Nahum 1:3 - Li Santil hu

³ Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

Q'eqchi Bible

³ Li Qaawa' nab'ayk chi josq'o'k, ab'anan jwal nim li xwankil, ut junelik naxk'e chi xtojb'al xmaak li ani xmaakob'k. Nab'eek sa' li kaqsut-iq', ut eb' li choql a'aneb' li xpojtz'il li roq.

Nahum 1:3 ပူးပေါင်းရင်းမြစ်များ

Salmos 147:5

Kꞌaxal nim xcuanquil li Ka̱cuaꞌ li kaDios ut kꞌaxal cau rib. Kꞌaxal numtajenak lix naꞌleb. Ma̱cꞌaꞌ xbisbal.

Nehemías 9:17

Incꞌaꞌ queꞌraj xba̱nunquil li cꞌaꞌru caye reheb chi moco queꞌjulticoꞌ reheb li xni̱nkal ru milagro caba̱nu chak reheb junxil. Queꞌxcacuubresi ban xchꞌo̱leb ut queꞌxkꞌetkꞌeti ribeb cha̱cuu. Xban xcacuil xchꞌo̱leb queꞌoc xsicꞌbal junak re ta̱cꞌamok be chiruheb re teꞌsukꞌi̱k cuiꞌchic Egipto. Abanan la̱at, at Dios, kꞌaxal nim la̱ cuyum. Incꞌaꞌ nacatjoskꞌoꞌ saꞌ junpa̱t. Kꞌaxal cha̱bilat ut nacat-uxta̱nan u. Joꞌcan nak incꞌaꞌ catzꞌekta̱naheb.

Salmos 145:8

Li nimajcual Dios, aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Salmos 104:3

Cayi̱b la̱ naꞌaj takecꞌ saꞌ xbe̱n li haꞌ. Eb li chok nequeꞌcꞌanjelac cha̱cuu joꞌ la̱ carruaje. Ut nacatbe̱c saꞌ li ikꞌ.

Salmos 103:8

Li Ka̱cuaꞌ aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Zacarías 9:14

Li Ka̱cuaꞌ ta̱cꞌamok be chiruheb lix tenamit nak teꞌxic chi pletic. Chanchanak rakꞌ ca̱k nak tixcut lix flecha. Li Ka̱cuaꞌ Dios tixya̱basi lix trompeta. Chanchanak li cacuil ikꞌ li nachal saꞌ li sur nak ta̱xic chi pletic.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Li xHu LAJ JOB 9:4

Li Dios cuan xnaꞌleb ut nim xcuanquil. Cau rib. Ma̱ ani ta̱ru̱k ta̱numta̱k chiru.

Números 14:18

La̱in li Ka̱cuaꞌ li nimajcual Dios. La̱in nin-uxta̱nan u ut nincuy li ma̱usilal nequeꞌxba̱nu li tenamit usta nequeꞌxkꞌetkꞌeti rib chicuu. La̱in incꞌaꞌ ninjoskꞌoꞌ chi junpa̱t. Numtajenak lin rahom. Incꞌaꞌ nincanabeb yal chi joꞌcan li cuanqueb xma̱c. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ li rox saꞌ xca̱ xtasalil li ralal xcꞌajoleb, chancat.

Apocalipsis 1:7

Qꞌuehomak retal. Aꞌan ta̱cha̱lk chak saꞌ li chok ut chixjunileb teꞌilok re. Teꞌril ajcuiꞌ eb li queꞌcamsin re. Chixjunileb li cuanqueb saꞌ ruchichꞌochꞌ teꞌyotꞌekꞌ xchꞌo̱l ut teꞌya̱bak xban li raylal li teꞌxcꞌul. Joꞌcan taxak chicꞌulma̱nk.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

Jonás 4:2

Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil.

Daniel 7:13

Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 62:11

Moco yal jun sut ta ajcuiꞌ quicuabi nak quixye li Dios nak caꞌaj cuiꞌ aꞌan li kꞌaxal nim xcuanquil.

Li xHu LAJ JOB 38:1

Tojoꞌnak li Dios qui-oc chi a̱tinac saꞌ jun li ca̱k-sut-ikꞌ ut quixye re laj Job:

Li xHu LAJ JOB 10:14

Yo̱cat chixqꞌuebal cuetal ma tinma̱cobk re nak naru tina̱qꞌue chixtojbal inma̱c.

Joel 2:13

Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Salmos 50:3

Ta̱cuulak xkꞌehil nak li Ka̱cuaꞌ li kaDios ta̱cha̱lk chi rakoc a̱tin saꞌ xbe̱n chixjunil. Chanchan li xam ut li ca̱k-sut-ikꞌ nak ta̱cha̱lk chi rakoc a̱tin riqꞌuin xnimal xcuanquil.

2 Samuel 22:10

Chanchan nak quixte li choxa ut quicube saꞌ ruchichꞌochꞌ. Ut cuan chak li kꞌeki chok rubel rok.

Isaías 29:6

Chi ma̱cꞌaꞌ saꞌ xchꞌo̱leb aꞌan, li Ka̱cuaꞌ li nimajcual Dios tixsacheb ru li xicꞌ nequeꞌiloc reheb laj Israel. Ta̱cua̱nk li choki̱nc ut li ca̱k ut li hi̱c. Ut ta̱cua̱nk ajcuiꞌ li ca̱k-sut-ikꞌ ut li xam re sachoc.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.