Nehemías 1:7 - Li Santil hu

⁷ Junes ma̱usilal yo̱co chixba̱nunquil cha̱cuu. Incꞌaꞌ yo̱co chixba̱nunquil li naxye la̱ chakꞌrab. Yo̱co ban chixkꞌetbal la̱ chakꞌrab li caqꞌue re laj Moisés laj cꞌanjel cha̱cuu.

Q'eqchi Bible

⁷ xb'aan naq ink'a' xqapaab' laachaq'rab', laawaatin ut laataqlahom li xak'e qe sa' xk'ab'a' laj Moisés aj k'anjel chawu.

Nehemías 1:7 ပူးပေါင်းရင်းမြစ်များ

Daniel 9:11

Chikajunilo la̱o aj Israel, xkakꞌet li chakꞌrab li caqꞌue ke ut incꞌaꞌ xkaba̱nu li cꞌaꞌru caye. Joꞌcan nak xtꞌaneꞌ saꞌ kabe̱n chixjunil li raylal li tzꞌi̱banbil saꞌ li chakꞌrab li caqꞌue re laj Moisés, laj cꞌanjel cha̱cuu. Xoma̱cob cha̱cuu, at Ka̱cuaꞌ.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

Apocalipsis 19:2

Aꞌan ti̱c xchꞌo̱l chi rakoc a̱tin saꞌ xya̱lal. Aꞌan xrakoc a̱tin saꞌ xbe̱n li nimla tenamit li chanchan jun li ixk naxcꞌayi rib. Xban nak numtajenak lix ma̱usilal, aꞌan quipoꞌoc ruheb li tenamit li cuanqueb saꞌ ruchichꞌochꞌ. Li Dios xqꞌueheb chixtojbal rix lix ma̱queb xban nak queꞌxcamsi nabaleb laj cꞌanjel chiru.

Malaquías 4:4

Misach saꞌ e̱chꞌo̱l li chakꞌrab li quinqꞌue re laj Moisés laj cꞌanjel chicuu saꞌ xbe̱n li tzu̱l Horeb li quinqꞌue e̱re che̱junilex la̱ex aj Israel.

Sofonías 3:7

Li Ka̱cuaꞌ quixye: —Saꞌ inchꞌo̱l la̱in nak riqꞌuin aꞌin tineꞌxxucua laj Jerusalén ut teꞌxcꞌul lix kꞌusbaleb li xinqꞌue, re nak incꞌaꞌ tinsach ru lix tenamiteb. Abanan kꞌaxal cuiꞌchic queꞌxba̱nu li ma̱usilal.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

2 Crónicas 27:2

Laj Jotam quixba̱nu li us chiru li Ka̱cuaꞌ joꞌ quixba̱nu laj Uzías lix yucuaꞌ, abanan incꞌaꞌ qui-oc saꞌ lix templo li Ka̱cuaꞌ. Ut eb li tenamit incꞌaꞌ queꞌxcanab xlokꞌoninquil li jalanil dios.

2 Crónicas 25:4

Abanan incꞌaꞌ quixtakla xcamsinquil li ralal xcꞌajoleb. Quixba̱nu ban li quixye li Ka̱cuaꞌ joꞌ tzꞌi̱banbil saꞌ li chakꞌrab li quiqꞌueheꞌ re laj Moisés nak li Ka̱cuaꞌ quixye: —Eb li naꞌbej yucuaꞌbej incꞌaꞌ teꞌcamsi̱k xban li ma̱c li queꞌxba̱nu li alal cꞌajolbej, chi moco li alal cꞌajolbej teꞌcamsi̱k xban lix ma̱queb lix naꞌ xyucuaꞌeb. Tixtoj ban xma̱c li ani cuan xma̱c.

1 Reyes 2:3

Chaba̱nu la̱ taklanquil li xqꞌue li Ka̱cuaꞌ la̱ Dios. Ta̱ba̱nu taxak li cꞌaꞌru naxye a̱cue. Ba̱nu li cꞌaꞌru naraj aꞌan joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ta̱ba̱nu li cꞌaꞌru naraj li Ka̱cuaꞌ re nak us tat-e̱lk riqꞌuin chixjunil li ta̱ba̱nu yalak bar tatxic.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 5:1

Laj Moisés quixchꞌutubeb chixjunileb laj Israel ut quixye reheb: —La̱ex aj Israel, abihomak li chakꞌrab ut le̱ taklanquil li oc cue chixyebal e̱re anakcuan. Chetzolak chi us li chakꞌrab ut qꞌuehomak e̱chꞌo̱l chixba̱nunquil.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Levítico 27:34

Aꞌaneb aꞌin li chakꞌrab li quixqꞌue li Dios reheb laj Israel, li quixqꞌue re laj Moisés saꞌ li tzu̱l Sinaí.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Salmos 89:31

Cui nequeꞌxkꞌet li cua̱tin ut nequeꞌxmux ru lin chakꞌrab, la̱in tinqꞌueheb chixcꞌulbal li raylal.

Salmos 89:32

Tinqꞌueheb chixtojbal xma̱queb ut tinqꞌue li raylal saꞌ xbe̱neb xban li ma̱usilal teꞌxba̱nu.