Nehemías 1:6 - Li Santil hu

⁶ Nintzꞌa̱ma cha̱cuu nak ta̱cuabi taxak ut chaqꞌue taxak retal li cꞌaꞌru yo̱quin chixtzꞌa̱manquil cha̱cuu, la̱in aj cꞌanjel cha̱cuu. Chi kꞌek chi cutan yo̱quin chixtzꞌa̱manquil xcuybaleb xma̱c eb li ralal xcꞌajol laj Israel laj cꞌanjeleb cha̱cuu. Ya̱l nak xoma̱cob cha̱cuu, la̱in joꞌqueb ajcuiꞌ chixjunileb li ralal xcꞌajol lin yucuaꞌ.

Q'eqchi Bible

⁶ Nintz'aama chawu naq chawil taxaq xtoq'ob'aal wu ut chawab'i lintij chi q'eq ut chi kutan sa' xk'ab'a'eb' laj Israel aj k'anjeleb' chawu. Yaal naq xoomaakob'k chawu laa'in ut eb' li wech'alal; xoomaakob'k laa'o aj Israel

Nehemías 1:6 ပူးပေါင်းရင်းမြစ်များ

Daniel 9:20

Toj yo̱quin ajcuiꞌ chi tijoc chiru li Dios ut yo̱quin chixxo̱tonquil lin ma̱c chiru joꞌ ajcuiꞌ lix ma̱queb lin tenamit Israel. Chi anchal inchꞌo̱l yo̱quin chixtzꞌa̱manquil chiru li Ka̱cuaꞌ nak tixxakab cuiꞌchic lix santil templo.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

2 Crónicas 29:6

Eb li kaxeꞌto̱nil yucuaꞌ queꞌxkꞌetkꞌeti ribeb chiru li Ka̱cuaꞌ li kaDios ut queꞌxba̱nu li incꞌaꞌ nacuulac chiru. Queꞌxcanab xlokꞌoninquil li Ka̱cuaꞌ Dios saꞌ lix templo ut queꞌxtzꞌekta̱na.

2 Crónicas 6:40

Joꞌcan ut at Ka̱cuaꞌ, at inDios, chaqꞌue taxak retal ut chacuabi taxak lix tijeb li teꞌtijok saꞌ li naꞌajej aꞌin.

Isaías 6:5

Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

San Lucas 18:7

¿Ma tojaꞌ ta chic li Dios incꞌaꞌ tixcoleb li sicꞌbileb ru xban? ¿Ma ta̱ba̱yk ta biꞌ chixsumenquil li cꞌaꞌru teꞌxtzꞌa̱ma li nequeꞌya̱ban re lix cꞌabaꞌ chi kꞌek chi cutan?

2 Timoteo 1:3

Junelic ninbantioxi chiru li Dios nak nacatinjultica saꞌ lin tij chi kꞌek chi cutan. Ut ma̱cꞌaꞌ nachꞌiꞌchꞌiꞌin cue saꞌ li cua̱m nak nincꞌanjelac chiru li Dios joꞌ queꞌxba̱nu lin xeꞌto̱nil yucuaꞌ.

Lamentaciones 5:7

Queꞌma̱cob li kaxeꞌto̱nil yucuaꞌ ut anakcuan camenakeb chic. Abanan la̱o yo̱co chixcꞌulbal li raylal xban li ma̱c queꞌxba̱nu eb aꞌan.

1 Timoteo 5:5

Li xma̱lcaꞌan li jun a̱tal, caꞌaj chic riqꞌuin li Dios nayoꞌonin. Naxnumsi li cutan ut li kꞌojyi̱n chi tijoc ut naxtzꞌa̱ma chiru li Dios nak ta̱tenkꞌa̱k.

Salmos 130:2

China̱cuabi taxak nak ninya̱ba la̱ cꞌabaꞌ. China̱sume taxak nak nintzꞌa̱ma intenkꞌanquil cha̱cuu.

Salmos 55:17

Ekꞌela, cuaꞌleb ut ecuu ninya̱ba xcꞌabaꞌ li Dios nak nintijoc ut ninye cuib re ut aꞌan narabi li cꞌaꞌru nintzꞌa̱ma re.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

San Lucas 2:37

Ac cuan chic ca̱hib roꞌcꞌa̱l chihab (84) xcanajic xjunes. Aꞌan cuan junelic saꞌ li templo. Yo̱ chi cꞌanjelac chiru li Ka̱cuaꞌ chi kꞌek chi cutan. Junelic yo̱ chi tijoc ut yo̱ chixba̱nunquil x-ayu̱n.

Salmos 88:1

At Ka̱cuaꞌ, at inDios, la̱at laj Colol cue. Chi kꞌek chi cutan nintzꞌa̱ma intenkꞌanquil cha̱cuu.

Esdras 10:11

Anakcuan ut qꞌuehomak xlokꞌal li Ka̱cuaꞌ lix Dioseb le̱ naꞌ e̱yucuaꞌ. Cheba̱nu joꞌ naraj li Ka̱cuaꞌ. Isihomak e̱rib saꞌ xya̱nkeb li jalaneb xtenamit ut jachomak e̱rib riqꞌuineb li ixk aꞌan, chan.

2 Crónicas 28:10

Ut anakcuan la̱ex te̱raj te̱qꞌue chokꞌ rahobtesinbil mo̱s eb laj Judá ut eb laj Jerusalén. ¿Ma incꞌaꞌ ta biꞌ xexma̱cob la̱ex chiru li Ka̱cuaꞌ li kaDios?

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

1 Reyes 8:30

Chacuabihak taxak lin tij. Ut chacuabihak taxak lix tijeb laj Israel nak teꞌtijok saꞌ li naꞌajej aꞌin. Chacuabihak taxak li katij saꞌ li naꞌajej aꞌin li tatcua̱nk cuiꞌ. Toj saꞌ choxa taxak ta̱cuabi li katij ut ta̱cuy ta̱sach li kama̱c.

1 Reyes 8:47

Abanan nak chapcho̱keb xbaneb li jalaneb xtenamit, ma̱re ta̱julticokꞌ reheb nak incꞌaꞌ us xeꞌxba̱nu ut teꞌxjal xcꞌaꞌuxeb. Ut ma̱re teꞌtijok chak saꞌ li tenamit bar cua̱nkeb cuiꞌ chak ut teꞌxye: “Xoma̱cob. Incꞌaꞌ us xkaba̱nu. Xkaba̱nu li ma̱usilal,” chaꞌkeb.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Salmos 102:17

Li Ka̱cuaꞌ tixsume lix tijeb li yo̱queb chi cꞌuluc raylal nak teꞌxtzꞌa̱ma lix tenkꞌanquileb chiru. Incꞌaꞌ tixcanab yal chi joꞌcan lix tijeb lix tenamit li ma̱cꞌaꞌ cuan reheb.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Daniel 9:8

At Ka̱cuaꞌ, kꞌaxal xuta̱nal nakacꞌul la̱o joꞌqueb ajcuiꞌ li karey ut eb li nequeꞌtaklan saꞌ kabe̱n, joꞌqueb ajcuiꞌ li kanaꞌ kayucuaꞌ xban nak xoma̱cob cha̱cuu.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.