Nehemías 11:3 - Li Santil hu

³ Nabaleb laj Israel, joꞌ eb laj tij, eb laj levita, eb li nequeꞌcꞌanjelac saꞌ li templo ut eb li ralal xcꞌajol li queꞌcꞌanjelac chiru laj Salomón, queꞌcana chi cua̱nc saꞌ eb li tenamit xcue̱nt Judá. Ac saꞌ xnaꞌajeb queꞌcana li junju̱nk. Ut eb laj Israel li queꞌtaklan, li queꞌcana chi cua̱nc Jerusalén, aꞌaneb aꞌin:

Q'eqchi Bible

³ A'aneb' a'in li xjolomileb' li tenamit ke'kanaak Jerusalén. Sa' xteepal Judá koxe'na'ajunq eb' laj Israel, eb' laj tij, eb' laj Leví, eb' laj k'anjel sa' rochoch li Yos ut eb' li ralal xk'ajol li ke'k'anjelak chiru laj Salomón, li junjunq wank xtenamit ut li xch'och'.

Nehemías 11:3 ပူးပေါင်းရင်းမြစ်များ

Nehemías 7:73

Eb laj tij, ut eb laj levita joꞌ eb ajcuiꞌ li queꞌcꞌacꞌalen chire xpuertil li templo, eb li nequeꞌbichan, ut eb li nequeꞌcꞌanjelac saꞌ li templo ut chixjunileb laj Israel ac saꞌ xtenamiteb queꞌcana chi cua̱nc.

Esdras 2:43

Eb li nequeꞌcꞌanjelac saꞌ li templo, aꞌaneb li ralal xcꞌajol laj Ziha, laj Hasufa, laj Tabaot,

Esdras 2:1

Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

Nehemías 11:20

Ut li joꞌ qꞌuial chic laj Israel, li incꞌaꞌ queꞌcana Jerusalén, joꞌ eb laj tij ut eb laj levita, queꞌco̱eb chi cua̱nc saꞌ eb li tenamit xcue̱nt Judá. Ac saꞌ xnaꞌajeb queꞌcana li junju̱nk.

Nehemías 7:6

Aꞌan aꞌin lix cꞌabaꞌeb laj Israel li queꞌchapeꞌ ut queꞌcꞌameꞌ Babilonia xban li rey Nabucodonosor ut queꞌsukꞌi cuiꞌchic Jerusalén ut Judá. Ac saꞌ xtenamit queꞌcana li junju̱nk.

Esdras 2:70

Cuanqueb xcomoneb laj Israel queꞌcana chi cua̱nc saꞌ li tenamit Jerusalén. Queꞌcana aran eb laj tij ut eb laj levita, eb laj bichanel, eb li queꞌcꞌacꞌalen chire xpuertil li templo joꞌqueb ajcuiꞌ li nequeꞌcꞌanjelac saꞌ li templo ut li joꞌ qꞌuial chic laj Israel queꞌcana chi cua̱nc saꞌ xtenamiteb. Ac re reheb li junju̱nk lix tenamiteb.

Nehemías 11:4

Saꞌ xya̱nkeb li queꞌcana Jerusalén, cuanqueb li ralal xcꞌajol laj Judá ut eb li ralal xcꞌajol laj Benjamín. Eb li ralal xcꞌajol laj Judá, aꞌaneb aꞌin: laj Ataías li ralal laj Uzías. Ut laj Uzías, aꞌan li ralal laj Zacarías. Ut laj Zacarías, aꞌan li ralal laj Amarías. Ut laj Amarías, aꞌan li ralal laj Sefatías. Ut laj Sefatías, aꞌan li ralal laj Mahalaleel. Ut laj Mahalaleel, aꞌan xcomoneb li ralal xcꞌajol laj Fares.

Nehemías 7:7

Aꞌaneb aꞌin lix cꞌabaꞌeb li queꞌcꞌamoc be chiruheb laj Israel li queꞌchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aꞌan aꞌin lix qꞌuialeb li cui̱nk aj Israel li queꞌsukꞌi rochbeneb laj cꞌamol be:

Nehemías 7:39

Eb laj tij: aꞌan ralal xcꞌajoleb laj Jedaía. Ut laj Jedaía, aꞌan li ralal laj Jesúa. Aꞌan bele̱b ciento riqꞌuin oxlaju xca̱cꞌa̱l (973).

Nehemías 7:43

Eb laj levitas: aꞌaneb li ralal xcꞌajol laj Jesúa. Laj Jesúa, aꞌan li ralal laj Cadmiel ut laj Cadmiel, aꞌan li ralal laj Hodavías. Aꞌan ca̱laju xca̱cꞌa̱leb (74).

Nehemías 7:46

Eb li nequeꞌcꞌanjelac sa li templo, aꞌaneb li ralal xcꞌajol laj Ziha, laj Hasufa, laj Tabaot,