Nehemías 2:5 - Li Santil hu

⁵ Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Q'eqchi Bible

⁵ ut kinsume: “At awab'ej, wi naxk'ul aawu ut wi sa sa' aach'ool wik'in, taqlahin Judá, re naq tinwaklesi wi' chik li tenamit muqb'ileb' wi' linna' linyuwa'”.

Nehemías 2:5 ပူးပေါင်းရင်းမြစ်များ

Esdras 5:17

Joꞌcan nak cui nacacuaj xba̱nunquil aꞌin, at rey, nakatzꞌa̱ma cha̱cuu nak ta̱sicꞌ saꞌ li hu li cuan saꞌ li palacio aran Babilonia. Ta̱tzꞌil a̱tin chirixeb re rilbal ma ya̱l nak li rey Ciro quiqꞌuehoc xlese̱nseb chixyi̱banquil lix templo li Dios aran Jerusalén. Ut chaba̱nu usilal, chatakla resil li cꞌaꞌru ta̱cuaj takaba̱nu, chanqueb.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.

Ester 8:5

Ut quixye re: —At rey, cui la̱at ta̱cuaj xba̱nunquil usilal cue, ut cui nacacꞌoxla nak us xba̱nunquil ut cui niquina̱ra, ta̱qꞌue taxak junak li chakꞌrab li tixsach xcuanquil li hu li quixtakla laj Amán li ralal laj Hamedata aj agagueo re xcamsinquil chixjunileb laj judío yalak bar cuanqueb saꞌ eb li tenamit li cuanqueb rubel la̱ cuanquil.

Ester 7:3

Ut li reina Ester quixye re: —At rey, cui la̱at ta̱cuaj xba̱nunquil usilal cue, caꞌaj cuiꞌ tintzꞌa̱ma cha̱cuu nak incꞌaꞌ taxak tincamsi̱k la̱in ut incꞌaꞌ taxak teꞌcamsi̱k li cuech tenamitil, chan.

Ester 5:8

Cui la̱at ta̱cuaj xba̱nunquil li cꞌaꞌru tintzꞌa̱ma cha̱cuu ut cui la̱at ta̱cuaj xba̱nunquil usilal cue, tatcha̱lk raj cuiꞌchic cuulaj a̱cuochben laj Amán saꞌ li ninkꞌe li tinba̱nu chokꞌ e̱re. Ut cuulaj la̱in tinsume li cꞌaꞌru xapatzꞌ cue, at rey, chan lix Ester.

2 Samuel 14:22

Laj Joab quixcuikꞌib rib saꞌ chꞌochꞌ re xqꞌuebal xlokꞌal laj David ut quixye: —Aꞌ taxak li Dios chi-osobtesi̱nk a̱cue, at rey. Anakcuan ninnau nak xsahoꞌ a̱chꞌo̱l cuiqꞌuin xban nak xaba̱nu li cꞌaꞌru xintzꞌa̱ma cha̱cuu, chan.

Li xHu LIX RUT 2:13

Lix Rut quichakꞌoc ut quixye re: —Kꞌaxal cha̱bilat, at Ka̱cuaꞌ. Saꞌ xya̱lal xat-a̱tinac cuiqꞌuin ut xacꞌojob inchꞌo̱l. Xacuil xtokꞌoba̱l cuu usta la̱in moco incꞌulub ta xban nak la̱in ma̱cuaꞌin jun xcomoneb la̱ mo̱s ixk, chan.

Ester 1:19

Cui la̱at tixcꞌul a̱chꞌo̱l, at rey, ta̱qꞌue junak chakꞌrab ut tzꞌi̱banbilak retalil saꞌ li chakꞌrab re Persia ut re Media re nak ma̱ ani ta̱kꞌetok re. Li chakꞌrab aꞌan tixye nak li reina Vasti incꞌaꞌ chic tixcꞌut rib chi junaj cua chiru li rey ut ta̱isi̱k chokꞌ reina. Ut junak chic kꞌaxal cha̱bil chiru aꞌan ta̱qꞌuehekꞌ chokꞌ reina.

San Mateo 23:27

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Chanchanex li nequeꞌmukeꞌ cuiꞌ li camenak. Bonbileb rix ut cꞌajoꞌ xchakꞌal eb ru, aꞌut chi saꞌ nujenak chi tzꞌaj ut chi xbakel camenak.

Nehemías 2:4

Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

Nehemías 2:6

Li rixakil chunchu chixcꞌatk nak li rey quixpatzꞌ cue: —¿Joꞌ najtil tatba̱yk chak nak tatxic? Ut, ¿jokꞌe tatsukꞌi̱k chak?— La̱in quinye re joꞌ najtil tinba̱yk chak ut quixcꞌul xchꞌo̱l li rey nak tinxic Judá.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.