Nahum 2:3 - Li Santil hu

³ Cak li chꞌi̱chꞌ li nequeꞌxcol cuiꞌ rib li oqueb re chi pletic. Ut cak ajcuiꞌ li rakꞌeb li tikto̱queb cuiꞌ. Ac cauresinbileb re teꞌpletik. Lix carruajeb chanchan yo̱ xxamlel, ut eb lix cacua̱yeb teꞌraj ru xic chi pletic.

Q'eqchi Bible

³ Li xkolb'aleb' rib' laj yalonel a'an kaq xb'onol ut kaq ajwi' li raq'eb'. Ak yo'oon wankeb' chi yalok, chanchan xam eb' li b'eleb'aal ch'iich'; ut eb' li xkawaay neke'saapank re xik chi junpaat.

Nahum 2:3 ပူးပေါင်းရင်းမြစ်များ

Apocalipsis 12:3

Ut jun chic sachba chꞌo̱lej quicꞌutbesi̱c chicuu saꞌ choxa. Quicuil jun nimla joskꞌ aj xul cak rix dragón xcꞌabaꞌ. Cuan cuukub lix jolom ut laje̱b lix xucub. Ut saꞌ eb lix jolom cuukub cuan junju̱nk lix corona.

Apocalipsis 6:4

Ut qui-el chak jun chic li cacua̱y cak rix. Ut li jun li cuan chirix quiqꞌueheꞌ jun li nimla chꞌi̱chꞌ re ut quiqꞌueheꞌ xcuanquil re ta̱risi li tuktu̱quil usilal saꞌ ruchichꞌochꞌ re nak eb li cui̱nk teꞌxcamsi ribeb chi ribileb rib.

Zacarías 11:2

Chexya̱bak xban xrahil e̱chꞌo̱l. Quitꞌaneꞌ li cheꞌ ciprés. X-osoꞌ li ni̱nki chacalteꞌ li cꞌajoꞌ xchakꞌal ru. Chexya̱bak xban nak quisacheꞌ li ni̱nki ji aran Basán. Qui-osoꞌ chixjunil li qꞌuicheꞌ.

Zacarías 6:2

Li xbe̱n carruaje quelonbil xbaneb li cacua̱y cak rixeb; li xcab, aꞌan quelonbil xbaneb li cacua̱y kꞌek rixeb.

Zacarías 1:8

Quixye laj Zacarías: —Saꞌ jun li kꞌojyi̱n quicꞌutbesi̱c jun li visión chicuu xban li Dios. Saꞌ li visión aꞌan quicuil jun li cui̱nk cuan chirix jun li cacua̱y cak rix saꞌ jun li ru takꞌa. Xakxo rubeleb li cheꞌ mirto. Ut chirix aꞌan cuanqueb chic nabaleb li cacua̱y. Cuanqueb cak rixeb. Cuanqueb repex rixeb ut cuanqueb ajcuiꞌ sak rixeb.

Isaías 14:8

Li cheꞌ ciprés ut li chacalteꞌ li cuan Líbano nequeꞌsahoꞌ saꞌ xchꞌo̱leb ut nequeꞌxye, “Chalen nak quisacheꞌ ru lix reyeb laj Babilonia ma̱ ani chic nequeꞌtꞌanoc ke,” chanqueb.—

Li xHu LAJ JOB 39:23

Usta natzinloc xya̱b li chꞌi̱chꞌ saꞌ xbe̱neb ut usta na-el ratzꞌum li xam chiru lix chꞌi̱chꞌeb nak naxtochꞌ rib, abanan incꞌaꞌ nequeꞌxucuac.

Ezequiel 23:24

Teꞌcha̱lk chi pletic e̱riqꞌuin ut teꞌcha̱lk nabaleb li soldado rochbeneb. Cua̱nk xcarruajeb ut cua̱nkeb xcꞌanjeleba̱l re pletic. Cua̱nkeb xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ. Teꞌxsut le̱ tenamit. Xban nak yo̱ injoskꞌil saꞌ e̱be̱n, la̱in texinkꞌaxtesi saꞌ rukꞌeb ut eb aꞌan teꞌrakok a̱tin saꞌ e̱be̱n joꞌ naxye saꞌ lix chakꞌrabeb.

Ezequiel 26:7

Li nimajcual Dios naxye: —La̱in tintakla chi pletic saꞌ le̱ tenamit laj Nabucodonosor, lix reyeb laj Babilonia, li kꞌaxal nim xcuanquil. Ta̱cha̱lk saꞌ li norte chi pletic e̱riqꞌuin rochbeneb lix qꞌuila soldados, ut eb lix cacua̱y ut eb lix carruaje.

Nahum 3:2

Abihomak chanru nak yo̱queb chi cha̱lc li teꞌnumta̱k saꞌ e̱be̱n la̱ex aj Nínive. Yo̱queb chixsacꞌbal lix cacua̱yeb re nak teꞌcha̱lk chi junpa̱t. Cau nequeꞌecꞌan chak li rok nak yo̱queb chi cha̱lc. Ut eb lix carruajeb nequeꞌpojloc ut nequeꞌpiscꞌoc chak chi cha̱lc.

Salmos 80:13

Chanchaneb li qꞌuicheꞌ a̱k li cuan saꞌ qꞌuicheꞌ nak queꞌchal saꞌ kabe̱n chixba̱nunquil raylal ke li xicꞌ nequeꞌiloc ke. Chanchaneb li joskꞌ aj xul nak queꞌchal chikasachbal.