Nahum 1:5 - Li Santil hu

⁵ Riqꞌuin lix nimal xcuanquil, nequeꞌecꞌan li tzu̱l saꞌ xnaꞌaj ut nequeꞌhaꞌoꞌ xban lix cuanquil. Na-ecꞌan li ruchichꞌochꞌ xban lix cuanquil ut chixjunileb li cuanqueb saꞌ ruchichꞌochꞌ nequeꞌxucuac.

Q'eqchi Bible

⁵ Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.

Nahum 1:5 ပူးပေါင်းရင်းမြစ်များ

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Jeremías 4:24

Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

2 Samuel 22:8

Li ruchichꞌochꞌ qui-ecꞌan saꞌ xnaꞌaj. Ut qui-ecꞌan ajcuiꞌ saꞌ xnaꞌaj li nacu̱tun re li choxa xban nak yo̱ xjoskꞌil li Ka̱cuaꞌ.

Habacuc 3:10

Ut quicuil ajcuiꞌ nak xban la̱ cuanquilal, li tzu̱l queꞌxucuac cha̱cuu ut quilajeꞌecꞌan saꞌ xnaꞌajeb. Quicuan li butꞌ saꞌ ruchichꞌochꞌ ut cau yo̱ chi ecꞌa̱nc xya̱b li haꞌ nak yo̱ xcutlenquil lix cau ok.

Salmos 68:8

Ut qui-ecꞌan li chꞌochꞌ xban la̱ cuanquil. Ut quixqꞌue li hab. Ut li tzu̱l Sinaí qui-ecꞌan xban xnimal la̱ cuanquilal, la̱at lix Dioseb laj Israel.

Jueces 5:5

At Ka̱cuaꞌ, xban nak nim a̱cuanquil, eb li tzu̱l quilajeꞌecꞌan saꞌ xnaꞌaj. Li tzu̱l Sinaí qui-ecꞌan saꞌ xnaꞌaj xban la̱ cuanquil la̱at, at kaDios la̱o aj Israel.

Salmos 114:6

¿Cꞌaꞌut nak queꞌecꞌan saꞌ xnaꞌajeb li tzu̱l ut li cocꞌ bol joꞌ nak nequeꞌpiscꞌoc li carner?

Salmos 114:4

Eb li tzu̱l ut eb li cocꞌ bol nequeꞌecꞌan saꞌ xnaꞌajeb joꞌ nak nequeꞌpiscꞌoc li carner.

Salmos 98:7

Chi-ecꞌa̱nk ta ru li palau ut chixjunil li cuan chi saꞌ. Chi-ecꞌa̱nk ta li ruchichꞌochꞌ saꞌ xnaꞌaj ut chixjunil li cuan chiru xban xsahil xchꞌo̱leb.

Salmos 46:6

Yo̱ xjoskꞌileb li tenamit ut cauheb rib nak nequeꞌxcꞌoxla. Abanan aꞌ yal jokꞌe tixye li Ka̱cuaꞌ, li ruchichꞌochꞌ ta̱osokꞌ.

Éxodo 19:18

Ut quikꞌojyi̱noꞌ saꞌ li tzu̱l Sinaí xban li sib xban nak li Ka̱cuaꞌ Dios quicuulac aran riqꞌuin xam. Li sib nakꞌujujnac joꞌ xsibel junak nimla horno. Ut li tzu̱l yo̱ chi ecꞌa̱nc saꞌ xnaꞌaj.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

San Mateo 28:2

Toj ma̱jiꞌ ajcuiꞌ nequeꞌcuulac nak quicuan jun nimla hi̱c. Ut jun x-ángel li Ka̱cuaꞌ quicube chak saꞌ choxa ut quixbalkꞌusi li pec ut quicꞌojla saꞌ xbe̱n.

San Mateo 27:51

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ.

Apocalipsis 6:14

Ut quisach li choxa nak quicuil. Chanchan jun li hu nak quixboti rib. Chixjunil li tzu̱l joꞌ ajcuiꞌ li chꞌochꞌ li sutsu saꞌ haꞌ quilajeꞌecꞌan saꞌ xnaꞌajeb.

Salmos 18:7

Nak quixcꞌut lix joskꞌil li Dios quixqꞌue jun li hi̱c saꞌ ruchichꞌochꞌ. Li tzu̱l quilajeꞌecꞌan saꞌ lix naꞌajeb. Li Dios quirecꞌasiheb li tzu̱l xban lix joskꞌil.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Isaías 24:1

Li Ka̱cuaꞌ tixpoꞌ ru li ruchichꞌochꞌ. Ta̱cana̱k chi ma̱cꞌaꞌ cuan chiru. Ut tixchaꞌchaꞌiheb li tenamit yalak bar.

Isaías 24:20

Ta̱ecꞌa̱nk li ruchichꞌochꞌ. Chanchanak jun li calajenak. Malaj ut chanchanak jun li cab li na-ecꞌasi̱c xban ikꞌ. Li ma̱c li quiba̱nu̱c xnumta saꞌ xbe̱n. Incꞌaꞌ chic ta̱ru̱k ta̱cuacli̱k.

Joel 2:10

Ta̱ecꞌa̱nk li ruchichꞌochꞌ joꞌ ajcuiꞌ li choxa nak yo̱keb chi cha̱lc. Ta̱kꞌojyi̱nokꞌ ru li sakꞌe ut li po xban xqꞌuialeb laj sa̱cꞌ ut incꞌaꞌ chic teꞌcꞌutu̱nk li chahim.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Li xHu LAJ JOB 9:5

Nak yo̱ xjoskꞌil li Dios, narecꞌasiheb li tzu̱l saꞌ xnaꞌajeb. Nequeꞌukꞌeꞌ ut ma̱ ani nanaꞌoc re ani naba̱nun re.

Li xHu LAJ JOB 26:11

Nak naa̱tinac li Ka̱cuaꞌ, eb li tzu̱l li nacu̱tun re li choxa nequeꞌecꞌan saꞌ lix naꞌajeb xbaneb xxiu chiru.

Salmos 18:8

Chanchan yo̱ chi e̱lc li sib saꞌ ruꞌuj. Ut chanchan yo̱ chi e̱lc ru xam lochlo saꞌ re, re xcꞌatbaleb li yo̱queb chi ba̱nu̱nc re li ma̱usilal.

Salmos 104:32

Caꞌaj cuiꞌ naril li ruchichꞌochꞌ li Dios, ut li ruchichꞌochꞌ na-ecꞌan saꞌ xnaꞌaj. Caꞌaj cuiꞌ naxtochꞌ caꞌchꞌin li tzu̱l ut na-el xsibel.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Ezequiel 38:20

Nak tixqꞌue li hi̱c, eb li car, ut eb li xul li nequeꞌrupupic ut chixjunileb li joskꞌ aj xul ut eb li nequeꞌxquelo rib saꞌ chꞌochꞌ, joꞌ eb ajcuiꞌ li cristian sicsotkeb xbaneb xxiu chicuu. Telajeꞌtꞌanekꞌ li tzu̱l ut li u̱l ut eb li tzꞌac teꞌjorekꞌ ut teꞌtꞌanekꞌ saꞌ chꞌochꞌ.

Amós 9:5

Li Ka̱cuaꞌ, li nimajcual Dios, aꞌan li na-ecꞌasin re li ruchichꞌochꞌ ut nahaꞌoꞌ. Ut chixjunileb li tenamit teꞌya̱bak xban xrahil xchꞌo̱leb. Nak teꞌsachekꞌ chanchan nak nasachoc li nimaꞌ Nilo li cuan Egipto nak nabutꞌin.