Nehemías 1:10 - Li Santil hu

¹⁰ Joꞌcan ut, at Ka̱cuaꞌ, misach saꞌ a̱chꞌo̱l xban nak la̱o aj cꞌanjel cha̱cuu. La̱o la̱ cualal a̱cꞌajol li coa̱col riqꞌuin la̱ cuanquilal ut riqꞌuin la̱ metzꞌe̱u.

Q'eqchi Bible

¹⁰ “At Qaawa', laa'o aj k'anjel chawu; misachk sa' aach'ool naq laa'o laatenamit li xakoleb' rik'in xnimal aawankil ut aametz'ew.

Nehemías 1:10 ပူးပေါင်းရင်းမြစ်များ

Deuteronomio 9:29

At Ka̱cuaꞌ, aꞌaneb la̱ tenamit. Aꞌaneb li sicꞌbil ruheb a̱ban. La̱at cat-isin reheb Egipto riqꞌuin xnimal la̱ cuanquilal, chanquin re li Dios.

Éxodo 32:11

Laj Moisés quixtzꞌa̱ma chiru li Ka̱cuaꞌ Dios ut quixye re: —At Ka̱cuaꞌ Dios, ¿cꞌaꞌut nak mas xchal la̱ joskꞌil saꞌ xbe̱neb la̱ tenamit? Riqꞌuin lix nimal a̱cuanquilal xacuisiheb chak saꞌ li tenamit Egipto.

Isaías 64:9

At Ka̱cuaꞌ, incꞌaꞌ taxak chinumta̱k la̱ joskꞌil saꞌ kabe̱n. Incꞌaꞌ taxak chicua̱nk saꞌ a̱chꞌo̱l junelic li kama̱c. Chacuil taxak xtokꞌoba̱l ku xban nak la̱o la̱ tenamit.

Salmos 136:12

Corisi chak riqꞌuin xnimal xcuanquil xban nak kꞌaxal nim li ruxta̱n saꞌ kabe̱n junelic.

Salmos 74:2

Chijulticokꞌ a̱cue li kaxeꞌto̱nil yucuaꞌ li xacoleb najter nak cuanqueb aran Egipto. La̱at xacoleb chiruheb li yo̱queb chi rahobtesi̱nc reheb re nak ta̱cꞌameb cuiꞌchic saꞌ li naꞌajej li xayechiꞌi reheb. Chijulticokꞌ a̱cue li tzu̱l Sión li nacatcuan cuiꞌ.

Deuteronomio 15:15

Chijulticokꞌ e̱re chanru nak quexcuan chak la̱ex chokꞌ rahobtesinbil mo̱s aran Egipto ut li Ka̱cuaꞌ le̱ Dios quicoloc chak e̱re. Joꞌcan nak la̱in xinqꞌue e̱re li chakꞌrab aꞌin anakcuan.

Éxodo 15:13

Xban nak kꞌaxal nim la̱ cuusilal, la̱at yo̱cat chi cꞌamoc be chiku ut xoa̱col. Riqꞌuin lix nimal a̱cuanquilal toa̱cꞌam saꞌ li naꞌajej li xayechiꞌi ke junxilaj.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 6:1

Ut li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu re laj faraón. Moco caꞌaj cuiꞌ ta tixcanabeb chi xic laj Israel. Saꞌ joskꞌil ban tixyolesiheb nak ta̱risiheb saꞌ lix tenamit, chan li Dios.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Éxodo 13:16

Li ninkꞌe aꞌan ta̱cꞌanjelak e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios xban nak riqꞌuin lix nimal xcuanquil li Dios quexrisi chak Egipto, chan laj Moisés.

Salmos 89:14

La̱at nacatrakoc a̱tin saꞌ ti̱quilal. Nacacꞌutbesi lix ya̱lal ut la̱ rahom riqꞌuin chixjunil li nacaba̱nu.