Nehemías 13:5 - Li Santil hu

⁵ Ut laj Eliasib quixqꞌue ajcuiꞌ chokꞌ xnaꞌaj laj Tobías li nimla cuarto li cuan saꞌ li templo li nequeꞌxxoc cuiꞌ li mayej, li incienso, li secꞌ, li trigo li junju̱nk saꞌ xlaje̱tkil, joꞌ ajcuiꞌ li vino ut li aceite, li tento xqꞌuebal reheb laj levita, reheb laj bichanel, ut reheb li nequeꞌcꞌacꞌalen re li oqueba̱l. Ut nequeꞌxxoc ajcuiꞌ saꞌ li cuarto aꞌan li mayej li tento xqꞌuebal reheb laj tij.

Q'eqchi Bible

⁵ jo'kan naq kixq'axtesi re laj Tobías jun nimla ochoch b'arwi' junxil kik'uulamank li mayej, li k'ajpom, eb' li k'anjelob'aal, li xlajeetqil li triiw, li b'iin ut li aseeyt, jo'ch'inal jo'nimal tento xk'eeb'al reheb' laj Leví, reheb' laj b'ichanel ut reheb' laj k'aak'alenel okeb'aal; jo'kan ajwi' aran kik'uulamank li xk'ulub'eb' xk'ulb'al eb' laj tij.

Nehemías 13:5 ပူးပေါင်းရင်းမြစ်များ

Nehemías 12:44

Saꞌ eb li cutan aꞌan queꞌxakaba̱c laj ilol re li cab bar naxocman cuiꞌ chixjunil li mayej li naqꞌueman re li templo, joꞌ li tumin, joꞌ li xbe̱n ru li acui̱mk, joꞌ ajcuiꞌ li junju̱nk saꞌ xlaje̱tkil. Queꞌxcꞌul chixjunil li joꞌ qꞌuial queꞌxqꞌue saꞌ eb li cꞌaleba̱l joꞌ tzꞌi̱banbil saꞌ li chakꞌrab. Li joꞌ qꞌuial li queꞌxcꞌul quiqꞌueheꞌ reheb laj tij ut reheb laj levita. Eb li ralal xcꞌajol laj Judá saheb saꞌ xchꞌo̱l riqꞌuineb laj tij ut eb laj levita li cuanqueb saꞌ xcꞌanjel.

Nehemías 10:38

Tento nak cua̱nk junak laj tij xcomoneb li ralal xcꞌajol laj Aarón rochbeneb laj levita nak teꞌxcꞌul li junju̱nk saꞌ xlaje̱tkil. Ut eb laj levita teꞌxcꞌam li junju̱nk saꞌ xlaje̱tkil saꞌ li cab bar naxocman cuiꞌ li cꞌaꞌru re lix templo li Dios.

2 Crónicas 34:11

Ut queꞌxkꞌaxtesi ajcuiꞌ li tumin reheb laj pechꞌ ut eb laj tzꞌac re nak teꞌxlokꞌ li pec ut li cheꞌ li ta̱cꞌanjelak chiruheb re xyi̱banquil li templo, li queꞌxcanab chi poꞌecꞌ lix reyeb laj Judá.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

Nehemías 13:7

Ut nak quincuulac Jerusalén, quinqꞌue retal nak incꞌaꞌ us li quixba̱nu laj Eliasib nak quixqꞌue li nimla cuarto li cuan saꞌ lix templo li Dios chokꞌ xnaꞌaj laj Tobías yal re xba̱nunquil usilal re.

Ezequiel 40:38

Ut cuan ajcuiꞌ jun li naꞌajej nachꞌ riqꞌuin li oqueba̱l li cuan saꞌ li norte, li naxic saꞌ li neba̱l li cuan toj chi saꞌ. Saꞌ li naꞌajej aꞌan queꞌxchꞌaj xtibeleb li xul li nequeꞌxqꞌue chokꞌ cꞌatbil mayej.

2 Crónicas 31:11

Laj Ezequías quixye reheb nak teꞌxyi̱b eb li naꞌajej saꞌ li templo li ta̱xocma̱nk cuiꞌ li mayej li nequeꞌxqꞌue li tenamit. Ut joꞌcan qui-uxman.

Nehemías 10:36

Ut takacꞌameb ajcuiꞌ saꞌ lix templo li Dios li xbe̱n kalal joꞌ ajcuiꞌ li xbe̱n ral li kacuacax ut eb li kacarner joꞌ tzꞌi̱banbil saꞌ li chakꞌrab ut takakꞌaxtesi reheb laj tij li nequeꞌcꞌanjelac saꞌ li templo.