Nahum 2:5 - Li Santil hu

⁵ Lix reyeb laj Nínive tixtakla xbokbaleb li nequeꞌcꞌamoc be chiruheb lix soldado. Teꞌxic raj saꞌ a̱nil saꞌ xbe̱n li tzꞌac re raj teꞌxcol li tenamit. Abanan teꞌxtich li rokeb ut telajeꞌtꞌanekꞌ.

Q'eqchi Bible

⁵ Neke'b'oqe'k li xjolomileb' laj puub', ut eb' a'in neke'xtiikisihatq rib' chi xik sa' xb'een li suttz'ak; kawresinb'ileb' chik li taqleb'aal.

Nahum 2:5 ပူးပေါင်းရင်းမြစ်များ

Jeremías 46:12

Eb li xni̱nkal ru tenamit xerabi resil nak xcuteꞌ e̱xuta̱n. Chixjunileb xeꞌrabi nak yo̱quex chi ya̱bac xban li raylal li cuanquex cuiꞌ. Eb li soldado li cauheb rib teꞌxtich li rokeb chi ribileb rib ut teꞌtꞌanekꞌ, chan li Ka̱cuaꞌ.

Nahum 3:18

Ma̱cꞌaꞌ yo̱queb laj ilol reheb la̱ tenamit, at xreyeb laj Asiria. Chanchan junes cua̱rc yo̱queb. Junes hila̱nc nequeꞌxba̱nu li cauheb rib saꞌ la̱ tenamit ut chixjunileb li tenamit quilajeꞌxchaꞌchaꞌi ribeb saꞌ eb li tzu̱l. Ma̱ ani naru nachꞌutuban reheb.

Nahum 3:3

Nak yo̱queb chi cha̱lc chi camsi̱nc chirix lix cacua̱yeb, cꞌajoꞌ nak nalemtzꞌun lix la̱nseb ut lix chꞌi̱chꞌeb nak nequeꞌxtaksi. Numtajenak cuiꞌchic nabal li tochꞌoleb ut kꞌaxal cuiꞌchic nabaleb li camenak. Nequeꞌxtich li rokeb chiruheb li camenak li yo̱queb chi pletic.

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.

Isaías 21:5

Saꞌ li visión quicuil nak ac xeꞌxyi̱b li me̱x. Ac xeꞌxhel li tꞌicr re teꞌcuaꞌak cuiꞌ. Nequeꞌcuaꞌac ut nequeꞌucꞌac. Saꞌ junpa̱t na-abi̱c li xya̱b xcux li nataklan nak naxye: —Cuaclinkex la̱ex li nequextaklan saꞌ xbe̱neb li soldado. Cauresihomak le̱ chꞌi̱chꞌ re xcolbal e̱rib.—

Isaías 5:27

Ma̱ jun reheb lix soldado li tenamit aꞌan lublu̱keb. Ut ma̱ jun reheb teꞌxtich rokeb, chi moco teꞌcha̱lk xcuara. Ut ma̱ jun reheb ta̱hitekꞌ lix cꞌa̱mal xsaꞌeb, chi moco ta̱tꞌupekꞌ xcꞌa̱mal lix xa̱beb.

Nahum 2:6

Li puerta li nequeꞌramoc re li nimaꞌ teꞌteli̱k ut ta̱sachekꞌ li palacio.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.