Nehemías 4:16 - Li Santil hu

¹⁶ Chalen saꞌ li cutan aꞌan yijach li nequeꞌcꞌanjelac chicuu yo̱queb chixyi̱banquil li tzꞌac ut li yijach chic cuanqueb xchꞌi̱chꞌeb re camsi̱nc, cuanqueb xla̱ns, ut cuanqueb ajcuiꞌ lix tzimaj saꞌ rukꞌeb. Ut cuanqueb ajcuiꞌ xchꞌi̱chꞌ re xcolbal ribeb. Ut eb li nequeꞌtaklan saꞌ li tenamit Judá cuanqueb aran ut yo̱queb chi oque̱nc.

Q'eqchi Bible

¹⁶ Chalen sa' li kutan a'an ka'aj chik jun xyiijacheb' li winq ke'okenk chi k'anjelak; li jun yiijach chik wankeb' xjutz' che', xkoleb', xna' xsimajeb' ut xramleb' chire xch'ooleb'. Ut eb' laj jolominel ke'xk'e xkawub' xch'ool jo'k'ihaleb' laj Judá yookeb' xwaklesinkil li suttz'ak.

Nehemías 4:16 ပူးပေါင်းရင်းမြစ်များ

Nehemías 4:23

La̱in incꞌaꞌ quicuisi li cuakꞌ chicuix nak oc cue chi cua̱rc. Chi moco eb li cuechꞌalal, chi moco li queꞌtenkꞌan cue, chi moco li soldado li queꞌchal chicuix queꞌrisi li rakꞌeb. Caꞌaj cuiꞌ nak noco-atin nakisi li kakꞌ chikix.

Salmos 101:6

Ta̱sahokꞌ saꞌ inchꞌo̱l riqꞌuineb li ti̱queb xchꞌo̱l ut tinqꞌueheb chi cua̱nc saꞌ lin naꞌaj. Li ani naxba̱nu li ti̱quilal ta̱ru̱k ta̱cꞌanjelak chicuu.

Nehemías 4:15

Ut eb li xicꞌ nequeꞌiloc ke queꞌrabi resil nak la̱o kaqꞌue retal li cꞌaꞌru queꞌxcꞌu̱b ru saꞌ kabe̱n. Ut queꞌxqꞌue ajcuiꞌ retal nak li Dios quixpoꞌ ru li cꞌaꞌru queꞌxcꞌoxla xba̱nunquil ke. Ut nak ac xcꞌulman aꞌan co-oc cuiꞌchic chikajunilo chixyi̱banquil li tzꞌac.

Nehemías 4:17

Ut eb li yo̱queb chi yi̱ba̱nc re li tzꞌac joꞌ ajcuiꞌ li yo̱queb chi i̱ka̱nc riqꞌuin jun li rukꞌ yo̱queb chi cꞌanjelac ut riqꞌuin li rukꞌ jun chic chapcho lix chꞌi̱chꞌeb re pletic.

Jeremías 46:4

Cauresihomak le̱ cacua̱y ut takenkex chirixeb. Chapomak le̱ naꞌaj ut cua̱nk le̱ punit chꞌi̱chꞌ saꞌ e̱jolom. Cauresihomak le̱ la̱ns ut qꞌuehomak che̱rix le̱ rakꞌ chꞌi̱chꞌ re pletic.

Éxodo 28:32

Te̱canab xnaꞌaj lix cux chi teto, ut te̱quem jun li tꞌicr chokꞌ xta lix cux re nak incꞌaꞌ ta̱pejekꞌ nak ta̱rocsi saꞌ xjolom.

Cantares 3:8

Chixjunileb nequeꞌxnau pletic chi us. Ut chixjunileb cuanqueb xchꞌi̱chꞌ saꞌ xcꞌa̱maleb xsaꞌeb re xcolbal li rey xban nak xiu xiu be̱c chiru kꞌojyi̱n.