Nahum 1:6 - Li Santil hu

⁶ ¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Q'eqchi Bible

⁶ Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Nahum 1:6 ပူးပေါင်းရင်းမြစ်များ

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Malaquías 3:2

¿Ani ta cuiꞌ tixcuy rilbal lix cꞌulunic li Ka̱cuaꞌ? Ut, ¿ani ta cuiꞌ ta̱ru̱k tixxakab rib nak ta̱cꞌulu̱nk xban nak aꞌan joꞌ jun li xam li na-isin xtzꞌajnil li oro, ut joꞌ li xabo̱n li nasakobresin re li tꞌicr?

Nahum 1:2

Li Ka̱cuaꞌ naraj nak caꞌaj cuiꞌ aꞌan ta̱lokꞌoni̱k. Aꞌan naqꞌuehoc re̱kaj reheb li xicꞌ nequeꞌiloc re. Li Ka̱cuaꞌ Dios najoskꞌoꞌ saꞌ xbe̱neb li xicꞌ nequeꞌiloc re ut aꞌan naxqꞌue re̱kaj reheb li cꞌaꞌru nequeꞌxba̱nu.

Salmos 76:7

At Ka̱cuaꞌ Dios, la̱at kꞌaxal xiu xiu a̱cuu. ¿Ani ta cuiꞌ tixcuy xakli̱c cha̱cuu nak nachal a̱joskꞌil?

Ezequiel 30:16

Tincꞌat li nimla tenamit Egipto. Cꞌajoꞌ li raylal li teꞌxcꞌul aran Sin. Ta̱sachekꞌ ruheb li cuanqueb Tebas ut junelic cua̱nkeb saꞌ raylal li cuanqueb Menfis.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Lamentaciones 2:4

Chanchan nak li Ka̱cuaꞌ yo̱ chixti̱canquileb riqꞌuin lix tzimaj. Quixcanab chi sachecꞌ chixjunil li chꞌinaꞌus rilbal. Cꞌajoꞌ li raylal xeꞌxcꞌul arin Jerusalén. Chanchan nak yo̱queb chi cꞌatc xban xam.

Isaías 27:4

Incꞌaꞌ chic yo̱ injoskꞌil saꞌ xbe̱neb lin tenamit. Cui ta cuan li teꞌraj xchꞌiꞌchꞌiꞌinquileb la̱in saꞌ junpa̱t tebinsach ruheb joꞌ nak nequeꞌcꞌat li qꞌuix ut li pim.

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Salmos 90:11

¿Ani ta cuiꞌ ta̱cuyuk re xcꞌulbal la̱ joskꞌil? Ut, ¿ani ta cuiꞌ nanaꞌoc re chanru nak nacatjoskꞌoꞌ?

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

1 Reyes 19:11

Ut li Ka̱cuaꞌ quixye re: —Elen saꞌ li ochoch pec ut xaklin saꞌ xbe̱n li tzu̱l arin chicuu, chan. Saꞌ ajcuiꞌ li ho̱nal aꞌan quinumeꞌ li Ka̱cuaꞌ ut quinumeꞌ ajcuiꞌ jun cacuil ikꞌ re xcꞌutbesinquil lix cuanquil. Kꞌaxal cau quinumeꞌ li ikꞌ toj retal quilajjacheꞌ li tzu̱l ut eb li pec quilajeꞌjoreꞌ. Abanan li Dios toj ma̱jiꞌ naa̱tinac riqꞌuin laj Elías. Nak ac xnumeꞌ li ikꞌ, quixqꞌue hi̱c, abanan toj ma̱jiꞌ naa̱tinac li Ka̱cuaꞌ riqꞌuin laj Elías.

Apocalipsis 16:8

Ut li xca̱ ángel quixhoy li cuan saꞌ lix secꞌ saꞌ xbe̱n li sakꞌe. Ut li sakꞌe quitikcuoꞌ ru chi us ut quixcꞌateb li cristian. Chanchan xtikcual li xam.

Apocalipsis 16:1

Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

Apocalipsis 6:17

Xcuulac xkꞌehil li rakba a̱tin saꞌ kabe̱n. ¿Ani ta cuiꞌ ta̱ru̱k tixcol rib chiru aꞌan? chanqueb.

Li xHu LAJ JOB 40:11

Cꞌutbesi la̱ joskꞌil chiruheb li kꞌetkꞌeteb ut isi xcuanquileb.

Salmos 130:3

At Ka̱cuaꞌ, cui ta la̱at nacaqꞌue saꞌ a̱chꞌo̱l li ma̱c li nakaba̱nu, ma̱ ani raj ta̱ru̱k ta̱colekꞌ chiru li tojba ma̱c.

Isaías 13:13

La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Jeremías 21:12

—La̱ex li nequex-oc chokꞌ xreyeb laj Judá, abihomak li oc re chixyebal li Ka̱cuaꞌ. Rajlal cutan textakla̱nk saꞌ ti̱quilal. Checolak li ani yo̱queb chi rahobtesi̱c xbaneb li incꞌaꞌ useb xnaꞌleb. Cui incꞌaꞌ te̱ba̱nu li us ta̱cha̱lk injoskꞌil saꞌ e̱be̱n. Chanchanak li xam li incꞌaꞌ naru xchupbal xban li ma̱usilal xeba̱nu.

Ezequiel 7:8

Chi se̱b tincꞌut lin joskꞌil che̱ru. La̱ex te̱nau nak kꞌaxal yo̱ injoskꞌil saꞌ e̱be̱n. Ut la̱in tinrakok a̱tin saꞌ e̱be̱n aꞌ yal chanru le̱ yehom e̱ba̱nuhom. Texinqꞌue chixtojbal rix le̱ ma̱usilal.

Ezequiel 21:31

La̱ex te̱qꞌue retal nak la̱in tincuisi lin joskꞌil saꞌ e̱be̱n. Chanchan jun li xam li yo̱ che̱cꞌatbal. Texinkꞌaxtesi saꞌ rukꞌeb li cui̱nk li kꞌaxal joskꞌeb, li nequeꞌrahobtesin, ut teꞌxsach e̱ru.

Ezequiel 39:6

La̱in tintakla li xam saꞌ xbe̱neb li cuanqueb Magog ut saꞌ xbe̱neb ajcuiꞌ li cuanqueb chi cꞌojcꞌo xchꞌo̱leb chire li palau. Ut eb aꞌan teꞌxqꞌue retal nak la̱in li Dios.

Sofonías 2:2

Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Li xHu LAJ JOB 9:5

Nak yo̱ xjoskꞌil li Dios, narecꞌasiheb li tzu̱l saꞌ xnaꞌajeb. Nequeꞌukꞌeꞌ ut ma̱ ani nanaꞌoc re ani naba̱nun re.

Li xHu LAJ JOB 26:11

Nak naa̱tinac li Ka̱cuaꞌ, eb li tzu̱l li nacu̱tun re li choxa nequeꞌecꞌan saꞌ lix naꞌajeb xbaneb xxiu chiru.

Salmos 76:8

Toj saꞌ choxa catrakoc chak a̱tin. Ut eb li cuanqueb saꞌ ruchichꞌochꞌ queꞌxucuac ut mem queꞌcana.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Lamentaciones 2:3

Xban xjoskꞌil li Ka̱cuaꞌ quixsach xcuanquileb laj Israel. Incꞌaꞌ chic quixtenkꞌaheb laj Israel nak queꞌchal li xicꞌ nequeꞌiloc reheb chi pletic riqꞌuineb. Quixcanab chixjunil chi sachecꞌ. Chanchan queꞌcꞌateꞌ xban xam nak queꞌsacheꞌ ruheb.