Nahum 1:2 - Li Santil hu

² Li Ka̱cuaꞌ naraj nak caꞌaj cuiꞌ aꞌan ta̱lokꞌoni̱k. Aꞌan naqꞌuehoc re̱kaj reheb li xicꞌ nequeꞌiloc re. Li Ka̱cuaꞌ Dios najoskꞌoꞌ saꞌ xbe̱neb li xicꞌ nequeꞌiloc re ut aꞌan naxqꞌue re̱kaj reheb li cꞌaꞌru nequeꞌxba̱nu.

Q'eqchi Bible

² Li Qaawa' a'an jun Yos aj sowen ut aj eeqajunel; na'eeqajunk ut k'ajo' li xjosq'il. Ink'a' nasachk sa' xch'ool li xmaakeb' li xik' neke'ilok re.

Nahum 1:2 ပူးပေါင်းရင်းမြစ်များ

Zacarías 8:2

Joꞌcaꞌin quixye cue: —Kꞌaxal ninra lin tenamit Jerusalén (Sión). Joꞌcan nak nachal injoskꞌil saꞌ xbe̱neb li xicꞌ nequeꞌiloc re.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Salmos 94:1

At nimajcual Dios, la̱at li nacatqꞌuehoc re̱kaj li ma̱usilal li nequeꞌxba̱nu li incꞌaꞌ useb xnaꞌleb. Cꞌutbesi la̱ joskꞌil chiruheb.

Éxodo 34:14

Me̱lokꞌoni jalanil dios xban nak la̱in li Ka̱cuaꞌ Dios ut incꞌaꞌ nacuulac chicuu nak jalan te̱qꞌue xlokꞌal.

Josué 24:19

Ut laj Josué quixye reheb: —La̱ex incꞌaꞌ texru̱k chi cꞌanjelac chiru li Ka̱cuaꞌ xban nak aꞌan jun Dios Santo. Aꞌan incꞌaꞌ tixcuy e̱ma̱c cui yo̱kex chixlokꞌoninquil li yi̱banbil dios. Aꞌan incꞌaꞌ tixcuy e̱ma̱c riqꞌuin le̱ kꞌetkꞌetil chi moco tixcuy e̱ma̱c riqꞌuin le̱ ma̱usilal.

Hebreos 10:30

La̱o nakanau nak li Dios quixye chi joꞌcaꞌin: Caꞌaj cuiꞌ la̱in naru tinqꞌuehok xtojbal rix lix ma̱queb ut la̱in tinrahobtesiheb riqꞌuin li cꞌaꞌru quilajeꞌxba̱nu. Ut quixye cuiꞌchic li Ka̱cuaꞌ: La̱in tinrakok a̱tin saꞌ xbe̱n lin tenamit. (Deut. 32:35-36)

Isaías 42:13

Li Ka̱cuaꞌ riqꞌuin xnimal xcuanquil ta̱pletik riqꞌuineb li xicꞌ nequeꞌiloc re. Chanchanak jun li soldado ac cauresinbil chi pletic. Tixjap re, re xtiquibanquil li pletic ut ta̱numta̱k saꞌ xbe̱neb li xicꞌ nequeꞌiloc re.

Deuteronomio 4:24

xban nak li Ka̱cuaꞌ le̱ Dios najoskꞌoꞌ nak nequelokꞌoni li jalanil dios. Chanchan jun li xam li naxsach chixjunil li incꞌaꞌ us.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Miqueas 5:15

Ut xban injoskꞌil la̱in tinqꞌueheb chixtojbal rix lix ma̱queb chixjunileb li tenamit li nequeꞌkꞌetoc re li cua̱tin, chan li Ka̱cuaꞌ.

Joel 2:18

Ut li nimajcual Dios junelic cuan saꞌ xchꞌo̱l lix tenamit. Tixcꞌutbesi chiruheb lix nimal xrahom ut tixcuy lix ma̱queb.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Ezequiel 6:12

Ut cuanqueb chak chi najt teꞌca̱mk xban caki yajel ut eb li cuanqueb chi nachꞌ teꞌca̱mk saꞌ li ple̱t. Ut li joꞌ qꞌuial chic teꞌcana̱k teꞌca̱mk xban cueꞌej. Joꞌcaꞌin nak tincuisi lin joskꞌil saꞌ xbe̱neb.

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 51:20

Xeꞌsach xnaꞌleb le̱ ralal e̱cꞌajol. Yalak bar tꞌantꞌo̱queb saꞌ be. Chanchaneb li quej li queꞌchapeꞌ saꞌ jun li raꞌal. Li Dios quirisi xjoskꞌil saꞌ xbe̱neb nak quixkꞌuseb.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Li xHu LAJ JOB 20:23

Nak ac cuan chic nabal li cꞌaꞌru re, li Dios tixcꞌutbesi lix joskꞌil chiru ut tixqꞌue chixtojbal lix ma̱c.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Romanos 13:4

Eb aꞌan cuanqueb saꞌ xcꞌanjel xban li Dios re e̱tenkꞌanquil. Cui nequeba̱nu li incꞌaꞌ us, chexxucuak xban nak cuanqueb xcuanquil re teꞌrakok a̱tin saꞌ e̱be̱n xban nak aꞌan xakabanbileb xban li Dios ut nequeꞌxrahobtesi li nequeꞌkꞌetoc re li chakꞌrab.

Zacarías 1:14

Ut li ángel quixye cue nak tinye resil li quixye li Dios. Joꞌcaꞌin quixye li Dios li kꞌaxal nim xcuanquil. —La̱in kꞌaxal cuiꞌchic ninra Jerusalén, lin tenamit Sión.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Ezequiel 38:18

Saꞌ eb li cutan nak laj Gog ta̱oc chi pletic saꞌ li tenamit Israel, cꞌajoꞌ nak teꞌxchikꞌ injoskꞌil, chan li Ka̱cuaꞌ Dios.

Ezequiel 36:6

La̱in quina̱tinac chi yo̱ injoskꞌil chirixeb laj Edom li xicꞌ nequeꞌiloc e̱re xban nak eb aꞌan queꞌxcꞌut e̱xuta̱n nak queꞌxchap chokꞌ reheb le̱ naꞌaj. Queꞌxmakꞌ che̱ru li tzu̱l, li nimaꞌ, li ru takꞌa, ut eb li xbe̱n bol.

Ezequiel 8:18

Xban nak cꞌajoꞌ lin joskꞌil saꞌ xbe̱neb, la̱in tinqꞌueheb chixtojbal lix ma̱queb. La̱in incꞌaꞌ tintokꞌoba ruheb chi moco tincuuxta̱naheb ru. Usta nequeꞌxjap reheb chixya̱banquil lin cꞌabaꞌ, abanan la̱in incꞌaꞌ chic tincuabi lix tijeb.

Ezequiel 5:13

Nak acak xinba̱nu li cꞌaꞌru xinye, ta̱e̱lk lin joskꞌil ut ta̱cꞌojla̱k inchꞌo̱l. Nak xcuisi lin joskꞌil saꞌ e̱be̱n, te̱qꞌue retal nak la̱in li Ka̱cuaꞌ quinyehoc re aꞌin nak yo̱ injoskꞌil.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Jeremías 36:7

Ma̱re teꞌtijok chiru li Dios ut teꞌxtzꞌa̱ma xcuybal xma̱c chiru ut teꞌxcanab xba̱nunquil li ma̱usilal xban nak li Ka̱cuaꞌ cꞌajoꞌ lix joskꞌil saꞌ xbe̱neb ut xye nak kꞌaxal ra tixba̱nu reheb li tenamit, chan laj Jeremías.

Jeremías 25:15

Joꞌcaꞌin quixye cue li Ka̱cuaꞌ lix Dioseb laj Israel: —Chap li secꞌ li tinqꞌue a̱cue li nujenak riqꞌuin vino retalil lin joskꞌil ut ta̱qꞌue chiruqꞌueb chixjunileb li xni̱nkal ru tenamit li tatintakla cuiꞌ.

Jeremías 3:5

¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Deuteronomio 7:10

Abanan li Ka̱cuaꞌ moco tixcanab ta chi incꞌaꞌ tixqꞌue chixtojbal xma̱c li ani xicꞌ na-iloc re. Tixqꞌue ban chixtojbal xma̱c. Ut tixsach ruheb li nequeꞌtzꞌekta̱nan re.

Jeremías 28:8

Chalen najter nak toj ma̱jiꞌ ninyoꞌla la̱in ut la̱at, eb li profeta queꞌxye resil nak saꞌ nabal xni̱nkal ru tenamit ta̱cua̱nk li ple̱t ut li raylal ut li caki yajel.

Ezequiel 38:19

Saꞌ li cutan aꞌan kꞌaxal ta̱numta̱k lin joskꞌil. Relic chi ya̱l ta̱cua̱nk jun li cacuil hi̱c saꞌ li tenamit Israel.

Éxodo 34:7

La̱in chi qꞌuila okꞌob li cristian nacuuxta̱naheb ru. Nincuy li qꞌuila ma̱c li nequeꞌxba̱nu. Eb li nequeꞌma̱cob teꞌxtoj rix lix ma̱c. Ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb, chan li Dios.

Números 25:11

—Xban li cꞌaꞌru xba̱nu laj Finees li ralal laj Eleazar, xcube injoskꞌil saꞌ xbe̱neb laj Israel. Laj Finees incꞌaꞌ quixcanabeb chixlokꞌoninquileb li jalanil dios. Incꞌaꞌ quiraj nak teꞌrisi inlokꞌal la̱in. Xban aꞌan nak la̱in incꞌaꞌ quinsach ruheb chixjunileb nak yo̱ injoskꞌil saꞌ xbe̱neb.

Jeremías 50:15

Japomak e̱re chi xjun sutam li tenamit xban nak eb laj Babilonia teꞌxkꞌaxtesi ribeb saꞌ e̱rukꞌ. Yo̱queb chi tꞌanecꞌ li cab li najt xteram ut teꞌtꞌanekꞌ li tzꞌac li sutsu cuiꞌ li tenamit. Xcuulac li ho̱nal nak li Ka̱cuaꞌ tixqꞌue re̱kaj li raylal li queꞌxba̱nu eb aꞌan.