Nahum 1:9 - Li Santil hu

⁹ La̱ex aj Nínive, ¿cꞌaꞌut nak nequecꞌoxla xba̱nunquil li incꞌaꞌ us re li Ka̱cuaꞌ? Aꞌan tixsach e̱ru chi junaj cua. Jun sut ajcuiꞌ tixsach e̱ru. Moco caꞌ sut ta.

Q'eqchi Bible

⁹ K'aru yookex chi xk'uub'ankil chirix li Qaawa'? A'an tixsach eeru chi junajwa! Maajun naru taawakliiq chiru xka'sutil,

Nahum 1:9 ပူးပေါင်းရင်းမြစ်များ

Salmos 33:10

Li Ka̱cuaꞌ nasach ru li cꞌaꞌru nequeꞌxcꞌoxla xba̱nunquil li tenamit li incꞌaꞌ nequeꞌpa̱ban. Naxcanab chi ma̱cꞌaꞌ na-oc cuiꞌ li cꞌaꞌru nequeꞌxcꞌu̱b ru.

Salmos 21:11

Usta eb aꞌan teꞌxcꞌu̱b ru chanru teꞌxba̱nu raylal re li rey, abanan ma̱cꞌaꞌ naru teꞌxba̱nu re.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

Nahum 1:11

Saꞌ e̱ya̱nk la̱ex cuan li quicꞌoxlan re xba̱nunquil li incꞌaꞌ us re li Ka̱cuaꞌ. Aꞌan jun aj tacchiꞌ yibru xnaꞌleb.

1 Samuel 26:8

Laj Abisai quixye re laj David: —Anakcuan li Dios xkꞌaxtesi saꞌ a̱cuukꞌ li xicꞌ na-iloc a̱cue. Anakcuan china̱canab chixcamsinquil riqꞌuin lix la̱ns. Jun sut ajcuiꞌ tincut li la̱ns ut tinxekꞌ saꞌ chꞌochꞌ, chan.

1 Samuel 3:12

Saꞌ li cutan aꞌan la̱in tinba̱nu riqꞌuineb li ralal xcꞌajol laj Elí chixjunil li xinye re.

2 Samuel 20:10

Laj Amasa incꞌaꞌ quixqꞌue retal nak cuan xchꞌi̱chꞌ laj Joab saꞌ li rukꞌ jun chic. Ut laj Joab quixcuj chi chꞌi̱chꞌ laj Amasa ut qui-el lix cꞌamcꞌot ut quitꞌaneꞌ saꞌ chꞌochꞌ ut quicam saꞌ junpa̱t. Jun sut ajcuiꞌ quixcuj chi chꞌi̱chꞌ. Chirix aꞌan laj Joab rochben laj Abisai li ri̱tzꞌin queꞌco̱eb chixsicꞌbal laj Seba.

Isaías 28:22

Joꞌcan ut nak canabomak li hoboc re nak incꞌaꞌ ta̱nima̱nk li raylal li te̱cꞌul. La̱in ac xcuabi nak li nimajcual Dios tixsach ru chixjunil le̱ tenamit. Ac tenebanbil saꞌ e̱be̱n nak ta̱sachekꞌ ruheb.

Jeremías 51:64

Ut ta̱ye, “Joꞌ nak xsubun li hu saꞌ li haꞌ, joꞌcan ajcuiꞌ nak ta̱osokꞌ li tenamit Babilonia ut incꞌaꞌ chic ta̱usa̱k xban li raylal li quixqꞌue li Ka̱cuaꞌ saꞌ xbe̱n,” chaꞌakat. Joꞌcaꞌin nak quirakeꞌ chi a̱tinac li profeta Jeremías.

Ezequiel 7:5

Joꞌcaꞌin xye li Ka̱cuaꞌ: —Ta̱cha̱lk jun nimla raylal saꞌ e̱be̱n toj retal tex-osokꞌ. Kꞌaxal ra te̱cꞌul.

Ezequiel 21:5

Ut chixjunileb teꞌxqꞌue retal nak la̱in li Ka̱cuaꞌ xincuisi lin chꞌi̱chꞌ saꞌ li rochoch ut incꞌaꞌ chic tinxoc saꞌ xnaꞌaj.

Oseas 7:15

Usta la̱in xincꞌutuc lix ya̱lal chiruheb ut xinqꞌue xcacuilal xchꞌo̱leb, abanan eb aꞌan aꞌ chic li incꞌaꞌ us xeꞌxcꞌoxla chicuix.