Nehemías 13:3 - Li Santil hu

³ Caꞌaj cuiꞌ queꞌrabi li cꞌaꞌru quixye saꞌ li chakꞌrab, queꞌoc risinquil saꞌ xya̱nkeb li jalaneb xtenamit.

Q'eqchi Bible

³ Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

Nehemías 13:3 ပူးပေါင်းရင်းမြစ်များ

Nehemías 9:2

Queꞌrisi ribeb saꞌ xya̱nkeb li ma̱cuaꞌeb aj Israel. Queꞌxxakab ribeb ut queꞌxye: —Xoma̱cob la̱o ut queꞌma̱cob ajcuiꞌ chak li kaxeꞌto̱nil yucuaꞌ, chanqueb.

Éxodo 12:38

Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.

Nehemías 10:28

Chikajunilo la̱o aj Israel xkaye nak takaba̱nu joꞌ tzꞌi̱banbil saꞌ li contrato li quikaba̱nu. Eb laj tij, ut eb laj levitas, ut eb li nequeꞌcꞌacꞌalen re li oqueba̱l, ut eb li nequeꞌbichan, ut eb li nequeꞌcꞌanjelac saꞌ li templo, joꞌqueb ajcuiꞌ chixjunileb li queꞌrisi ribeb saꞌ xya̱nkeb li jalaneb xtenamit re teꞌxba̱nu joꞌ naxye saꞌ li chakꞌrab li quiqꞌueheꞌ reheb xban li Dios, rochbeneb li rixakil ut chixjunileb li ralal xcꞌajol li ac nequeꞌxnau cꞌoxlac, queꞌxcꞌul xchꞌo̱l xba̱nunquil li cꞌaꞌru kaye saꞌ li contrato.

Números 11:4

Saꞌ xya̱nkeb laj Israel cuanqueb li jalaneb xtenamit. Eb aꞌan junes cha̱bil tzacae̱mk teꞌraj xtzacanquil. Ut eb laj Israel queꞌoc cuiꞌchic chi cuechꞌi̱nc ut queꞌxye: Cuan ta ani ta̱qꞌuehok katib re takatzaca.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Romanos 3:20

Ma̱ jun ti̱c xchꞌo̱l chiru li Dios yal riqꞌuin xba̱nunquil li cꞌaꞌru naxye li chakꞌrab. Li chakꞌrab nacꞌanjelac re xcꞌutbal chiku nak la̱o aj ma̱c.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Salmos 119:11

Junelic ninqꞌue saꞌ inchꞌo̱l la̱ cua̱tin re nak incꞌaꞌ tinma̱cobk cha̱cuu.

Salmos 119:9

At inDios, ¿chanru nak ta̱ru̱k teꞌcua̱nk saꞌ ti̱quilal cha̱cuu li toj sa̱jeb? Naru nequeꞌcuan saꞌ ti̱quilal riqꞌuin xba̱nunquil li cꞌaꞌru naxye la̱ cua̱tin.

Esdras 10:11

Anakcuan ut qꞌuehomak xlokꞌal li Ka̱cuaꞌ lix Dioseb le̱ naꞌ e̱yucuaꞌ. Cheba̱nu joꞌ naraj li Ka̱cuaꞌ. Isihomak e̱rib saꞌ xya̱nkeb li jalaneb xtenamit ut jachomak e̱rib riqꞌuineb li ixk aꞌan, chan.

Esdras 9:2

Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.