Nahum 3:10 - Li Santil hu

¹⁰ Abanan, usta kꞌaxal cauheb rib, eb laj Tebas queꞌchapeꞌ ajcuiꞌ ut queꞌcꞌameꞌ chi najt. Eb li cocꞌal quilajeꞌsaqꞌueꞌ saꞌ eb li xa̱la be toj retal queꞌcamsi̱c. Queꞌbu̱lic chirixeb laj cꞌamol be re teꞌril ani aj iqꞌuin teꞌcana̱k chi mo̱sil li junju̱nk ut eb li cuanqueb xcuanquil queꞌbaqꞌueꞌ riqꞌuin cadena.

Q'eqchi Bible

¹⁰ Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Nahum 3:10 ပူးပေါင်းရင်းမြစ်များ

Isaías 20:4

Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Abdías 1:11

Li queꞌchal saꞌ jalan tenamit, li xicꞌ nequeꞌiloc reheb, queꞌxtꞌan li oqueba̱l re li tenamit Jerusalén ut queꞌnumta saꞌ xbe̱neb. La̱ex cuanquex aran ut ma̱cꞌaꞌ queba̱nu re xtenkꞌanquileb laj Judá. Chanchan ajcuiꞌ la̱ex jun saꞌ xya̱nkeb li xicꞌ nequeꞌiloc reheb xban nak incꞌaꞌ quetenkꞌaheb nak queꞌmakꞌeꞌ chiruheb li cꞌaꞌru cuan reheb.

Joel 3:3

Queꞌbu̱lic chirixeb lin tenamit. Ut queꞌxcꞌayiheb li sa̱j al chokꞌ xtojbaleb li ixk li nequeꞌxcꞌayi ribeb. Ut queꞌxcꞌayiheb li tukꞌ ixk chokꞌ xtzꞌak li vino li nequeꞌrucꞌ.

Oseas 13:16

La̱in tebinqꞌue chixtojbal rix lix ma̱queb laj Samaria xban nak xineꞌxtzꞌekta̱na. Ta̱cha̱lk li ple̱t saꞌ xbe̱neb ut telajeꞌcamsi̱k riqꞌuin chꞌi̱chꞌ. Tenbileb chiru pec li cocꞌal nak teꞌcamsi̱k. Ut eb li yaj aj ixk jachbileb chi chꞌi̱chꞌ nak teꞌcamsi̱k.

Lamentaciones 2:19

Chexcuacli̱k chiru kꞌojyi̱n nabal sut ut te̱ya̱ba xcꞌabaꞌ li Ka̱cuaꞌ chi anchal e̱chꞌo̱l. Chetzꞌa̱ma chiru li Dios re nak ta̱ril xtokꞌoba̱leb ru le̱ cocꞌal li yo̱queb chi ca̱mc saꞌ be yalak bar xban nak ma̱cꞌaꞌ xtzacae̱mkeb.

Isaías 13:16

Eb li cocꞌal sacꞌbileb chiru pec nak teꞌcamsi̱k chiruheb li naꞌbej yucuaꞌbej. Telajeꞌcꞌamekꞌ chixjunil li cꞌaꞌru cuan reheb saꞌ rochocheb. Ut eb li rixakileb telajeꞌchapekꞌ xbaneb li cui̱nk.

Amós 1:13

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Amón. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌpletic riqꞌuineb laj Galaad re xmakꞌbal lix chꞌochꞌeb. Ut nak yo̱queb chi pletic, jachbil queꞌxba̱nu reheb li yaj aj ixk nak queꞌxcamsiheb.

Lamentaciones 4:1

Li ka-oro xeꞌkꞌekoꞌ ru. Li cha̱bil oro incꞌaꞌ chic nequeꞌlemtzꞌun. Ut li terto̱quil pec li xcuan saꞌ li templo nequeꞌtꞌanaxin yalak bar saꞌ eb li be.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Salmos 137:8

Ta̱sachekꞌ ru le̱ tenamit, la̱ex aj Babilonia. Us xak re li ani tixqꞌue re̱kaj e̱re li raylal li xeba̱nu ke.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

Li xHu LAJ JOB 6:27

La̱ex te̱raj xba̱nunquil cue joꞌ nequeꞌxba̱nu reheb li ma̱cꞌaꞌ xnaꞌ xyucuaꞌ. Te̱raj inbalakꞌinquil joꞌ nak nequeꞌxbalakꞌiheb li rami̱g.

Salmos 137:9

Us xak re li ani teꞌxsacꞌ le̱ cocꞌal chiru pec xban li ma̱usilal xeba̱nu ke.

Salmos 149:8

Teꞌxbacꞌ riqꞌuin cadena eb li rey joꞌ ajcuiꞌ eb li nequeꞌtenkꞌan reheb.

Isaías 19:4

Ut tinkꞌaxtesiheb saꞌ rukꞌ jun li cui̱nk kꞌaxal joskꞌ. Cꞌajoꞌ li raylal teꞌxcꞌul nak li rey aꞌan ta̱takla̱nk saꞌ xbe̱neb, chan li Ka̱cuaꞌ li nimajcual Dios.

Ezequiel 29:7

Nak cateꞌxchap saꞌ rukꞌeb, cattokeꞌ ut cahop li xbe̱neb xtel. Eb aꞌan queꞌxcꞌojob xchꞌo̱leb saꞌ a̱be̱n, abanan la̱at incꞌaꞌ catru xtenkꞌanquileb. Cacanabeb chi sachecꞌ.