Nehemías 4:4 - Li Santil hu

⁴ La̱in quintijoc ut quinye re li Dios: —At Ka̱cuaꞌ at inDios chacuabi taxak chanru nak yo̱queb chikahobbal ut yo̱queb chikatzꞌekta̱nanquil. Li tzꞌekta̱na̱nc li yo̱queb chixba̱nunquil ke chisukꞌi̱k taxak saꞌ xbe̱neb. Cheꞌchapekꞌ ta xbaneb li xicꞌ nequeꞌiloc reheb ut cheꞌcꞌamekꞌ ta saꞌ jalan tenamit.

Q'eqchi Bible

⁴ Tikto laa'in kintijok chi jo'ka'in: “At qaYos, ab'i chanru naq nokoohe'xtz'eqtaana. Chak'e chi naqk sa' xb'eeneb' li xmajewahomeb'. Q'axtesiheb' sa' ruq'eb' li xik' neke'ilok reheb' ut che'k'ame'q chi preexil sa' jalan chik tenamit.

Nehemías 4:4 ပူးပေါင်းရင်းမြစ်များ

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Proverbios 3:34

Li Ka̱cuaꞌ naxseꞌeheb li nequeꞌxnimobresi rib. Abanan naruxta̱na ruheb li nequeꞌxcubsi ribeb.

Oseas 12:14

Cꞌajoꞌ lix joskꞌil li Ka̱cuaꞌ queꞌxchikꞌ chak eb li ralal xcꞌajol laj Efraín. Li ma̱usilal ut li camsi̱nc queꞌxba̱nu ta̱sukꞌi̱k cuiꞌchic saꞌ xbe̱neb. Li Ka̱cuaꞌ tixqꞌueheb chixtojbal rix li ma̱usilal li queꞌxba̱nu.

1 Samuel 17:26

Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

Nehemías 5:9

Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

Lamentaciones 1:22

Chaqꞌue taxak retal li incꞌaꞌ us nequeꞌxba̱nu li xicꞌ nequeꞌiloc ke. Chaba̱nu taxak riqꞌuineb aꞌan joꞌ xaba̱nu kiqꞌuin la̱o xban li ma̱usilal xkaba̱nu. Cꞌajoꞌ nak nayotꞌeꞌ kachꞌo̱l ut tacuajenako xban li raylal yo̱co chixcꞌulbal.