Nahum 1:4 - Li Santil hu

⁴ Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Q'eqchi Bible

⁴ Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Nahum 1:4 ပူးပေါင်းရင်းမြစ်များ

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.

Salmos 106:9

Li Dios quixye re li palau nak tixjach rib ut quixjach rib. Chaki li chꞌochꞌ li queꞌnumeꞌ cuiꞌ lix tenamit. Joꞌcan nak li Dios quixnumsiheb jun pacꞌal li palau.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.

Salmos 114:5

¿Cꞌaꞌut nak quixjach rib li Caki Palau? Ut, ¿cꞌaꞌut nak quixakli li nimaꞌ Jordán ut incꞌaꞌ chic quibe̱c rok?

Salmos 114:3

Nak queꞌcuulac laj Israel, li Caki Palau quixjach rib re nak teꞌnumekꞌ, ut li nimaꞌ Jordán incꞌaꞌ chic quibe̱c rok re nak naru teꞌnumekꞌ jun pacꞌal.

Salmos 104:7

Riqꞌuin la̱ cuanquil caye re li haꞌ nak tixchꞌutub rib, ut saꞌ junpa̱t quixchꞌutub rib. Saꞌ junpa̱t qui-el nak quirabi lix ya̱b la̱ cux.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

San Mateo 8:26

Ut li Jesús quichakꞌoc ut quixye: —La̱ex incꞌaꞌ nequexpa̱ban chi tzꞌakal. Joꞌcan nak nequexxucuac, chan reheb. Tojoꞌnak quicuacli, quixkꞌus li ikꞌ, ut li palau, ut saꞌ junpa̱t quichꞌana li ikꞌ ut quitukla ru li haꞌ.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Amós 1:2

Quixye: —Li nimajcual Dios ta̱a̱tinak chak chi cau xya̱b xcux toj Sión. Toj aran Jerusalén ta̱a̱tinak chak li Ka̱cuaꞌ. Ut nak ta̱a̱tinak chak, talajeꞌchakik li pim. Ut talajeꞌchakik ajcuiꞌ li pachꞌayaꞌ saꞌ li tzu̱l Carmelo.

Ezequiel 30:12

La̱in tinqꞌueheb chi chakic li nimaꞌ li cuanqueb Egipto. Tinkꞌaxtesi lix chꞌochꞌeb saꞌ rukꞌeb li incꞌaꞌ useb xnaꞌleb. Tinqꞌue chi sachecꞌ ru li naꞌajej ut chixjunil li cuan chi saꞌ xbaneb li jalaneb xtenamit. La̱in li Ka̱cuaꞌ ninyehoc re aꞌin.

Li xHu LAJ JOB 38:11

Ut quinye re: Caꞌaj cuiꞌ arin tatnumekꞌ ut incꞌaꞌ ta̱numekꞌ jun pacꞌal la̱ cau ok, chanquin re.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

2 Samuel 22:16

Nak li Ka̱cuaꞌ quikꞌusuc, quicꞌutun li chꞌochꞌ rubel li palau. Ut quicana chi cutanquil li nacu̱tun re li ruchichꞌochꞌ. Chanchan yal apunbil quixba̱nu re.

Isaías 42:15

La̱in tinsacheb ru li tzu̱l ut eb li cocꞌ bol. Tinqꞌue chi chakic li racui̱mkeb. Tinsukꞌisi li nimaꞌ chokꞌ chaki chꞌochꞌ ut tinchakihobresiheb li xnaꞌaj li haꞌ.

Ezequiel 38:20

Nak tixqꞌue li hi̱c, eb li car, ut eb li xul li nequeꞌrupupic ut chixjunileb li joskꞌ aj xul ut eb li nequeꞌxquelo rib saꞌ chꞌochꞌ, joꞌ eb ajcuiꞌ li cristian sicsotkeb xbaneb xxiu chicuu. Telajeꞌtꞌanekꞌ li tzu̱l ut li u̱l ut eb li tzꞌac teꞌjorekꞌ ut teꞌtꞌanekꞌ saꞌ chꞌochꞌ.

Salmos 18:16

Li Dios toj saꞌ choxa quixqꞌue chak li rukꞌ saꞌ inbe̱n ut quinixcol. Ut quinrisi saꞌ li raylal.