Nehemías 11:1 - Li Santil hu

¹ Eb li nequeꞌtaklan saꞌ xya̱nkeb laj Israel queꞌcana chi cua̱nc saꞌ li santil tenamit Jerusalén. Ut li joꞌ qꞌuial chic queꞌbu̱lic re rilbal ani na reheb teꞌcana̱k chi cua̱nc aran Jerusalén. Ju̱nk cabal saꞌ xya̱nk li laje̱tk cabal queꞌcana aran ut eb li bele̱tk cabal chic queꞌco̱eb chi cua̱nc saꞌ eb li tenamit li cuanqueb xcue̱nt Jerusalén.

Q'eqchi Bible

¹ Eb' li xjolomil li tenamit ke'na'ajunk Jerusalén; ut eb' li junch'ol chik ke'b'uuliik rixeb', re naq sa' xyanq li lajeetq chi winq jun taakanaaq chi wank Jerusalén, li Loq'laj Tenamit, ut li b'eleeb'eb chik toxe'na'ajunq sa'eb' li jalaneb' tenamit.

Nehemías 11:1 ပူးပေါင်းရင်းမြစ်များ

Isaías 48:2

Abanan nequenimobresi e̱rib ut nequeye nak li Santil Tenamit, aꞌan le̱ tenamit la̱ex. Ut nequeye nak cau e̱chꞌo̱l riqꞌuin lix Dioseb laj Israel, li Ka̱cuaꞌ li nimajcual Dios xcꞌabaꞌ.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Nehemías 11:18

Chixjunileb laj levita li queꞌcana saꞌ li santil tenamit, aꞌan cuib ciento riqꞌuin ca̱hib roꞌcꞌa̱l (284).

Nehemías 10:34

Ut kacꞌu̱b ajcuiꞌ ru nak rajlal chihab eb laj tij, eb laj levitas ut chixjunileb li tenamit teꞌbu̱lik re rilbal chanru nak te̱tzꞌak qꞌuehoc siꞌ li junju̱nk cabal. Li siꞌ aꞌan li nacꞌatman saꞌ li artal saꞌ xtemplo li Ka̱cuaꞌ li kaDios joꞌ tzꞌi̱banbil retalil saꞌ li chakꞌrab.

San Mateo 4:5

Tojoꞌnak quicꞌameꞌ xban laj tza saꞌ li santil tenamit Jerusalén; ut coxxakaba̱k toj takecꞌ saꞌ xbe̱n li rochoch li Dios.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

San Mateo 27:53

Ut mokon chic nak li Jesús ac xcuacli cuiꞌchic chi yoꞌyo, queꞌel chak saꞌ lix mukleba̱l ut queꞌoc saꞌ li santil tenamit Jerusalén ut nabal chi aj u queꞌxcꞌutbesi cuiꞌ ribeb.

Proverbios 16:33

Eb li cui̱nk nequeꞌxsicꞌ cꞌaꞌru teꞌxba̱nu riqꞌuin bu̱lic. Abanan li Dios, aꞌan yal re saꞌ xbe̱n chixjunil.

Salmos 122:5

Saꞌ li tenamit Jerusalén cuan li naꞌajej li nequeꞌcuan cuiꞌ li ralal xcꞌajol laj David chi rakoc a̱tin saꞌ xbe̱neb laj Israel.

1 Crónicas 26:13

Queꞌxbu̱li rix li cꞌanjel re rilbal ani ta̱tzꞌak cꞌacꞌale̱nc saꞌ li junju̱nk chi oqueba̱l, joꞌ li ac che̱c joꞌ ajcuiꞌ li toj sa̱jeb, aꞌ yal joꞌ qꞌuialeb saꞌ li junju̱nk cabaleb.

Josué 18:10

Laj Josué quibu̱lic chirix li naꞌajej chiru li Ka̱cuaꞌ Dios aran Silo. Chi joꞌcaꞌin quixjeqꞌui li chꞌochꞌ aꞌin reheb li ralal xcꞌajol laj Israel.

Hechos 1:26

Joꞌcan nak queꞌxbu̱li rix li ani ta̱cana̱k chi cꞌanjelac. Ut nak ac xeꞌbu̱lic, li cꞌanjel aꞌan quicana saꞌ xbe̱n laj Matías. Ut saꞌ ajcuiꞌ li ho̱nal aꞌan laj Matías qui-oc chokꞌ apóstol saꞌ xya̱nkeb li junlaju chic.

1 Crónicas 9:3

Cuanqueb li ralal xcꞌajol laj Judá, li ralal xcꞌajol laj Benjamín, li ralal xcꞌajol laj Efraín ut li ralal xcꞌajol laj Manasés li queꞌco̱eb chi cua̱nc aran Jerusalén.

1 Crónicas 8:28

Aꞌaneb aꞌin li queꞌtaklan saꞌ xbe̱neb li junju̱nk xte̱paleb li ralal xcꞌajol laj Benjamín li queꞌcuan aran Jerusalén.

1 Crónicas 9:1

Chixjunileb laj Israel tzꞌi̱banbil xcꞌabaꞌeb saꞌ li hu reheb lix reyeb laj Israel. Tzꞌi̱banbil xcꞌabaꞌeb aꞌ yal chanru li ralal xcꞌajoleb. Ut chixjunileb laj Judá queꞌcꞌameꞌ aran Babilonia xban nak queꞌxkꞌetkꞌeti ribeb chiru li Dios.

1 Crónicas 9:2

Eb li xbe̱n li queꞌsukꞌi saꞌ lix naꞌajeb, aꞌaneb laj Israel, eb laj tij, eb laj levita, ut eb li queꞌcꞌanjelac saꞌ lix templo li Ka̱cuaꞌ.

Nehemías 4:22

Ut quinye ajcuiꞌ reheb li tenamit nak chixjunileb teꞌcana̱k saꞌ li tenamit Jerusalén, joꞌ li nequeꞌtaklan, joꞌqueb ajcuiꞌ li nequeꞌtenkꞌan reheb. Chi kꞌek teꞌxcꞌacꞌale li tenamit ut chi cutan teꞌxyi̱b li tzꞌac.

Salmos 122:6

Chextzꞌa̱ma̱nk chiru li Dios re nak ta̱cua̱nk li tuktu̱quil usilal saꞌ le̱ tenamit Jerusalén. Ut us taxak cheꞌe̱lk eb li nequeꞌrahoc re le̱ tenamit.