Nehemías 4:2 - Li Santil hu

² Ut quixye reheb li rochben ut reheb li soldado aj Samaria: —¿Cꞌaꞌru yo̱queb chixba̱nunquil eb laj judío? ¿Ma cuan ta biꞌ xmetzꞌe̱u eb aꞌan? ¿Cꞌaꞌru yo̱queb chixcꞌoxlanquil? ¿Ma nequeꞌxcꞌoxla ta biꞌ nak ta̱ru̱k teꞌxqꞌue cuiꞌchic lix mayejeb? ¿Ma teꞌxchoy ta biꞌ xyi̱banquil li tzꞌac chiru jun cutan? ¿Ma ta̱ru̱k ta biꞌ teꞌrisi saꞌ li poks li pec ut teꞌxyi̱b cuiꞌchic li tzꞌac riqꞌuin li pec li ac xcꞌat? chan.

Q'eqchi Bible

² ut xyeeb'al chiruheb' li xkomon jo'wi' chiruheb' laj puub' re Samaria: “K'aru te'raj xb'aanunkil eb' aj Judiiy a'an li maak'a'eb' xmetz'ew? Ma te'xchoy tab'i' xyiib'ankil li tz'ak ut xyeechi'inkil xmayejeb' chiru jun kutan? Ma te'xyoob'tesi tab'i' eb' li k'atb'il pek a'an li wankeb' sa' jun tuub' chi juk'inb'il ochoch?”.

Nehemías 4:2 ပူးပေါင်းရင်းမြစ်များ

1 Corintios 1:27

Li ma̱cꞌaꞌeb xnaꞌleb chiruheb li cui̱nk, li Dios quixsiqꞌueb ru re nak teꞌcꞌutekꞌ xxuta̱neb li cuanqueb xnaꞌleb saꞌ ruchichꞌochꞌ. Ut li ma̱cꞌaꞌeb xcuanquil saꞌ ruchichꞌochꞌ li Dios quixsiqꞌueb ru re nak teꞌcꞌutekꞌ xxuta̱neb li cuanqueb xcuanquil saꞌ ruchichꞌochꞌ.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Habacuc 3:2

At nimajcual Dios, nak quicuabi resil li joꞌ qꞌuial xaba̱nu, quinxucua a̱cuu. At Ka̱cuaꞌ Dios, chacꞌutbesi ta cuiꞌchic chiku anakcuan li caba̱nu chak junxil. Chacuuxta̱na taxak ku usta yo̱ a̱joskꞌil saꞌ kabe̱n.

Nehemías 12:43

Nabaleb li xul xkamayeja saꞌ li cutan aꞌan. Cꞌajoꞌ nak quisahoꞌ saꞌ kachꞌo̱l xban nak li Dios quixqꞌue jun sahil chꞌo̱lejil ke. Eb li ixk ut eb li cocꞌal queꞌsahoꞌ ajcuiꞌ saꞌ xchꞌo̱leb. Ut toj chi najt qui-abi̱c chak nak cꞌajoꞌ xsahil saꞌ kachꞌo̱l Jerusalén.

Nehemías 4:10

Eb laj Judá queꞌxye: —Ma̱cꞌaꞌeb chic xmetzꞌe̱u laj i̱kanel. Incꞌaꞌ chic nequeꞌxcuy ut toj cuan li tzꞌac li puqꞌuinbil isi̱c ta̱raj. Incꞌaꞌ chic ta̱ru̱k takayi̱b li tzꞌac, chanqueb.

Nehemías 12:27

Nak quicuulac xkꞌehil nak teꞌxkꞌaxtesi saꞌ rukꞌ li Dios li tzꞌac li sutsu cuiꞌ li tenamit Jerusalén, queꞌxtakla xbokbaleb chixjunileb laj levita li cuanqueb saꞌ li junju̱nk chi tenamit. Queꞌbokeꞌ Jerusalén re xsulbal li tzꞌac re nak teꞌxqꞌue sahil chꞌo̱lej riqꞌuin li bicha̱nc ut riqꞌuin xchꞌeꞌbal li cuajb, li arpa, li címbalos, ut li salterios.

Nehemías 6:15

Kachoy xyi̱banquil li tzꞌac li sutsu cuiꞌ li tenamit saꞌ li o̱b xcaꞌcꞌa̱l xbe li po Elul. Cablaju roxcꞌa̱l cutan quiya̱loꞌ cuiꞌ.

Jeremías 26:18

Queꞌxye reheb: —Nak laj Ezequías cuan chokꞌ xreyeb laj Judá, laj Miqueas re Moreset quia̱tinac riqꞌuineb laj Judá ut quixye reheb chi joꞌcaꞌin: Li Ka̱cuaꞌ li nimajcual Dios quixye nak li tenamit Sión ta̱sachekꞌ ru. Li tenamit Jerusalén ta̱cana̱k joꞌ jun li chꞌochꞌ becbil riqꞌuin li chꞌi̱chꞌ arado. Ut li tzu̱l li cuan cuiꞌ li templo ta̱sukꞌisi̱k chokꞌ qꞌuicheꞌ, chan laj Miqueas.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Zacarías 4:10

Li queꞌtzꞌekta̱nan re li cꞌanjel saꞌ xticlajic ta̱sahokꞌ saꞌ xchꞌo̱leb chirilbal nak yo̱k chi ya̱locꞌ li cꞌanjel xban laj Zorobabel.— Nak xrakeꞌ xyebal aꞌan, li ángel quixye ajcuiꞌ: —Li cuukub chi candil li xacuil, aꞌan retalil nak li Ka̱cuaꞌ naril chixjunil li ruchichꞌochꞌ, chan li ángel.

Esdras 4:4

Joꞌcan nak eb li tenamit li cuanqueb saꞌ li naꞌajej aꞌan queꞌxseꞌbesi laj Israel re nak ta̱oc xxiuheb ut teꞌxcanab xyi̱banquil lix templo li Ka̱cuaꞌ.

Salmos 83:4

Nequeꞌxye: Quimkex ut kasachak ruheb. Takasach lix tenamiteb chi junaj cua re nak ma̱ ani chic ta̱jultica̱nk re lix cꞌabaꞌeb laj Israel, chanqueb.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.