel 11:2

Ut laj Nahas quixye reheb: —La̱in tinba̱nu jun li contrato e̱riqꞌuin. Abanan tento nak che̱ju̱nkalex tine̱canab chirisinquil li xnakꞌ e̱ru li cuan saꞌ le̱ nim, re nak tincꞌut e̱xuta̱n la̱ex aj Israel, chan.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Amós 3:9

Joꞌcaꞌin te̱ye reheb li cuanqueb saꞌ eb li palacio aran Asdod ut reheb ajcuiꞌ li cuanqueb saꞌ eb li palacio aran Egipto: —Chꞌutubomak e̱rib saꞌ eb li tzu̱l aran Samaria. Ilomak li rahobtesi̱nc ut li ma̱usilal li yo̱queb chixba̱nunquil aran.

Nehemías 4:6

Quicuulac yitok xteram li tzꞌac kayi̱b xban nak li tenamit queꞌxqꞌue xchꞌo̱l chi cꞌanjelac.

Nehemías 4:8

Chixjunileb queꞌxjunaji ribeb chixcꞌu̱banquil chanru nak ta̱ru̱k teꞌcha̱lk chi pletic kiqꞌuin re kaqꞌuebal saꞌ chꞌaꞌajquilal.

Nehemías 6:16

Queꞌrabi nak ac xya̱loꞌ li cꞌanjel. Chixjunileb li xicꞌ nequeꞌiloc ke queꞌxucuac, joꞌqueb ajcuiꞌ li tenamit li cuanqueb chi nachꞌ kiqꞌuin. Xuta̱nal queꞌel xban nak queꞌxqꞌue retal nak li Ka̱cuaꞌ, aꞌan li quitenkꞌan ke chixyi̱banquil li tzꞌac.

Jeremías 41:10

Ut laj Ismael quixtakla xchapbal chixjunileb li cristian li cuanqueb Mizpa, joꞌ eb ajcuiꞌ lix rabin li rey, li queꞌcanaba̱c saꞌ rukꞌ laj Gedalías re ta̱rileb. Laj Ismael quixchapeb ut quixqꞌueheb chi pre̱xil ut qui-oc xcꞌambaleb saꞌ xtenamiteb laj Amón.