Nehemías 11:16 - Li Santil hu

¹⁶ Ut cuanqueb ajcuiꞌ laj Sabetai ut laj Jozabad, li queꞌtaklan saꞌ xbe̱neb laj levita, li queꞌcꞌanjelac chirix li templo.

Q'eqchi Bible

¹⁶ laj Sabtay ut laj Josabad, li ke'ilok re li k'anjel li ink'a' na'uxmank sa' rochoch li Yos;

Nehemías 11:16 ပူးပေါင်းရင်းမြစ်များ

Nehemías 8:7

Ut eb laj levita yo̱queb chixchꞌolobanquil xya̱lal li chakꞌrab chiruheb li tenamit. Ut eb li tenamit queꞌxqꞌue xchꞌo̱l chirabinquil. Eb laj levita, aꞌaneb aꞌin: laj Jesúa, laj Bani, laj Serebías, laj Jamín, laj Acub, laj Sabetai, laj Hodías, laj Maasías, laj Kelita, laj Azarías, laj Jozabed, laj Hanán ut laj Pelaía.

Esdras 8:33

Ut saꞌ xca̱ li cutan kabis li oro, li plata ut li secꞌ li kacꞌam saꞌ rochoch li Dios ut kakꞌaxtesi re laj Meremot laj tij li ralal laj Urías. Rochben aꞌan cuan laj Eleazar ralal laj Finees, ut cuanqueb ajcuiꞌ rochbeneb laj levita, laj Jozabad ralal laj Jesúa ut laj Noadías ralal laj Binúi.

1 Crónicas 26:29

Saꞌ xya̱nkeb li ralal xcꞌajol laj Izhar, laj Quenanías ut eb li ralal queꞌtaklan saꞌ xbe̱neb li tenamit ut queꞌrakoc a̱tin.

1 Crónicas 26:20

Laj Ahías, aꞌan jun xcomoneb li ralal xcꞌajol laj Leví. Ut aꞌan li qui-iloc re li naꞌajej li xocxo cuiꞌ li cꞌaꞌru re li templo li terto xtzꞌak, joꞌ ajcuiꞌ li naꞌajej li cuan cuiꞌ li cꞌaꞌak re ru li santobresinbil.

Nehemías 11:15

Ut saꞌ xya̱nkeb laj levita, cuan laj Semaías li ralal laj Hasub. Ut laj Hasub aꞌan li ralal laj Azricam. Ut laj Azricam, aꞌan li ralal laj Hasabías. Ut laj Hasabías, aꞌan li ralal laj Buni.

Nehemías 11:17

Ut cuan ajcuiꞌ laj Matanías li ralal laj Micaía. Ut laj Micaía, aꞌan li ralal laj Zabdi. Ut laj Zabdi, aꞌan li ralal laj Asaf. Laj Matanías, aꞌan li quicꞌamoc be chiruheb li nequeꞌbichan re xlokꞌoninquil ut re bantioxi̱nc chiru li Dios. Ut cuan ajcuiꞌ laj Bacbuquías li natenkꞌan re laj Matanías. Ut cuan ajcuiꞌ laj Abda li ralal laj Samúa. Laj Samúa, aꞌan li ralal laj Galal. Ut laj Galal, aꞌan li ralal laj Jedutún.

Esdras 10:15

Laj Jonatán li ralal laj Asael ut laj Jahazías li ralal laj Ticva, ut cuib reheb laj levita, laj Mesulam ut laj Sabetai, incꞌaꞌ queꞌxcꞌul xchꞌo̱leb li cꞌaꞌru queꞌxye li jun chꞌol chic. Caꞌaj cuiꞌ eb aꞌan li incꞌaꞌ queꞌxcꞌul xchꞌo̱leb.