Nahum 2:4 - Li Santil hu

⁴ Eb li carruaje yo̱keb chi xic saꞌ a̱nil saꞌ eb li be. Telajeꞌnumekꞌ saꞌ eb li cꞌayil. Yalak bar telajeꞌxic. Chanchanakeb li xam ut chanchanakeb li rakꞌ ca̱k.

Q'eqchi Bible

⁴ Eb' li b'eleb'aal ch'iich' neke'suutank sa'atqeb' li b'e, ut neke'chalk neke'xik sa' li tenamit; chanchaneb' li raq'xam ut li raq'kaaq naq neke'nume'k.

Nahum 2:4 ပူးပေါင်းရင်းမြစ်များ

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Ezequiel 26:10

Nak eb laj Babilonia teꞌoc saꞌ le̱ tenamit, teꞌxcuaclesi nabal li poks ut incꞌaꞌ chic texcꞌutu̱nk. Ut li tzꞌac li sutsu cuiꞌ le̱ tenamit ta̱ecꞌa̱nk saꞌ xnaꞌaj xban xya̱b rokeb lix cacua̱y ut eb lix carruaje nak teꞌoc saꞌ le̱ tenamit joꞌ nak nequeꞌoc saꞌ jun tenamit ac poꞌbil.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Jeremías 46:9

Taklahomakeb li cacua̱y chi xic. La̱ex li nequeꞌchꞌeꞌoc re li carruajes, texxic chi junpa̱t. Ayukex, ex soldados la̱ex aj etiopia ut la̱ex li cuanquex saꞌ li tenamit Put, li nequecꞌam le̱ chꞌi̱chꞌ re xcolbal re le̱ chꞌo̱l, ut la̱ex li cuanquex saꞌ li tenamit Lud li nequenau chi us cutuc riqꞌuin li tzimaj.

Ezequiel 23:24

Teꞌcha̱lk chi pletic e̱riqꞌuin ut teꞌcha̱lk nabaleb li soldado rochbeneb. Cua̱nk xcarruajeb ut cua̱nkeb xcꞌanjeleba̱l re pletic. Cua̱nkeb xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ. Teꞌxsut le̱ tenamit. Xban nak yo̱ injoskꞌil saꞌ e̱be̱n, la̱in texinkꞌaxtesi saꞌ rukꞌeb ut eb aꞌan teꞌrakok a̱tin saꞌ e̱be̱n joꞌ naxye saꞌ lix chakꞌrabeb.

Ezequiel 26:7

Li nimajcual Dios naxye: —La̱in tintakla chi pletic saꞌ le̱ tenamit laj Nabucodonosor, lix reyeb laj Babilonia, li kꞌaxal nim xcuanquil. Ta̱cha̱lk saꞌ li norte chi pletic e̱riqꞌuin rochbeneb lix qꞌuila soldados, ut eb lix cacua̱y ut eb lix carruaje.

Proverbios 31:21

Incꞌaꞌ nacꞌoxlac chirixeb li ralal xcꞌajol nak natꞌaneꞌ li ratzꞌam que xban nak ac cuan tzꞌakal li rakꞌeb re teꞌxtzꞌap cuiꞌ ribeb.