Nehemías 1:2 - Li Santil hu2 Quicuulac cuiqꞌuin li cuas laj Hanani rochbeneb cuib oxib li cui̱nk aj Judá. Quinpatzꞌ reheb chanru cuanqueb laj judío li queꞌcꞌameꞌ Babilonia ut queꞌsukꞌi cuiꞌchic Jerusalén. Ut quinpatzꞌ ajcuiꞌ chanru cuan li tenamit Jerusalén. အခန်းကိုကြည့်ပါ။Q'eqchi Bible2 naq kiwulak laj Jananí, li wiitz'in, rochb'eeneb' wiib' oxib' chi winq chalenaqeb' Judá. Toja' naq kinpatz' reheb' chirix Jerusalén ut chanru wankeb' laj Judiiy li ink'a' koheb' chi preexil aran Babilonia. အခန်းကိုကြည့်ပါ။ |
Ut li joꞌ qꞌuial chic li incꞌaꞌ teꞌcamsi̱k tinjulticokꞌ reheb nak cua̱nkeb chi pre̱xil saꞌ jalan tenamit. Ta̱julticokꞌ reheb nak quirahoꞌ inchꞌo̱l chirixeb. Ta̱julticokꞌ reheb chanru nak xinqꞌueheb chi cꞌuluc raylal xban nak incꞌaꞌ xeꞌcuan saꞌ ti̱quilal chicuu ut xban ajcuiꞌ nak xineꞌxtzꞌekta̱na xban xlokꞌoninquil li jalanil dios. Aꞌaneb ajcuiꞌ teꞌecꞌa̱nk re nak incꞌaꞌ us xeꞌxba̱nu ut teꞌxuta̱na̱k xban lix ma̱usilaleb.
Saꞌ li ru takꞌa Sidim cꞌajoꞌ li jul cuan. Saꞌ eb li jul aꞌin cuan li asfalto. Nak yo̱queb chi e̱lelic chiruheb li ca̱hib chi rey, eb li soldados re Sodoma ut Gomorra queꞌlajeꞌtꞌaneꞌ saꞌ li jul ut cuan li queꞌe̱lelic saꞌ li tzu̱l. Eb li o̱b chi rey incꞌaꞌ queꞌxcuy xcolbal ribeb saꞌ rukꞌeb li ca̱hib chic.
Li rey Nabucodonosor quixcꞌameb chi pre̱xil chixjunileb li queꞌcuan Jerusalén. Quixcꞌameb li soldado joꞌ eb ajcuiꞌ li nequeꞌtaklan saꞌ xbe̱neb. Quixcꞌam chixjunileb li nequeꞌxnau cꞌanjelac chi cha̱bil, joꞌ eb ajcuiꞌ laj tenol chꞌi̱chꞌ. Laje̱b mil chixjunileb li cristian li quixcꞌam Babilonia. Caꞌaj chic eb li nebaꞌeb queꞌcana Jerusalén.