Nehemías 2:4 - Li Santil hu

⁴ Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

Q'eqchi Bible

⁴ Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Nehemías 2:4 ပူးပေါင်းရင်းမြစ်များ

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Nehemías 1:4

Nak quicuabi resil cꞌaꞌru yo̱queb chixcꞌulbal, cꞌajoꞌ nak quirahoꞌ inchꞌo̱l. Quinchunub cuib ut quin-oc chi ya̱bac. Quintijoc chiru lin Dios cuan saꞌ choxa ut quinba̱nu in-ayu̱n cuib oxib cutan.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

San Marcos 10:51

Li Jesús quixye re: —¿Cꞌaꞌru ta̱cuaj tinba̱nu a̱cue?— Ut li mutzꞌ quixye: —Ka̱cuaꞌ, tincuaj nak ta̱ilok li xnakꞌ cuu.—

1 Reyes 3:5

Saꞌ jun li kꞌojyi̱n li Ka̱cuaꞌ Dios quixcꞌutbesi rib chiru laj Salomón saꞌ li naꞌajej Gabaón nak yo̱ chi cua̱rc ut quixye re: —Tzꞌa̱ma li cꞌaꞌru ta̱cuaj ut la̱in tinqꞌue a̱cue, chan.

Ester 7:2

Ut nak ac cuanqueb saꞌ li ninkꞌe yo̱queb chi ucꞌac vino ut li rey quixye cuiꞌchic re lix Ester: —Ye cue cꞌaꞌru ta̱cuaj ut la̱in tinqꞌue a̱cue usta yijach lin biomal ta̱patzꞌ cue, chan.

Ester 5:6

Nak yo̱queb chi ucꞌac vino, li rey quixye re lix Ester: —Tzꞌa̱ma chicuu li cꞌaꞌru ta̱cuaj. La̱in tinqꞌue a̱cue. Ye cue cꞌaꞌru ta̱cuaj. Usta yijach lin biomal ta̱tzꞌa̱ma, la̱in tinqꞌue a̱cue, chan li rey.

Ester 5:3

Li rey Asuero quixpatzꞌ re: —¿Cꞌaꞌru xacꞌul, at reina Ester? Ye cue cꞌaꞌru ta̱cuaj ut la̱in tinqꞌue a̱cue. Usta yijach lin biomal ta̱patzꞌ cue, la̱in tinqꞌue a̱cue, chan.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

Nehemías 2:5

Ut quinye re li rey: —At rey, cui cꞌojcꞌo a̱chꞌo̱l cuiqꞌuin ut cui la̱at tixcꞌul a̱chꞌo̱l, ta̱ba̱nu raj li usilal cue. La̱in nacuaj raj xic Judá re nak tinyi̱b cuiꞌchic li tenamit li mukbileb cuiꞌ lin xeꞌto̱nil yucuaꞌ.—

Nehemías 2:20

Ut la̱in quinchakꞌoc ut quinye reheb: —Li Dios li cuan saꞌ choxa, aꞌan ta̱tenkꞌa̱nk ke. Ut la̱o li nococꞌanjelac chiru, takayi̱b cuiꞌchic li tenamit Jerusalén. Ut la̱ex incꞌaꞌ naru te̱chꞌic e̱rib kiqꞌuin xban nak ma̱cuaꞌ la̱ex yal e̱re ut xban nak ma̱cꞌaꞌ cuan e̱re Jerusalén.—

Nehemías 1:5

Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

Salmos 136:26

Cheqꞌuehak taxak xlokꞌal li nimajcual Dios li cuan saꞌ choxa xban nak kꞌaxal nim li ruxta̱n saꞌ kabe̱n junelic.

Hechos 23:19

Ut li coronel quixchap chi rukꞌ. Quixcꞌam xjunes ut quixpatzꞌ re: —¿Cꞌaꞌru ta̱cuaj xyebal cue? chan re.