Nehemías 2:18 - Li Santil hu

¹⁸ Ut la̱in quinserakꞌi reheb chanru nak quinixtenkꞌa li Dios riqꞌuin xnimal rusilal. Ut quinserakꞌi ajcuiꞌ reheb li cꞌaꞌru quixye cue li rey. Ut eb aꞌan queꞌxye: —Ocako chi cꞌanjelac. Takayi̱b cuiꞌchic li katenamit, chanqueb. Ut queꞌxqꞌue xchꞌo̱l chi cꞌanjelac chixju̱nkaleb.

Q'eqchi Bible

¹⁸ Ut kinseeraq'i reheb' chanru naq li Yos kinxtenq'a rik'in xnimal rusilal; kinye ajwi' chixjunil li k'aru xyehom we li awab'ej. “Wakliiqo ut okaqo chi k'anjelak!”, chankeb' a'an. Ut ke'ok chi k'anjelak chi chaab'il.

Nehemías 2:18 ပူးပေါင်းရင်းမြစ်များ

Filipenses 2:13

Li Dios yo̱ chi cꞌanjelac e̱riqꞌuin ut yo̱ che̱tenkꞌanquil re nak saꞌ le̱ chꞌo̱l ta̱ala̱k chak xba̱nunquil li cꞌaꞌru naraj ut aꞌan ajcuiꞌ naqꞌuehoc e̱cuanquil chixba̱nunquil.

2 Crónicas 32:5

Ut laj Ezequías quixcacuubresi xchꞌo̱l. Quixqꞌue chi yi̱ba̱c chixjunil li tzꞌac li tꞌanenak. Ut quixyi̱beb cuiꞌchic li cab li najt xteram saꞌ xbe̱n li tzꞌac re teꞌxcol cuiꞌ ribeb. Quixqꞌue ajcuiꞌ chi yi̱ba̱c jun chic li nimla tzꞌac chirix li tenamit. Quixyi̱b chi us li cab li nequeꞌxcol cuiꞌ ribeb, Milo xcꞌabaꞌ, li cuan saꞌ lix tenamit laj David. Ut quixqꞌue chi yi̱ba̱c nabal li chꞌi̱chꞌ re pletic ut re xcolbal reheb xchꞌo̱l.

1 Crónicas 19:13

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

Efesios 6:10

Toj cuan cꞌaꞌru nacuaj xyebal e̱re ut aꞌan aꞌin: Cheꞌcacuubresi̱k le̱ chꞌo̱l saꞌ le̱ pa̱ba̱l riqꞌuin lix nimal xcuanquilal li Ka̱cuaꞌ li cuan e̱riqꞌuin.

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

2 Samuel 2:7

Checacuubresihak le̱ chꞌo̱l usta ac xcam li rey Saúl. Ut tinye ajcuiꞌ e̱re nak la̱in xineꞌxxakab chokꞌ xreyeb laj Judá, chan laj David.

1 Crónicas 11:10

Aꞌaneb aꞌin lix cꞌabaꞌeb lix soldados laj David li nequeꞌtaklan saꞌ xbe̱neb li kꞌaxal cauheb rib chi pletic. Aꞌaneb li queꞌtenkꞌan re laj David rochbeneb chixjunileb laj Israel nak queꞌxxakab chokꞌ xreyeb joꞌ quixye li Ka̱cuaꞌ.

1 Samuel 23:16

Saꞌ jun li cutan laj Jonatán, li ralal laj Saúl, co̱ chirilbal laj David aran Zif saꞌ li naꞌajej Hores. Quixqꞌue xcacuil xchꞌo̱l saꞌ xcꞌabaꞌ li Ka̱cuaꞌ.

Nehemías 2:8

Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.