Nehemías 4:1 - Li Santil hu

¹ Cꞌajoꞌ nak quichal xjoskꞌil laj Sanbalat nak quirabi nak yo̱co cuiꞌchic chixyi̱banquil li tzꞌac ut xban xjoskꞌil qui-oc chikahobbal la̱o aj judío.

Q'eqchi Bible

¹ Naq laj Sanbalat kirab'i resil naq yooko wi' chik chi xwaklesinkil li tz'ak, k'ajo' naq kipo'k ut kichalk xjosq'il. Ki'ok chi reetz'unkileb' laj Judiiy

Nehemías 4:1 ပူးပေါင်းရင်းမြစ်များ

Hebreos 11:36

Cuan queꞌhobeꞌ, cuan queꞌsaqꞌueꞌ, ut cuan queꞌbaqꞌueꞌ ut queꞌqꞌueheꞌ saꞌ tzꞌalam.

Nehemías 2:10

Laj Sanbalat, Horón xtenamit ut laj Tobías li nataklan saꞌ li tenamit Amón, cꞌajoꞌ nak queꞌjoskꞌoꞌ nak queꞌrabi nak quincuulac chixtenkꞌanquileb laj Israel.

Hechos 5:17

Ut li xyucuaꞌil aj tij ut eb laj saduceo li cuanqueb rochben, cꞌajoꞌ nak queꞌoc xcakalinquileb li apóstol.

Nehemías 2:19

Nak queꞌrabi laj Sanbalat aj Horón ut laj Tobías li nataklan aran Amón, ut laj Gesem aj árabe, queꞌoc chikaseꞌenquil ut coeꞌxhob ut queꞌxye ke: —¿Cꞌaꞌru yo̱quex la̱ex? ¿Ma te̱kꞌet xchakꞌrab li rey saꞌ e̱chꞌo̱l la̱ex? chanqueb.

San Mateo 27:29

Ut queꞌxtzꞌul jun li corona riqꞌuin qꞌuix ut queꞌxqꞌue saꞌ xjolom. Ut saꞌ xnim ukꞌ queꞌxqꞌue jun li cheꞌ. Ut queꞌxcuikꞌib ribeb chiru ut queꞌretzꞌu ut queꞌxye: —Sahak taxak saꞌ a̱chꞌo̱l, at xReyeb laj judío, chanqueb re.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Nehemías 6:15

Kachoy xyi̱banquil li tzꞌac li sutsu cuiꞌ li tenamit saꞌ li o̱b xcaꞌcꞌa̱l xbe li po Elul. Cablaju roxcꞌa̱l cutan quiya̱loꞌ cuiꞌ.

Nehemías 6:16

Queꞌrabi nak ac xya̱loꞌ li cꞌanjel. Chixjunileb li xicꞌ nequeꞌiloc ke queꞌxucuac, joꞌqueb ajcuiꞌ li tenamit li cuanqueb chi nachꞌ kiqꞌuin. Xuta̱nal queꞌel xban nak queꞌxqꞌue retal nak li Ka̱cuaꞌ, aꞌan li quitenkꞌan ke chixyi̱banquil li tzꞌac.

Nehemías 13:28

Laj Joiada, aꞌan li ralal laj Eliasib li xbe̱nil aj tij. Jun li ralal laj Joiada quixcꞌam chokꞌ rixakil lix rabin laj Sanbalat laj horonita. Joꞌcan nak quicuisi aꞌan saꞌ li tenamit Jerusalén.

Jeremías 38:19

Li rey Sedequías quixye re laj Jeremías: —La̱in yo̱ inxiu xbaneb laj judío li xeꞌxkꞌaxtesi ribeb saꞌ xya̱nkeb laj Babilonia. Ma̱re anchal eb laj Babilonia tineꞌxkꞌaxtesi saꞌ rukꞌeb laj judío ut eb aꞌan tineꞌxrahobtesi, chan.