Nehemías 2:6 - Li Santil hu

⁶ Li rixakil chunchu chixcꞌatk nak li rey quixpatzꞌ cue: —¿Joꞌ najtil tatba̱yk chak nak tatxic? Ut, ¿jokꞌe tatsukꞌi̱k chak?— La̱in quinye re joꞌ najtil tinba̱yk chak ut quixcꞌul xchꞌo̱l li rey nak tinxic Judá.

Q'eqchi Bible

⁶ K'ojk'o li rixaqil chi xk'atq naq li awab'ej kixpatz' we: “Jo' najtil tatmaaniho'q? Jo'q'ehat chaq?”, chan we. Toja' naq laa'in kinxaqab' xkutankil linsutq'ijik, ut li awab'ej kixk'ulub'an ru ut kinxtaqla.

Nehemías 2:6 ပူးပေါင်းရင်းမြစ်များ

Nehemías 13:6

Nak quicꞌulman chixjunil aꞌin, ac ma̱ anihin chic Jerusalén xban nak co̱in cuiꞌchic Persia riqꞌuin li rey Artajerjes nak ac yo̱ chic cablaju xcaꞌcꞌa̱l (32) chihab roquic chokꞌ rey. Abanan incꞌaꞌ ajcuiꞌ najt quincuan aran nak quixqꞌue cuiꞌchic inlese̱ns li rey re tinsukꞌi̱k Jerusalén.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

Nehemías 5:14

Ac yo̱ chic junmay chihab roquic laj Artajerjes chokꞌ rey nak quinixxakab chi takla̱nc saꞌ xbe̱neb laj Judá. Chalen saꞌ li cutan aꞌan toj quicuulac li cablaju xcaꞌcꞌa̱l (32) chihab roquic chokꞌ rey, chi moco la̱in, chi moco li cuechꞌalal kacꞌul li tzacae̱mk li kacꞌulub raj xtzacanquil joꞌ queꞌxtzaca li nequeꞌtaklan. Chiru li cablaju chihab nak cuanquin chi takla̱nc incꞌaꞌ quinpuersi li tzacae̱mk incꞌulub raj xcꞌulbal.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Nehemías 2:4

Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Nehemías 2:5

Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.