Nehemías 2:3 - Li Santil hu

³ La̱in quinchakꞌoc ut quinye re: —At rey, chicua̱nk taxak la̱ yuꞌam chi junelic. La̱in ra saꞌ inchꞌo̱l xban nak li tenamit li mukbileb cuiꞌ lin xeꞌto̱nil yucuaꞌ juqꞌuinbil ut cꞌatbileb lix puertil. Aꞌan aꞌin lix ya̱lal nak ra saꞌ inchꞌo̱l.—

Q'eqchi Bible

³ ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

Nehemías 2:3 ပူးပေါင်းရင်းမြစ်များ

Nehemías 1:3

Ut eb aꞌan queꞌxye cue nak eb laj judío li queꞌsukꞌi Jerusalén cuanqueb saꞌ raylal ut xuta̱nal yo̱queb chixcꞌulbal. Juqꞌuinbil li tzꞌac li sutsu cuiꞌ li tenamit joꞌ ajcuiꞌ li oqueba̱l ut cꞌatbil lix puertil.

Daniel 2:4

Ut eb laj Caldea queꞌa̱tinac riqꞌuin li rey saꞌ ra̱tinoba̱leb laj arameo ut queꞌxye: —At rey, chicua̱nk taxak la̱ yuꞌam chi junelic. La̱o aj cꞌanjel cha̱cuu. Ye ke cꞌaꞌru la̱ matcꞌ ut la̱o takaye a̱cue cꞌaꞌru naxye, chanqueb.

1 Reyes 1:31

Ut lix Betsabé quixcuikꞌib rib saꞌ chꞌochꞌ ut quixye: —Chicua̱nk taxak a̱yuꞌam chi junelic, at rey David, chan.

Daniel 5:10

Ut li rixakil li rey quirabi nak yo̱ chixjapbal re li rey joꞌ eb ajcuiꞌ li nequeꞌcꞌanjelac chiru. Joꞌcan nak qui-oc aran cuan cuiꞌ li rey ut quixye re: —At rey, chicua̱nk taxak la̱ yuꞌam chi junelic. Matxucuac chi moco tatsakquirinokꞌ xban a̱xiu.

Salmos 137:6

Cui incꞌaꞌ chic tincꞌoxla li tenamit Jerusalén, ut cui incꞌaꞌ chic tinqꞌue xcuanquil, chi letzk ta saꞌ cue li ruꞌuj cuakꞌ re nak incꞌaꞌ chic tinbicha̱nk.

Daniel 6:21

Laj Daniel quichakꞌoc ut quixye re: —At rey, chicua̱nk taxak la̱ yuꞌam chi junelic.

Daniel 6:6

Ut eb li gobernador joꞌqueb ajcuiꞌ li nequeꞌtaklan saꞌ xbe̱neb li tenamit queꞌxchꞌutub ribeb chiru li rey ut queꞌxye re: —At rey Darío, chicua̱nk taxak la̱ yuꞌam chi junelic.

Lamentaciones 2:9

Eb li oqueba̱l re li tenamit tꞌanenakeb chic saꞌ chꞌochꞌ. Jorbil chic li ni̱nki cheꞌ li queꞌtzꞌapoc re li oqueba̱l. Li rey joꞌqueb ajcuiꞌ li queꞌtenkꞌan re queꞌchapeꞌ ut queꞌcꞌameꞌ chi najt saꞌ jalan tenamit. Ma̱cꞌaꞌ chic xchakꞌrab li Dios. Ut li Ka̱cuaꞌ incꞌaꞌ chic naxcꞌutbesi li visión chiruheb li profeta.

2 Crónicas 32:33

Laj Ezequías quicam ut quimukeꞌ saꞌ lix tenamit laj David saꞌ li mukleba̱l li najt xteram. Chixjunileb laj Judá ut laj Jerusalén queꞌxqꞌue xlokꞌal nak quicam. Ut aꞌ chic laj Manasés li ralal qui-oc chokꞌ rey chokꞌ re̱kaj.

2 Crónicas 28:27

Laj Acaz quicam ut quimukeꞌ saꞌ li tenamit Jerusalén li queꞌmukeꞌ cuiꞌ lix xeꞌto̱nil yucuaꞌ. Abanan incꞌaꞌ quimukeꞌ saꞌ li mukleba̱l li queꞌmukeꞌ cuiꞌ eb lix reyeb laj Israel. Ut aꞌ chic laj Ezequías li ralal qui-oc chokꞌ rey chokꞌ re̱kaj.

2 Crónicas 21:20

Cablaju xcaꞌcꞌa̱l (32) chihab cuan re laj Joram nak qui-oc chokꞌ rey. Cuakxakib chihab quicuan saꞌ xcuanquil aran Jerusalén. Ma̱ ani quirahoꞌ xchꞌo̱l nak quicam. Quimukeꞌ saꞌ lix tenamit laj David, abanan ma̱cuaꞌ saꞌ li naꞌajej li queꞌmukeꞌ cuiꞌ eb li rey.

Daniel 3:9

Queꞌxye re li rey Nabucodonosor: —At rey, chicua̱nk taxak la̱ yuꞌam chi junelic.

Salmos 102:14

Eb li nequeꞌcꞌanjelac cha̱cuu nequeꞌxra li tenamit Sión usta juqꞌuinbil chic. Nequeꞌril xtokꞌoba̱l ru usta poꞌinbil chixjunil.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

2 Reyes 25:8

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Cuukub cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

2 Crónicas 36:19

Ut queꞌxcꞌat lix templo li Dios. Queꞌxjucꞌ li tzꞌac li sutsu cuiꞌ li tenamit Jerusalén. Queꞌxcꞌat li rochoch li rey ut queꞌxpoꞌ chixjunil li cꞌaꞌru raro xbaneb laj Judá.

Nehemías 2:13

Toj kꞌojyi̱n ajcuiꞌ nak quin-el saꞌ li puerta li na-iloc saꞌ li ru takꞌa saꞌ xjayal li yuꞌam haꞌ Dragón xcꞌabaꞌ ut co̱in toj saꞌ li puerta li nequeꞌrisi cuiꞌ li mul. Nak yo̱quin chi xic yo̱quin chirilbal chanru li tzꞌac li juqꞌuinbil li sutsu cuiꞌ li tenamit Jerusalén ut yo̱quin ajcuiꞌ chirilbaleb li puerta li cꞌatbileb.

Jeremías 52:12

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Laje̱b cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

Ester 8:6

¿Chanru nak tincuy rilbal li raylal li teꞌraj xba̱nunquil reheb li cuech tenamitil? La̱in incꞌaꞌ tincuy cui teꞌcamsi̱k li cuechꞌalal, chan lix Ester.

Salmos 38:7

Numtajenak li tik chicuix ut lublu chixjunil lin tibel xban.

Salmos 102:15

Eb li jalaneb xtenamit teꞌxxucua ru li Ka̱cuaꞌ. Eb li rey li cuanqueb saꞌ ruchichꞌochꞌ teꞌxqꞌue retal lix lokꞌal.