Nahum 2:2 - Li Santil hu

² Li Ka̱cuaꞌ tixqꞌue cuiꞌchic xlokꞌaleb li ralal xcꞌajol laj Jacob. Tixqꞌue cuiꞌchic xlokꞌaleb laj Israel. Teꞌqꞌuehekꞌ cuiꞌchic xlokꞌal ut xcuanquil li quimakꞌeꞌ chiruheb xbaneb li queꞌnumta saꞌ xbe̱neb. Tixqꞌue cuiꞌchic li racui̱mkeb laj Israel li quisacheꞌ chiruheb.

Q'eqchi Bible

² Xb'aan naq li Qaawa' tixk'ojob' wi' chik li xloq'al laj Jakob ut li xwankilal laj Israel. Eb' laj elq' ke'sachok re ut ke'xkanab' jo' jun toon chi uub' li maak'a'eb' chik li ruq', ab'an li Yos tixk'e wi' chi li xloq'al ut xwankilal.

Nahum 2:2 ပူးပေါင်းရင်းမြစ်များ

Sofonías 3:11

Saꞌ eb li cutan aꞌan incꞌaꞌ chic texxuta̱nobresi̱k xban li incꞌaꞌ us xeba̱nu nak xexma̱cob ut xekꞌetkꞌeti e̱rib chicuu. La̱in tincuisiheb saꞌ e̱ya̱nk li kꞌetkꞌeteb ut li nequeꞌxnimobresi ribeb. Ut incꞌaꞌ chic ta̱cua̱nk li kꞌetkꞌetil saꞌ lin santil naꞌaj.

Ezequiel 37:23

Incꞌaꞌ chic teꞌxmux ribeb xlokꞌoninquileb li jalanil dios, chi moco teꞌxkꞌetkꞌeti ribeb chicuu, chi moco teꞌxba̱nu chic li ma̱usilal. La̱in tincoleb chiru li ma̱usilal aꞌan ut tincuisi lix ma̱queb. Aꞌanakeb lin tenamit ut la̱inak lix Dioseb.

Isaías 60:15

Usta tzꞌekta̱nanbilex nak quexcuan ut usta xicꞌ quex-ileꞌ ut ma̱ ani quinumeꞌ saꞌ le̱ tenamit, abanan la̱in tinqꞌue e̱lokꞌal ut chixjunileb teꞌsahokꞌ saꞌ xchꞌo̱leb e̱riqꞌuin chi junelic.

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Jeremías 49:9

Nak teꞌsicꞌok uvas, ¿ma incꞌaꞌ ta biꞌ teꞌxcanab caꞌchꞌinak li ru? Ut nak nequeꞌchal laj e̱lkꞌ chiru kꞌojyi̱n, ¿ma incꞌaꞌ ta biꞌ teꞌxcꞌam caꞌaj cuiꞌ li joꞌ qꞌuial nequeꞌraj chokꞌ reheb?

Jeremías 25:29

La̱in oc cue chixtaklanquil li raylal saꞌ e̱be̱n la̱ex li cuanquex Jerusalén, li nequeꞌxcꞌabaꞌin incꞌabaꞌ. ¿Ma texcolekꞌ ta biꞌ la̱ex chiru li raylal li tintakla saꞌ e̱be̱n? ¿Ma incꞌaꞌ ta biꞌ te̱toj rix le̱ ma̱c? La̱in tintakla li raylal saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ li nimajcual Dios.

Salmos 47:4

Li Dios quisicꞌoc ru li naꞌajej li quixyechiꞌi ke. Li naꞌajej aꞌan quicuulac chiru laj Jacob, li raro xban li Dios.

Jeremías 48:11

Li Ka̱cuaꞌ quixye: —Junelic cꞌojcꞌo xchꞌo̱leb laj Moab. Incꞌaꞌ queꞌchapeꞌ ut incꞌaꞌ queꞌcꞌameꞌ saꞌ najtil tenamit. Chanchaneb li vino li tuktu ru li incꞌaꞌ quijaleꞌ xnaꞌaj. Incꞌaꞌ qui-el xsahil chi moco lix bo̱c.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

Nahum 3:14

Xocomak nabal le̱ haꞌ re nak yoꞌon cua̱nkex nak teꞌcha̱lk chi pletic e̱riqꞌuin. Yi̱bomak chi us li cab li nequecol cuiꞌ e̱rib. Cꞌamomak chak li seb ut yokꞌimak. Cauresihomak le̱ horno re nak te̱yi̱b nabal li xan.