Nahum 3:13 - Li Santil hu

¹³ Le̱ soldado li cuanqueb saꞌ le̱ tenamit chanchanakeb chic li ixk xban nak incꞌaꞌ chic cauhakeb rib. Chanchan nak li oqueba̱l re le̱ tenamit teto chiruheb li xicꞌ nequeꞌiloc e̱re. Cꞌatbil nak teꞌosokꞌ lix puertil li oqueba̱l re le̱ tenamit.

Q'eqchi Bible

¹³ Eb' laasoldaad xe'yopirk: chanchaneb' ixq sa' xyanqeb' li xik' nele'ilok reheb'. Eb' li okeb'aal xe'tehonk chi xka'pak'alil ut li xam xk'at chixjunil li xnat'b'al rix.

Nahum 3:13 ပူးပေါင်းရင်းမြစ်များ

Jeremías 51:30

Eb li soldado aj Babilonia xeꞌxcanab pletic. Xeꞌxtzꞌap ribeb saꞌ li cab li nequeꞌxcol cuiꞌ ribeb. Ma̱cꞌaꞌeb chic xmetzꞌe̱u. Chanchaneb ixk. Cꞌatbil nak ta̱osokꞌ lix tenamiteb ut poꞌinbileb chic li oqueba̱l.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Nahum 2:6

Li puerta li nequeꞌramoc re li nimaꞌ teꞌteli̱k ut ta̱sachekꞌ li palacio.

Jeremías 50:37

Teꞌcamsi̱k saꞌ li ple̱t eb li cacua̱y ut teꞌsachekꞌ ru li carruajes. Ut teꞌcamsi̱k li jalaneb xtenamiteb li cuanqueb saꞌ xya̱nkeb. Chanchanakeb chic ixk. Teꞌsachekꞌ ru li raro xbaneb ut ta̱cꞌamekꞌ lix biomaleb.

Salmos 147:13

Li Ka̱cuaꞌ, aꞌan naqꞌuehoc e̱cacuilal re nak te̱col e̱rib chiruheb li xicꞌ nequeꞌiloc e̱re ut aꞌan na-osobtesin e̱re la̱ex li cuanquex Jerusalén.

Salmos 107:16

Li Ka̱cuaꞌ aꞌan li quijoroc re li oqueba̱l yi̱banbil riqꞌuin bronce ut hierro re xcolbaleb lix tenamit chiruheb li queꞌnumta saꞌ xbe̱neb.

Jeremías 50:36

Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Nahum 3:15

Cꞌatbil nak tex-osokꞌ saꞌ rukꞌeb li xicꞌ nequeꞌiloc e̱re ut riqꞌuin chꞌi̱chꞌ texcamsi̱k. Chanchan nak na-osoꞌ li acui̱mk xban laj sa̱cꞌ nak texcamsi̱k xbaneb. Usta kꞌaxal nabalex joꞌ laj sa̱cꞌ, abanan tex-osokꞌ saꞌ rukꞌeb.

Abdías 1:9

Sicsotkeb xbaneb xxiu li cauheb rib chi pletic saꞌ li tenamit Temán. Ut telajeꞌsachekꞌ ruheb chixjunileb li cuanqueb saꞌ li tzu̱l saꞌ lix naꞌajeb li ralal xcꞌajol laj Esaú.

Nahum 2:7

Li rixakil li rey ta̱chapekꞌ ut ta̱cꞌamekꞌ joꞌqueb ajcuiꞌ lix mo̱seb. Chanchanakeb li paloma nak teꞌya̱bak. Yo̱keb xtenbal reheb xchꞌo̱l ut yo̱keb chi ya̱bac xban xrahil xchꞌo̱leb.