Nahum 3:6 - Li Santil hu

⁶ Chanchan tinqꞌue li tzꞌaj saꞌ e̱be̱n nak texintzꞌekta̱na. Tincꞌut e̱xuta̱n chiruheb li tenamit ut sachso̱k xnaꞌlebeb teꞌcana̱k che̱rilbal.

Q'eqchi Bible

⁶ Tintuub' li tz'ajn sa' aab'een; tatinkanab' sa' xutaan ut tatink'e chi se'eek.

Nahum 3:6 ပူးပေါင်းရင်းမြစ်များ

Malaquías 2:9

Joꞌcan nak la̱in xincꞌut e̱xuta̱n ut xicꞌ chic nequex-ileꞌ xbaneb chixjunileb li tenamit xban nak incꞌaꞌ nequeba̱nu li cꞌaꞌru nacuaj, ut xban ajcuiꞌ nak toj nequesicꞌ ru ani nequecꞌut lix ya̱lal chiru chi tzꞌakal, chan li nimajcual Dios.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Li xHu LAJ JOB 9:31

Chanchan nak li Dios tinixcut saꞌ li jul cuan tzꞌaj chi saꞌ, ut li cuakꞌ ta̱yibokꞌ xban intzꞌajnil.

Hebreos 10:33

Cuan saꞌ e̱ya̱nk li xicꞌ queꞌileꞌ ut queꞌhobeꞌ chiruheb li tenamit. Ut la̱ex quextzꞌakon riqꞌuin li raylal li queꞌxcꞌul.

1 Corintios 4:9

Nak nincꞌoxla la̱in li Dios xoxqꞌue la̱o li apóstol chi ma̱cꞌaꞌ kacuanquil. Chanchano junak aj ma̱c li ac xteneba̱c ca̱mc saꞌ xbe̱n ut qꞌuebilo chiruheb li ángel ut chiruheb li cui̱nk re toeꞌril.

Nahum 1:14

Joꞌcaꞌin quixye li Ka̱cuaꞌ cha̱cuix la̱at lix reyeb li tenamit Nínive. Ma̱ jun a̱cualal a̱cꞌajol teꞌcana̱k re teꞌoc chokꞌ rey saꞌ la̱ naꞌaj. Tinsach ruheb chixjunileb le̱ yi̱banbil dios ut le̱ pechꞌbil dios li cuanqueb saꞌ li naꞌajej li bar nequelokꞌoniheb cuiꞌ. Ut aran ajcuiꞌ tatmukekꞌ xban nak kꞌaxal yibru a̱naꞌleb, chan li Dios.

Li xHu LAJ JOB 30:8

Eb li cristian aꞌin ma̱cꞌaꞌ nequeꞌoc cuiꞌ. Incꞌaꞌ useb xnaꞌleb ut moco xcꞌulubeb ta nak teꞌcua̱nk saꞌ eb li tenamit.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

1 Corintios 4:13

Nak nocohobeꞌ incꞌaꞌ nakasume ru. Nequeꞌka̱tina ban saꞌ usilal. Chalen anakcuan tzꞌekta̱nanbilo xbaneb chixjunileb. Ma̱cꞌaꞌ noco-oc cuiꞌ nak nocoeꞌril. Chanchano li mul chiruheb.

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.

Lamentaciones 3:16

Chanchan nak quinixcut chiru chꞌochꞌ ut xeꞌtokeꞌ li ruch cue. Ut chanchan nak quinixtolcꞌosi saꞌ poks.

Li xHu LAJ JOB 30:19

Chanchan xinixcut saꞌ li sulul. Ut chanchanin chic li poks malaj ut li cha.

Ezequiel 16:37

Joꞌcan nak la̱in tinchꞌutubeb chixjunileb li cui̱nk li queꞌcuan a̱cuiqꞌuin, li nacacꞌojob cuiꞌ a̱chꞌo̱l, joꞌ eb ajcuiꞌ li xicꞌ nacacuileb. Tinchꞌutubeb cha̱jun sutam ut chiruheb aꞌan tincuisi la̱ cuakꞌ re nak tꞌustꞌu tatcana̱k chiruheb.

Habacuc 2:16

Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re.

Malaquías 2:3

La̱in tincuisi le̱ cuanquil ut tincut saꞌ xnakꞌ e̱ru lix cꞌot li xul li nequemayeja. Ut texcuisi chirix cab e̱rech xxiquic lix cꞌot li xul li nequemayeja.