Nehemías 3:1 - Li Santil hu

¹ Laj Eliasib li xyucuaꞌil aj tij rochbeneb li jun chꞌol chic laj tij queꞌoc chi cꞌanjelac. Queꞌxyi̱b cuiꞌchic li oqueba̱l bar queꞌnumeꞌ cuiꞌ li carner. Queꞌxqꞌue li puerta ut queꞌxyi̱b li tzꞌac toj cuan cuiꞌ li torre Hamea xcꞌabaꞌ ut toj cuan cuiꞌ li torre Hananeel xcꞌabaꞌ.

Q'eqchi Bible

¹ Laj Eliasib, li xyuwa'il aj tij, ut eb' li rochb'een, eb' laj tij, ke'ok chi xyiib'ankil li Rokeb'aaleb' li Karneer. Ke'xyiib' ut ke'xk'e li xtz'amb'ahil, li xtz'apb'al ut li xnat'b'al rix. Chirix chik a'an ke'xwaklesi wi' chik li suttz'ak chalen li najt xteramil kab'l O'k'aal xk'ab'a' toj sa' li najt xteramil rochoch laj Jananel.

Nehemías 3:1 ပူးပေါင်းရင်းမြစ်များ

Nehemías 12:39

Ut conumeꞌ saꞌ xbe̱n li oqueba̱l Efraín xcꞌabaꞌ ut conumeꞌ ajcuiꞌ saꞌ xbe̱n li najter oqueba̱l ut saꞌ xbe̱n li oqueba̱l li bar nequeꞌxcꞌayi cuiꞌ li car, ut conumeꞌ ajcuiꞌ cuan cuiꞌ li torre Hananeel xcꞌabaꞌ ut conumeꞌ ajcuiꞌ cuan cuiꞌ li torre Hamea xcꞌabaꞌ. Ut conumeꞌ ajcuiꞌ saꞌ xbe̱n li oqueba̱l li nequeꞌnumeꞌ cuiꞌ li carner, ut coxoxakli̱k cuan cuiꞌ li oqueba̱l li cuan nachꞌ riqꞌuin li tzꞌalam.

Jeremías 31:38

Ta̱cuulak xkꞌehil nak li tenamit aꞌin ta̱yi̱ba̱k chokꞌ cue. Naticla chak cuan cuiꞌ li cab li najt xteram re laj Hananeel ut nacuulac cuan cuiꞌ li puerta li cuan saꞌ xuc.

San Juan 5:2

Saꞌ li tenamit Jerusalén bar cuan cuiꞌ li oqueba̱l li nequeꞌrocsi cuiꞌ li carner, cuan jun li haꞌ Betesda xcꞌabaꞌ saꞌ ra̱tinoba̱leb laj hebreo. Aran cuan o̱b li muheba̱l.

Zacarías 14:10

Junaj ru ta̱cana̱k li ru takꞌa. Ta̱ticla̱k chak Geba ut ta̱cuulak toj saꞌ li tenamit Rimón li cuan jun pacꞌal Jerusalén saꞌ li sur. Li tenamit Jerusalén cua̱nk saꞌ li tzu̱l ut cua̱nk ajcuiꞌ xlokꞌal. Kꞌaxal nabal cuiꞌchic li cristian teꞌcua̱nk aran. Ta̱ticla̱k chak cuan cuiꞌ li oqueba̱l re laj Benjamín ut ta̱cuulak toj cuan cuiꞌ li xbe̱n oqueba̱l, ut toj cuan cuiꞌ li oqueba̱l li cuan saꞌ xuc. Ut ta̱cuulak ajcuiꞌ toj cuan cuiꞌ li torre re laj Hananeel ut toj cuan cuiꞌ li nayatzꞌeꞌ cuiꞌ x-uva li rey.

Proverbios 3:9

Cheqꞌuehak xlokꞌal li Ka̱cuaꞌ riqꞌuin li cꞌaꞌru cuan e̱re. Te̱mayeja li xbe̱n ru le̱ racui̱mk chiru li Ka̱cuaꞌ.

Nehemías 13:28

Laj Joiada, aꞌan li ralal laj Eliasib li xbe̱nil aj tij. Jun li ralal laj Joiada quixcꞌam chokꞌ rixakil lix rabin laj Sanbalat laj horonita. Joꞌcan nak quicuisi aꞌan saꞌ li tenamit Jerusalén.

Nehemías 3:32

Ut li tzꞌac li queꞌxyi̱b laj tenol plata ut eb laj cꞌay, aꞌan naticla saꞌ xuc cuan cuiꞌ li cab li cuan saꞌ xbe̱n li tzꞌac ut quicuulac toj bar cuan cuiꞌ li oqueba̱l li nequeꞌnumeꞌ cuiꞌ li carner.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Salmos 30:1

At Ka̱cuaꞌ, nacatinlokꞌoni xban nak la̱at xatcoloc cue ut incꞌaꞌ xina̱qꞌue chi seꞌe̱c xbaneb li xicꞌ nequeꞌiloc cue.

Nehemías 12:30

Ut eb laj tij ut eb laj levita queꞌxba̱nu joꞌ naxye saꞌ li chakꞌrab. Queꞌxsantobresi ribeb ut queꞌxsantobresiheb ajcuiꞌ li tenamit joꞌ ajcuiꞌ li tzꞌac ut eb li oqueba̱l.

Nehemías 7:1

Ut nak ac xya̱loꞌ li tzꞌac ut nak ac xeꞌqꞌueheꞌ saꞌ xnaꞌajeb li puerta re li oqueba̱l, queꞌxakaba̱c laj levita chi cꞌanjelac saꞌ li templo. Cuan li queꞌqꞌueheꞌ chi cꞌacꞌale̱nc saꞌ eb li oqueba̱l, ut cuan li queꞌqꞌueheꞌ chokꞌ aj bichanel.

Nehemías 6:1

Nak queꞌrabi laj Sanbalat, laj Tobías ut laj Gesem laj árabe, ut eb lix comon li xicꞌ nequeꞌiloc ke nak la̱in xinyi̱b li tzꞌac li sutsu cuiꞌ li tenamit ut ma̱ bar chic teto re, ut usta toj ma̱jiꞌ ninqꞌue lix puertil li oqueba̱l saꞌ li cutan aꞌan,

Nehemías 3:20

Li tzꞌac li cuan chixcꞌatk li quixyi̱b laj Ezer, aꞌan quixyi̱b laj Baruc li ralal laj Zabai. Laj Baruc cau quicꞌanjelac. Li tzꞌac li quixyi̱b quiticla saꞌ xuc ut quicuulac toj saꞌ li oqueba̱l re li rochoch laj Eliasib li xyucuaꞌil aj tij.

Deuteronomio 20:5

Ut eb laj cꞌamol be saꞌ xya̱nkeb li soldados teꞌxye, “Cui cuan junak saꞌ e̱ya̱nk xyi̱b junak rochoch ut toj ma̱jiꞌ naxsul, mas us nak ta̱sukꞌi̱k saꞌ li rochoch re nak tixsul xban nak ma̱re ta̱ca̱mk chak saꞌ li ple̱t ut ma̱re jalan chic ta̱suluk re li rochoch.

Nehemías 12:10

Laj Jesúa aꞌan lix yucuaꞌ laj Joacim. Ut laj Joacim, aꞌan lix yucuaꞌ laj Eliasib. Ut laj Eliasib, aꞌan lix yucuaꞌ laj Joiada.

Salmos 48:12

Ex xtenamit li Dios, chesuti li naꞌajej Sión ut qꞌuehomak retal chanru cuan. Cherajla jarub lix torre cuan re xcolbal li tenamit.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.

Nehemías 3:21

Li tzꞌac li cuan chixcꞌatk li quixyi̱b laj Baruc, aꞌan quixyi̱b laj Meremot li ralal laj Urías. Laj Urías, aꞌan li ralal laj Cos. Li tzꞌac li quixyi̱b laj Meremot quiticla saꞌ li oqueba̱l re li rochoch laj Eliasib ut quicuulac toj bar coxrakeꞌ cuiꞌ li rochoch.

Nehemías 13:4

Junxil nak ac cuan chokꞌ xyucuaꞌil aj tij laj Eliasib, li nataklan saꞌ xbe̱n li cab li naxocman cuiꞌ li cꞌaꞌak re ru re lix templo li Ka̱cuaꞌ, aꞌan qui-oc chokꞌ rechꞌalal laj Tobías li ma̱cuaꞌ aj Israel.