Nehemías 2:7 - Li Santil hu

⁷ Ut quintzꞌa̱ma ajcuiꞌ chiru li rey nak cui aꞌan tixcꞌul xchꞌo̱l, tixtzꞌi̱ba li hu reheb li nequeꞌtaklan saꞌ li tenamit li cuanqueb jun pacꞌal li nimaꞌ Éufrates re nak ta̱ru̱k tinnumekꞌ aran toj tincuulak Judá chi ma̱cꞌaꞌ chꞌaꞌajquilal.

Q'eqchi Bible

⁷ Kinye ajwi': “At awab'ej, wi naxk'ul laach'ool, k'e inhu cho'q reheb' li neke'taqlank sa'eb' li na'ajej wankeb' junpak'al li nima' Éwfrates, re naq ink'a' te'xram linxikik toj Judá.

Nehemías 2:7 ပူးပေါင်းရင်းမြစ်များ

Esdras 7:21

Anakcuan la̱in, li rey Artajerjes, yo̱quin xqꞌuebal li chakꞌrab reheb chixjunileb laj xocol tumin li cuanqueb jun pacꞌal li nimaꞌ Éufrates nak teꞌxqꞌue chi junpa̱t chixjunil li cꞌaꞌru ta̱patzꞌ la̱at, Esdras. La̱at aj tij ut nacanau chi us li chakꞌrab li qꞌuebil e̱re xban li Dios cuan saꞌ choxa.

Nehemías 2:9

Nak quincuulac jun pacꞌal li nimaꞌ Éufrates co̱in riqꞌuineb li nequeꞌtaklan aran ut quinkꞌaxtesi li hu reheb li quixtzꞌi̱ba li rey. Cuanqueb li nequeꞌcꞌamoc be saꞌ xya̱nkeb li soldado li queꞌtakla̱c chicuix xban li rey ut cuanqueb ajcuiꞌ li soldado li nequeꞌbe̱c chirix cacua̱y li queꞌco̱eb chicuix.

Esdras 8:36

Ut queꞌxkꞌaxtesi li chakꞌrab li quixqꞌue li rey reheb li cuanqueb saꞌ xcuanquil ut reheb ajcuiꞌ li nequeꞌtaklan saꞌ eb li tenamit li cuanqueb jun pacꞌal li nimaꞌ Éufrates. Ut eb aꞌan queꞌxtenkꞌaheb li tenamit ut queꞌoquen ajcuiꞌ chixyi̱banquil lix templo li Dios.

Esdras 6:6

Ut anakcuan, at Tatnai, la̱at li nacattaklan saꞌ xbe̱neb li tenamit li cuan jun pacꞌal li nimaꞌ Éufrates, joꞌ ajcuiꞌ laj Setar-boznai ut eb le̱ rochben, la̱in tinye e̱re nak tex-e̱lk aran Jerusalén.

Esdras 8:22

Quinxuta̱nac xtzꞌa̱manquil chiru li rey nak tixtaklaheb lix soldado ut lix carruaje chikacolbal chiruheb li xicꞌ nequeꞌiloc ke nak yo̱ko chi xic. Ac xinye re li rey chi joꞌcaꞌin: —Li Ka̱cuaꞌ li kaDios cuan riqꞌuineb li ani nequeꞌqꞌuehoc xlokꞌal ut aꞌan ta̱tenkꞌa̱nk reheb. Abanan najoskꞌoꞌ saꞌ xbe̱neb li ani natzꞌekta̱nan re, chanquin.

Nehemías 3:7

Li tzꞌac li cuan chixcꞌatk li queꞌxyi̱b laj Joiada ut laj Mesulam, aꞌan queꞌxyi̱b laj Melatías rochbeneb li cui̱nk aj Gabaón ut laj Jadón aj Meronot rochbeneb laj Mizpa. Lix tenamiteb aꞌan cuanqueb rubel xcuanquil li nataklan jun pacꞌal li nimaꞌ Éufrates.