Nahum 3:3 - Li Santil hu

³ Nak yo̱queb chi cha̱lc chi camsi̱nc chirix lix cacua̱yeb, cꞌajoꞌ nak nalemtzꞌun lix la̱nseb ut lix chꞌi̱chꞌeb nak nequeꞌxtaksi. Numtajenak cuiꞌchic nabal li tochꞌoleb ut kꞌaxal cuiꞌchic nabaleb li camenak. Nequeꞌxtich li rokeb chiruheb li camenak li yo̱queb chi pletic.

Q'eqchi Bible

³ Wankeb' chaq chirix kawaay eb' laj puub'; ut jwal neke'lemtz'unk chaq li xq'esnal ch'iich' ut eb' li xjutz' ch'iich'. K'ajo' xk'ihaleb' li xe'tiq'e'k, k'ajo'eb' li kamenaq, maak'a' rajlankileb': eb' li poyanam neke'tichk'okje'k chiruheb' li kamenaq.

Nahum 3:3 ပူးပေါင်းရင်းမြစ်များ

Habacuc 3:11

Quicuil nak cuan chak la̱ tzimaj ut la̱ la̱ns saꞌ la̱ cuukꞌ ut cꞌajoꞌ nak nalemtzꞌun. Li po ut li sakꞌe incꞌaꞌ chic queꞌecꞌan saꞌ lix naꞌajeb nak queꞌxqꞌue retal la̱ cuanquilal.

Ezequiel 39:4

Saꞌ eb li tzu̱l li cuanqueb Israel tatcamsi̱k a̱cuochbeneb la̱ soldado, joꞌ eb ajcuiꞌ li jun chꞌol chic tenamit li yo̱keb chi tenkꞌa̱nc a̱cue. Ut tincanabeb le̱ tibel chixtiuheb li soꞌsol ut eb li joskꞌ aj xul li cuanqueb saꞌ qꞌuicheꞌ.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 34:3

Eb li camenak telajeꞌcana̱k chi tꞌantꞌo ut cꞌajoꞌak xchuhaleb. Ut ta̱osokꞌ li tzu̱l saꞌ lix quiqꞌueleb.

Nahum 2:4

Eb li carruaje yo̱keb chi xic saꞌ a̱nil saꞌ eb li be. Telajeꞌnumekꞌ saꞌ eb li cꞌayil. Yalak bar telajeꞌxic. Chanchanakeb li xam ut chanchanakeb li rakꞌ ca̱k.

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.

Génesis 3:24

Li Dios quirisiheb li cui̱nk ut li ixk. Quixqꞌueheb li querubines aran saꞌ releb sakꞌe saꞌ li naꞌajej Edén. Quixqꞌueheb saꞌ li oqueba̱l re li naꞌajej re nak teꞌril nak ma̱ ani ta̱oc. Ut quixqꞌue jun li chꞌi̱chꞌ yo̱ xxamlel ut yo̱ xsutinquil rib yalak bar re xrambal ru li be re nak ma̱ ani ta̱oc cuan cuiꞌ li cheꞌ li naqꞌuehoc junelic yuꞌam.

Levítico 26:37

Nak yo̱keb chi e̱lelic teꞌxtichi ribeb chi ribileb rib usta ma̱ ani yo̱k chi a̱lina̱nc reheb. Ut incꞌaꞌ teꞌru̱k chixcolbal ribeb chiruheb li xicꞌ nequeꞌiloc reheb.

Isaías 66:16

Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.