Nehemías 2:8 - Li Santil hu

⁸ Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Q'eqchi Bible

⁸ Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Nehemías 2:8 ပူးပေါင်းရင်းမြစ်များ

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Nehemías 7:2

Quinxakab li cui̱tzꞌin laj Hanani ut laj Hananías re nak eb aꞌan teꞌilok re li tenamit Jerusalén. Laj Hananías aꞌan li nataklan saꞌ xbe̱neb li soldados. Quinxakab aꞌan xban nak aꞌan kꞌaxal ti̱c xchꞌo̱l chiruheb li jun chꞌol chic ut naxxucua ru li Dios.

Daniel 1:9

Ut li Dios quixtenkꞌa laj Daniel. Lix naꞌleb laj Daniel quicuulac chiru laj Aspenaz li nataklan saꞌ xbe̱neb li eunuco.

Esdras 5:5

Abanan li Ka̱cuaꞌ Dios yo̱ chi iloc reheb li yo̱queb chi cꞌamoc be chiruheb laj judío ut incꞌaꞌ quixakaba̱c li cꞌanjel. Quitakla̱c jun li hu riqꞌuin li rey Darío re nak tixsume chak ut tixye reheb ma teꞌxcanab li cꞌanjel malaj ut incꞌaꞌ.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

2 Corintios 8:16

Ninbantioxi chiru li Dios xban nak laj Tito naxqꞌue xchꞌo̱l che̱tenkꞌanquil joꞌ nak ninqꞌue inchꞌo̱l la̱in.

Hechos 26:22

Abanan la̱in tenkꞌanbilin xban li Dios toj chalen anakcuan. Yo̱quin chixchꞌolobanquil li ya̱l chirix li cꞌaꞌru ta̱cꞌulma̱nk. Ninchꞌolob xya̱lal chiruheb chixjunileb, li cuanqueb xcuanquil joꞌ ajcuiꞌ li ma̱cꞌaꞌeb xcuanquil. Ma̱cꞌaꞌ junak aqꞌuil naꞌleb yo̱quin chixyebal. Li yo̱quin chixyebal, aꞌan ajcuiꞌ li queꞌxchꞌolob xya̱lal eb li profeta ut laj Moisés.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Proverbios 21:1

Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Esdras 7:9

Laj Esdras qui-el Babilonia saꞌ li xbe̱n cutan re li xbe̱n po. Ut quicuulac Jerusalén saꞌ li xbe̱n cutan re li roꞌ po. Li Ka̱cuaꞌ cuan riqꞌuin ut aꞌan yo̱ chi tenkꞌa̱nc re.

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Eclesiastés 2:5

Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

Eclesiastés 2:6

Ut quinyi̱b ajcuiꞌ nabal xnaꞌajeb li haꞌ re xtꞌakresinquil li acui̱mk li quicuau.

Esdras 6:8

La̱in xinqꞌuehoc re li chakꞌrab aꞌin chanru te̱ba̱nu nak te̱tenkꞌaheb li nequeꞌcꞌamoc be saꞌ xya̱nkeb laj judío re xyi̱banquil lix templo li Dios. Li toj li nequeꞌxqꞌue chak aran jun pacꞌal li nimaꞌ chokꞌ re li rey, aꞌan li ta̱qꞌuema̱nk rajlal reheb li cui̱nk aꞌan re xtenkꞌanquileb re nak incꞌaꞌ ta̱xakli̱k li cꞌanjel.