Nehemías 13:2 - Li Santil hu

² Incꞌaꞌ naru teꞌcua̱nk saꞌ xya̱nkeb xban nak junxil eb laj amonita ut eb aj moabitas incꞌaꞌ queꞌxcꞌul saꞌ usilal li kaxeꞌto̱nil yucuaꞌ nak queꞌnumeꞌ saꞌ lix tenamiteb ut incꞌaꞌ queꞌxqꞌue xcua rucꞌaheb. Queꞌxtumina ban ru laj Balaam re nak tixbok ma̱usilal saꞌ xbe̱neb. Abanan li Ka̱cuaꞌ Dios quixsukꞌisi li ma̱usilal chokꞌ usilal chokꞌ reheb.

Q'eqchi Bible

² xb'aan naq junxil ink'a' ke'xk'ul sa' usilal eb' laj Israel: ink'a' ke'xk'e xwa ruk'a'eb', ke'xtoj b'an laj Balaham re xmajewankileb'. Ab'an li qaYos kixsutq'isi li majewaak a'an cho'q osob'tesiik.

Nehemías 13:2 ပူးပေါင်းရင်းမြစ်များ

Deuteronomio 23:5

Abanan, li Ka̱cuaꞌ le̱ Dios incꞌaꞌ quirabi li cꞌaꞌru quixye laj Balaam. Quixsukꞌisi ban chokꞌ usilal li ma̱usilal li quixtzꞌa̱ma saꞌ e̱be̱n xban nak li Ka̱cuaꞌ le̱ Dios kꞌaxal nequexra.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Salmos 109:28

Usta eb aꞌan niquineꞌxmajecua, abanan la̱at nacat-osobtesin cue. Chacꞌut taxak xxuta̱neb li xicꞌ nequeꞌiloc cue. Ut chaqꞌue taxak xsahil inchꞌo̱l la̱in laj cꞌanjel cha̱cuu.

Números 23:18

Ut laj Balaam quixye li a̱tin aꞌin: —At Balac, ralal laj Zipor, qꞌue retal li cua̱tin. Abi li cꞌaꞌru oc cue chixyebal.

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

Deuteronomio 23:3

Incꞌaꞌ naru teꞌoc chokꞌ xcomoneb laj Israel lix tenamit li Dios eb laj amonita, chi moco laj moabita, chi moco li ralal xcꞌajol usta toj chirix li laje̱b xte̱paleb li ralal xcꞌajol.

Deuteronomio 23:4

Incꞌaꞌ naru teꞌoc chokꞌ xcomoneb laj Israel xban nak incꞌaꞌ queꞌcuulac che̱cꞌulbal, chi moco queꞌxqꞌue e̱cua e̱rucꞌa nak quex-el chak Egipto. Ut queꞌxtoj laj Balaam chixtzꞌa̱manquil ma̱usilal saꞌ e̱be̱n. Laj Balaam, aꞌan li ralal laj Beor. Petor xtenamit, li cuan saꞌ xcue̱nt Mesopotamia.