Nehemías 1:3 - Li Santil hu

³ Ut eb aꞌan queꞌxye cue nak eb laj judío li queꞌsukꞌi Jerusalén cuanqueb saꞌ raylal ut xuta̱nal yo̱queb chixcꞌulbal. Juqꞌuinbil li tzꞌac li sutsu cuiꞌ li tenamit joꞌ ajcuiꞌ li oqueba̱l ut cꞌatbil lix puertil.

Q'eqchi Bible

³ Kine'xchaq'b'e: “Eb' li ink'a' koheb' chi preexil ut ke'kanaak sa' xteepal Judá, wankeb' anaqwan sa' rajb'al ru ut naab'al li rahilal yookeb' xk'ulb'al. Juk'inb'il li tz'ak sutsu wi' Jerusalén, ut k'atb'il li xtz'apb'al rokeb'aal li tenamit”, chankeb'.

Nehemías 1:3 ပူးပေါင်းရင်းမြစ်များ

Nehemías 2:17

La̱in quinye reheb: —La̱ex nequenau li raylal cuanco cuiꞌ. La̱ex nequenau nak li tenamit Jerusalén juqꞌuinbil ut eb lix puertil cꞌataleb. Joꞌcan nak quimkex ut qꞌuehomak e̱chꞌo̱l re nak takayi̱b cuiꞌchic li tzꞌac li sutsu cuiꞌ li tenamit re nak incꞌaꞌ chic toxuta̱na̱k xban li katenamit Jerusalén.—

2 Reyes 25:10

Eb li soldado aj Babilonia li queꞌco̱eb chirix laj Nabuzaradán queꞌxjuqꞌui chixjunil li tzꞌac li sutsu cuiꞌ li tenamit Jerusalén.

Nehemías 7:6

Aꞌan aꞌin lix cꞌabaꞌeb laj Israel li queꞌchapeꞌ ut queꞌcꞌameꞌ Babilonia xban li rey Nabucodonosor ut queꞌsukꞌi cuiꞌchic Jerusalén ut Judá. Ac saꞌ xtenamit queꞌcana li junju̱nk.

Nehemías 2:13

Toj kꞌojyi̱n ajcuiꞌ nak quin-el saꞌ li puerta li na-iloc saꞌ li ru takꞌa saꞌ xjayal li yuꞌam haꞌ Dragón xcꞌabaꞌ ut co̱in toj saꞌ li puerta li nequeꞌrisi cuiꞌ li mul. Nak yo̱quin chi xic yo̱quin chirilbal chanru li tzꞌac li juqꞌuinbil li sutsu cuiꞌ li tenamit Jerusalén ut yo̱quin ajcuiꞌ chirilbaleb li puerta li cꞌatbileb.

Nehemías 2:3

La̱in quinchakꞌoc ut quinye re: —At rey, chicua̱nk taxak la̱ yuꞌam chi junelic. La̱in ra saꞌ inchꞌo̱l xban nak li tenamit li mukbileb cuiꞌ lin xeꞌto̱nil yucuaꞌ juqꞌuinbil ut cꞌatbileb lix puertil. Aꞌan aꞌin lix ya̱lal nak ra saꞌ inchꞌo̱l.—

Esdras 5:8

Nakaj xyebal a̱cue nak xocuulac saꞌ li naꞌajej Judá chirilbal lix templo li nimajcual Dios li yo̱queb chixyi̱banquil. Yo̱queb chixyi̱banquil li templo riqꞌuin ni̱nki pec. Li cheꞌ ac qꞌuebil saꞌ xnaꞌaj saꞌ li tzꞌac. Yo̱queb chixse̱banquil ribeb ut li cꞌanjel us yo̱ chi e̱lc chiruheb.

Lamentaciones 5:1

At Ka̱cuaꞌ, chijulticokꞌ taxak a̱cue li cꞌaꞌru xkacꞌul. Chacuil taxak xtokꞌoba̱l ku xban nak xuta̱nal xo-el.

Lamentaciones 3:61

La̱at xacuabi nak yo̱queb chinhobbal. Nacanau chixjunil li cꞌaꞌru nequeꞌxcꞌu̱b chicuix.

Lamentaciones 1:7

Nak cuanqueb saꞌ raylal ut xjuneseb, nequeꞌjulticoꞌ reheb laj Jerusalén chanru nak quicuan nabal xbiomaleb junxil. Najulticoꞌ reheb chanru nak xeꞌtꞌaneꞌ saꞌ rukꞌeb li xicꞌ nequeꞌiloc reheb ut ma̱ ani quitenkꞌan reheb. Eb li xicꞌ nequeꞌiloc reheb queꞌsahoꞌ saꞌ xchꞌo̱leb ut yo̱queb chixhobbal laj Jerusalén nak yo̱queb chixcꞌulbal li raylal.

Jeremías 52:14

Eb li soldado aj Babilonia li queꞌco̱eb chirix laj Nabuzaradán queꞌxjuqꞌui chixjunil li tzꞌac li sutsu cuiꞌ li tenamit Jerusalén.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Jeremías 5:10

Cha̱lkeb li xicꞌ nequeꞌiloc re lin tenamit ut cheꞌxsachak ru lin tenamit li chanchan li acui̱mk uvas. Abanan incꞌaꞌ teꞌxsach ru chi junaj cua. Caꞌaj cuiꞌ li incꞌaꞌ useb xnaꞌleb teꞌrisiheb saꞌ xya̱nkeb xban nak eb aꞌan ma̱cuaꞌ cueheb.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Isaías 5:5

Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Salmos 79:4

Eb li cuanqueb chi nachꞌ riqꞌuin li katenamit yo̱queb chikaseꞌenquil. Nocoeꞌxhob ut nocoeꞌretzꞌu.

Ester 1:1

Aꞌan aꞌin li quicꞌulman saꞌ eb li cutan nak quicuan chokꞌ rey laj Asuero. Aꞌan quitaklan saꞌ xbe̱n li tenamit La India. Ut aꞌan ajcuiꞌ quitaklan saꞌ xbe̱neb chixjunileb li tenamit quicuulac toj saꞌ li tenamit Etiopía. Jun ciento riqꞌuin cuukub xcaꞌcꞌa̱l (127) chi tenamit queꞌcuan rubel xcuanquil laj Asuero.

Nehemías 11:3

Nabaleb laj Israel, joꞌ eb laj tij, eb laj levita, eb li nequeꞌcꞌanjelac saꞌ li templo ut eb li ralal xcꞌajol li queꞌcꞌanjelac chiru laj Salomón, queꞌcana chi cua̱nc saꞌ eb li tenamit xcue̱nt Judá. Ac saꞌ xnaꞌajeb queꞌcana li junju̱nk. Ut eb laj Israel li queꞌtaklan, li queꞌcana chi cua̱nc Jerusalén, aꞌaneb aꞌin:

Esdras 2:1

Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Proverbios 25:28

Li ani incꞌaꞌ naxnau xcuybal rib, aꞌan chanchan jun li tenamit xiu xiu cuan xban nak incꞌaꞌ sutsu saꞌ tzꞌac.

Lamentaciones 2:9

Eb li oqueba̱l re li tenamit tꞌanenakeb chic saꞌ chꞌochꞌ. Jorbil chic li ni̱nki cheꞌ li queꞌtzꞌapoc re li oqueba̱l. Li rey joꞌqueb ajcuiꞌ li queꞌtenkꞌan re queꞌchapeꞌ ut queꞌcꞌameꞌ chi najt saꞌ jalan tenamit. Ma̱cꞌaꞌ chic xchakꞌrab li Dios. Ut li Ka̱cuaꞌ incꞌaꞌ chic naxcꞌutbesi li visión chiruheb li profeta.

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

2 Crónicas 36:19

Ut queꞌxcꞌat lix templo li Dios. Queꞌxjucꞌ li tzꞌac li sutsu cuiꞌ li tenamit Jerusalén. Queꞌxcꞌat li rochoch li rey ut queꞌxpoꞌ chixjunil li cꞌaꞌru raro xbaneb laj Judá.