Nehemías 13:12 - Li Santil hu

¹² Ut chixjunileb laj Judá queꞌoc cuiꞌchic xqꞌuebal li junju̱nk saꞌ xlaje̱tkil re li trigo, re li vino ut re li aceite. Ut coxeꞌxcanab saꞌ li cab li nequeꞌxxoc cuiꞌ li mayej.

Q'eqchi Bible

¹² Ut chixjunileb' laj Judá ke'xk'am chaq sa' li k'uuleb'aal li xlajeetqil li triiw, li b'iin ut li aseeyt.

Nehemías 13:12 ပူးပေါင်းရင်းမြစ်များ

Malaquías 3:10

Joꞌcan ut nak cꞌamomak chak che̱junilex li junju̱nk saꞌ xlaje̱tkil saꞌ xnaꞌaj li mayej re nak ta̱cua̱nk li cꞌaꞌru ta̱cꞌanjelak saꞌ li cuochoch. Ut yalomakin anakcuan riqꞌuin aꞌin. ¿Ma incꞌaꞌ tana tinte chak re li choxa ut tinqꞌue chak chi numtajenak le̱ rosobtesinquil? chan li nimajcual Dios.

Nehemías 12:44

Saꞌ eb li cutan aꞌan queꞌxakaba̱c laj ilol re li cab bar naxocman cuiꞌ chixjunil li mayej li naqꞌueman re li templo, joꞌ li tumin, joꞌ li xbe̱n ru li acui̱mk, joꞌ ajcuiꞌ li junju̱nk saꞌ xlaje̱tkil. Queꞌxcꞌul chixjunil li joꞌ qꞌuial queꞌxqꞌue saꞌ eb li cꞌaleba̱l joꞌ tzꞌi̱banbil saꞌ li chakꞌrab. Li joꞌ qꞌuial li queꞌxcꞌul quiqꞌueheꞌ reheb laj tij ut reheb laj levita. Eb li ralal xcꞌajol laj Judá saheb saꞌ xchꞌo̱l riqꞌuineb laj tij ut eb laj levita li cuanqueb saꞌ xcꞌanjel.

Deuteronomio 14:22

Rajlal chihab tento nak te̱qꞌue re li Ka̱cuaꞌ li junju̱nk saꞌ xlaje̱tkil li ru le̱ racui̱mk.

Levítico 27:30

Li junju̱nk saꞌ xlaje̱tkil li ru li acui̱mk li na-el saꞌ li chꞌochꞌ, joꞌ ajcuiꞌ li junju̱nk saꞌ xlaje̱tkil li ru li cheꞌ re li Ka̱cuaꞌ. Ac chꞌolchꞌo nak aꞌan re li Ka̱cuaꞌ.

2 Crónicas 31:5

Nak queꞌrabi resil li esilal aꞌin, queꞌxqꞌue chi nabal li xbe̱n ru li racui̱mkeb laj Israel. Queꞌxqꞌue ajcuiꞌ li vino, li aceite, li xyaꞌal cab, ut li xbe̱n ru li racui̱mkeb. Ut queꞌxqꞌue ajcuiꞌ li junju̱nk saꞌ xlaje̱tkil re chixjunil li cꞌaꞌru cuan reheb.

Malaquías 3:8

La̱in li Ka̱cuaꞌ Dios ninpatzꞌ e̱re: ¿Ma ta̱ru̱k ta biꞌ ta̱relkꞌa li cꞌaꞌru cue junak li cui̱nk? Incꞌaꞌ raj. Abanan la̱ex yo̱quex chi elkꞌac chicuu. Ut nequeye, “¿Cꞌaꞌru xkelkꞌa a̱cue?” chanquex. La̱ex xex-elkꞌac chicuu xban nak incꞌaꞌ nequeqꞌue li junju̱nk saꞌ xlaje̱tkil ut incꞌaꞌ nequeqꞌue le̱ mayej.

2 Crónicas 31:4

Li rey quixye reheb li tenamit li cuanqueb Jerusalén nak teꞌxqꞌue li mayej li tento teꞌxcꞌul laj tij ut eb laj levita re nak teꞌxkꞌaxtesi ribeb chi cꞌanjelac chiru li Ka̱cuaꞌ.