Nahum 2:11 - Li Santil hu

¹¹ ¿Cꞌaꞌru xcꞌul li tenamit Nínive? Junxil chanchan xnaꞌajeb li cakcoj. X-osoꞌ lix naꞌajeb. ¿Ma incꞌaꞌ ta biꞌ chanchaneb li cakcoj nak queꞌcuan? Eb aꞌan ma̱ ani queꞌxxucua ru ut ma̱ ani naru naseꞌbesin reheb.

Q'eqchi Bible

¹¹ B'ar wank anaqwan li xna'ajeb' li kaqkoj? K'aru xk'ul li xjob'eb' li kok' kaqkoj b'arwi' xe'wank, chi maajun naxib'esink reheb'?

Nahum 2:11 ပူးပေါင်းရင်းမြစ်များ

Isaías 5:29

Nak teꞌxjap reheb li soldado chanchan nak nequeꞌxjap re li cakcoj malaj ut li ral li cakcoj nak oc re chixchapbal lix tib ut ma̱ ani ta̱makꞌok chiru.

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.

Sofonías 3:3

Eb laj cꞌamol be saꞌ li tenamit chanchaneb li joskꞌ aj cakcoj li teꞌtzꞌoca̱k. Ut eb li nequeꞌrakoc a̱tin saꞌ xbe̱neb li tenamit, chanchaneb laj xoj li nequeꞌbe̱c chi kꞌek chixsicꞌbal li cꞌaꞌru teꞌxtiu ut nak nequeꞌxtau, nequeꞌxchoy chi junaj cua. Chi moco li bak nequeꞌxcanab bayak re cuulaj.

Nahum 3:1

Ra cha̱lel saꞌ xbe̱n li tenamit Nínive xban nak aj camsineleb. Numtajenak aj ticꞌtiꞌeb ut aj e̱lkꞌeb. Ut incꞌaꞌ nequeꞌraj xcanabanquil li ma̱usilal nequeꞌxba̱nu.

Jeremías 50:44

La̱in tincuisiheb laj Babilonia saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Isaías 31:4

Li Ka̱cuaꞌ quixye cue chi joꞌcaꞌin: —La̱in tinpletik re xcolbal rix lin tenamit saꞌ li tzu̱l Sión. Ma̱ ani ta̱ru̱k ta̱ramok chicuu joꞌ jun li cakcoj naxcol rix lix tib li ac xchap. Usta japjo̱queb re laj ilol re li xul chixcolbal lix carner, li cakcoj incꞌaꞌ ta̱xucuak.

Génesis 49:9

La̱at, Judá, la̱at joꞌ ral jun li cakcoj li cau rib chiru chixjunileb li xul. Joꞌcan nak nacatinjuntakꞌe̱ta riqꞌuin li cakcoj xban nak cau a̱cuib. Li cakcoj naxchap li xul ut naxtiu ut natakeꞌ saꞌ li tzu̱l, ut aran nabuchla chak ut ma̱ ani naru nachꞌeꞌoc re.

Números 23:24

Eb laj Israel kꞌaxal cauhak ribeb. Incꞌaꞌ teꞌhila̱nk toj teꞌnumta̱k saꞌ xbe̱neb li xicꞌ nequeꞌiloc reheb joꞌ li cakcoj li incꞌaꞌ nahilan toj nak ac xchap lix tib ut xtiu ut xrucꞌ lix quiqꞌuel, chan laj Balaam.

Ezequiel 32:2

—At ralal cui̱nk, ta̱bicha jun li bich re rahil chꞌo̱lej chirix laj faraón lix reyeb laj Egipto. Ta̱ye: Chanchanat jun li cakcoj saꞌ xya̱nkeb li xni̱nkal ru tenamit. Chanchanat jun li joskꞌ aj xul dragón xcꞌabaꞌ nacuan saꞌ li palau. Nak narecꞌasi rib saꞌ li haꞌ natzꞌajnoꞌ li haꞌ ut nak nabe̱c nasululoꞌ ru.

Miqueas 5:6

Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin.

Nahum 2:12

Junxil cauheb rib laj Nínive. Queꞌcamsin ut queꞌxba̱nu li joꞌ qꞌuial queꞌraj. Chanchaneb li cakcoj li naxchap lix tib ut naxjeqꞌui re li ixki cakcoj ut reheb li cocꞌ ral. Queꞌnujac lix naꞌajeb riqꞌuin li cꞌaꞌru queꞌxchap. Joꞌcan ajcuiꞌ queꞌxba̱nu eb laj Nínive.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Joel 2:6

Cꞌajoꞌ nak yo̱keb chi xucuac li tenamit xbaneb. Sakquirinakeb xbaneb xxiu.