Nehemías 3:3 - Li Santil hu

³ Eb li ralal xcꞌajol laj Senaa queꞌxyi̱b li oqueba̱l bar nequeꞌxcꞌayi cuiꞌ li car. Queꞌxqꞌue li cheꞌ saꞌ li tzꞌac queꞌxyi̱b cuiꞌ li puerta. Queꞌxqꞌue li puerta ut queꞌxqꞌue ajcuiꞌ li chꞌi̱chꞌ re nak ta̱tzꞌapo̱nk chi us.

Q'eqchi Bible

³ Eb' laj Hasená ke'xyiib' wi' chik li Rokeb'aaleb' li Kar: ke'xk'e li xtz'amb'ahil, li xtz'apb'al ut li xnat'b'al rix.

Nehemías 3:3 ပူးပေါင်းရင်းမြစ်များ

Nehemías 12:39

Ut conumeꞌ saꞌ xbe̱n li oqueba̱l Efraín xcꞌabaꞌ ut conumeꞌ ajcuiꞌ saꞌ xbe̱n li najter oqueba̱l ut saꞌ xbe̱n li oqueba̱l li bar nequeꞌxcꞌayi cuiꞌ li car, ut conumeꞌ ajcuiꞌ cuan cuiꞌ li torre Hananeel xcꞌabaꞌ ut conumeꞌ ajcuiꞌ cuan cuiꞌ li torre Hamea xcꞌabaꞌ. Ut conumeꞌ ajcuiꞌ saꞌ xbe̱n li oqueba̱l li nequeꞌnumeꞌ cuiꞌ li carner, ut coxoxakli̱k cuan cuiꞌ li oqueba̱l li cuan nachꞌ riqꞌuin li tzꞌalam.

2 Crónicas 33:14

Chirix chic aꞌan, laj Manasés quixtakla xyi̱banquil li tzꞌac li sutsu cuiꞌ lix tenamit laj David. Naticla chak Gihón cuan cuiꞌ li yuꞌam haꞌ. Ut nacuulac toj saꞌ li oqueba̱l li nequeꞌnumeꞌ cuiꞌ laj cꞌay car. Quixsut saꞌ tzꞌac li naꞌajej Ofel. Quixyi̱b li tzꞌac chi kꞌaxal najt xteram. Quixtaklaheb ajcuiꞌ li soldados li ni̱nkeb xcuanquil chi cua̱nc saꞌ eb li tenamit Judá li cuanqueb cuiꞌ li cab li nequeꞌxcol cuiꞌ ribeb li tenamit.

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Nehemías 7:1

Ut nak ac xya̱loꞌ li tzꞌac ut nak ac xeꞌqꞌueheꞌ saꞌ xnaꞌajeb li puerta re li oqueba̱l, queꞌxakaba̱c laj levita chi cꞌanjelac saꞌ li templo. Cuan li queꞌqꞌueheꞌ chi cꞌacꞌale̱nc saꞌ eb li oqueba̱l, ut cuan li queꞌqꞌueheꞌ chokꞌ aj bichanel.

Nehemías 6:1

Nak queꞌrabi laj Sanbalat, laj Tobías ut laj Gesem laj árabe, ut eb lix comon li xicꞌ nequeꞌiloc ke nak la̱in xinyi̱b li tzꞌac li sutsu cuiꞌ li tenamit ut ma̱ bar chic teto re, ut usta toj ma̱jiꞌ ninqꞌue lix puertil li oqueba̱l saꞌ li cutan aꞌan,

Nehemías 3:6

Laj Joiada ralal laj Paseah rochben laj Mesulam ralal laj Besodías queꞌxyi̱b li najter oqueba̱l. Queꞌxqꞌue li cheꞌ saꞌ li tzꞌac queꞌxyi̱b cuiꞌ li puerta. Queꞌxqꞌue li puerta ut queꞌxqꞌue ajcuiꞌ li chꞌi̱chꞌ re nak ta̱tzꞌapo̱nk chi us.

Nehemías 3:4

Ut li tzꞌac cuan chixcꞌatk, aꞌan quixyi̱b laj Meremot li ralal laj Urías. Laj Urías, aꞌan ralal laj Cos. Ut li tzꞌac li cuan chixcꞌatk li quixyi̱b laj Meremot, aꞌan quixyi̱b laj Mesulam, li ralal laj Berequías. Laj Berequías, aꞌan li ralal laj Mesezabeel. Ut li tzꞌac li cuan chixcꞌatk li quixyi̱b laj Mesulam, aꞌan quixyi̱b laj Sadoc, li ralal laj Baana.

Salmos 147:13

Li Ka̱cuaꞌ, aꞌan naqꞌuehoc e̱cacuilal re nak te̱col e̱rib chiruheb li xicꞌ nequeꞌiloc e̱re ut aꞌan na-osobtesin e̱re la̱ex li cuanquex Jerusalén.

Esdras 2:35

Li ralal xcꞌajol laj Senaa, aꞌan oxib mil riqꞌuin cuakib ciento riqꞌuin laje̱b xcaꞌcꞌa̱l (3,630).

Nehemías 7:38

Eb li ralal xcꞌajol laj Senaa, aꞌan oxib mil riqꞌuin bele̱b ciento riqꞌuin laje̱b xca̱cꞌa̱l (3,930).