Nehemías 2:14 - Li Santil hu

¹⁴ Chirix aꞌan quinnumeꞌ saꞌ li puerta cuan cuiꞌ li yuꞌam haꞌ ut co̱in quicuan cuiꞌ lix pila li rey. Abanan ma̱ bar quiru chi numecꞌ lin cacua̱y.

Q'eqchi Bible

¹⁴ Chirix chik a'an kohin toj sa' li Okeb'aal re li Yu'amha' ut sa' li Ha' re li Awab'ej, ab'an linkawaay ink'a' kiruuk chi nume'k aran.

Nehemías 2:14 ပူးပေါင်းရင်းမြစ်များ

Nehemías 3:15

Li oqueba̱l li cuan cuiꞌ li yuꞌam haꞌ, aꞌan quixyi̱b laj Salum li ralal laj Colhoze li nataklan saꞌ li naꞌajej Mizpa. Quixqꞌue li cheꞌ saꞌ li tzꞌac quixyi̱b cuiꞌ li puerta. Quixqꞌue li puerta ut quixqꞌue ajcuiꞌ li chꞌi̱chꞌ re ta̱tzꞌapo̱nk chi us. Ut quixyi̱b ajcuiꞌ li tzꞌac li cuan cuiꞌ li pila Siloé li cuan nachꞌ riqꞌuin li naꞌajej li nequeꞌrau cuiꞌ li rutzꞌuꞌuj li rey nak quicuan. Li tzꞌac li quixyi̱b quicuulac toj cuan cuiꞌ li gradas re lix tenamit laj David nak quicuan.

2 Reyes 20:20

Chixjunil li quixba̱nu laj Ezequías nak cuan saꞌ xcuanquil chokꞌ rey, tzꞌi̱banbil retalil saꞌ li hu Crónicas li tzꞌi̱banbil cuiꞌ retalil li quilajeꞌxba̱nu lix reyeb laj Judá. Tzꞌi̱banbil ajcuiꞌ retalil chanru nak quixyi̱b li pila ut li rok haꞌ li quinumeꞌ cuiꞌ li haꞌ saꞌ li tenamit.

2 Crónicas 32:30

Laj Ezequías, aꞌan li quijaloc xbe li haꞌ Gihón toj takecꞌ saꞌ lix yoꞌleba̱l ut quixqꞌue chi be̱c toj chi saꞌ lix tenamit laj David saꞌ xcaꞌyaba̱l li na-oc cuiꞌ li sakꞌe. Ut us qui-el riqꞌuin chixjunil li quixba̱nu.

2 Reyes 18:17

Lix reyeb laj Asiria quixtaklaheb oxibeb li cui̱nk ni̱nkeb xcuanquil aran Jerusalén chi pletic riqꞌuin laj Ezequías. Aꞌaneb aꞌin: laj Tartán, laj Rabsaris ut laj Rabsaces. Ut quixtaklaheb ajcuiꞌ jun chꞌu̱tal li soldado chirixeb. Nak queꞌcuulac Jerusalén, queꞌcana saꞌ li be li nequeꞌcꞌanjelac cuiꞌ eb laj puchꞌunel. Li naꞌajej aꞌan cuan chire li rok haꞌ li nanumeꞌ cuiꞌ li haꞌ li nachal saꞌ li pila li cuan toj takecꞌ.

Nehemías 12:37

Ut saꞌ li oqueba̱l cuan cuiꞌ li yuꞌam haꞌ queꞌtakeꞌ saꞌ xbe̱n li tzꞌac li quicuan cuiꞌ lix naꞌaj li rey David. Queꞌnumeꞌ cuan cuiꞌ li tzꞌac li najt xteram li cuan chiru li quicuan cuiꞌ li rochoch li rey David, ut queꞌcuulac cuan cuiꞌ li oqueba̱l bar nequeꞌnumeꞌ cuiꞌ li nequeꞌbelan haꞌ, li cuan saꞌ li este li na-el cuiꞌ li sakꞌe.

Eclesiastés 2:6

Ut quinyi̱b ajcuiꞌ nabal xnaꞌajeb li haꞌ re xtꞌakresinquil li acui̱mk li quicuau.

Nehemías 3:16

Li tzꞌac li cuan chixcꞌatk li quixyi̱b laj Salum, aꞌan quixyi̱b laj Nehemías, li ralal laj Azbuc li nataklan saꞌ xbe̱neb yijach li tenamit li cuanqueb Bet-sur. Li tzꞌac li quixyi̱b quicuulac toj saꞌ xcaꞌyaba̱l li bar quimukeꞌ cuiꞌ laj David ut quicuulac cuan cuiꞌ li pila li yi̱banbil, ut toj cuan cuiꞌ li xnaꞌajeb li soldado nak quicuan.