Nahum 1:14 - Li Santil hu

¹⁴ Joꞌcaꞌin quixye li Ka̱cuaꞌ cha̱cuix la̱at lix reyeb li tenamit Nínive. Ma̱ jun a̱cualal a̱cꞌajol teꞌcana̱k re teꞌoc chokꞌ rey saꞌ la̱ naꞌaj. Tinsach ruheb chixjunileb le̱ yi̱banbil dios ut le̱ pechꞌbil dios li cuanqueb saꞌ li naꞌajej li bar nequelokꞌoniheb cuiꞌ. Ut aran ajcuiꞌ tatmukekꞌ xban nak kꞌaxal yibru a̱naꞌleb, chan li Dios.

Q'eqchi Bible

¹⁴ A'an a'in li xkawresi cho'q aawe li Qaawa': “At awab'ej re Nínive, maajun aawalal aak'ajol taawanq li te'k'amoq laak'ab'a'. Sa' laatijob'aal tinjuk'eb' laayos ut tinmuri eb' li xjalam uheb'; ut laa'at tatinmuq, xb'aan naq tz'eqtaananb'ilat”.

Nahum 1:14 ပူးပေါင်းရင်းမြစ်များ

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

Miqueas 5:13

Tinjuqꞌueb ajcuiꞌ le̱ yi̱banbil dios joꞌqueb ajcuiꞌ li jalam u̱ch li xeyi̱b. Ut incꞌaꞌ chic te̱lokꞌoni le̱ dios li nequeyi̱b riqꞌuin le̱ rukꞌ.

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

2 Reyes 19:37

Saꞌ jun li cutan laj Senaquerib yo̱ chixlokꞌoninquil lix dios Nisroc xcꞌabaꞌ saꞌ lix templo. Queꞌcuulac laj Adramelec ut laj Sarezer, li cuib chi ralal. Queꞌxcamsi chi chꞌi̱chꞌ ut queꞌe̱lelic. Queꞌco̱eb saꞌ li naꞌajej Ararat. Ut aꞌ chic laj Esar-hadón li ralal qui-oc chokꞌ rey chokꞌ re̱kaj laj Senaquerib.

Daniel 11:21

Li jun chic li ta̱oc chokꞌ rey, aꞌan jun cui̱nk kꞌaxal yibru xnaꞌleb ut ma̱cuaꞌ xcomoneb li nequeꞌoc chokꞌ rey. Aꞌan ta̱oc chokꞌ rey xban nak tixbalakꞌiheb li tenamit ut tixmuk chiruheb li cꞌaꞌru cuan saꞌ xcꞌaꞌux.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Isaías 33:13

La̱ex li cuanquex chi najt, cherabihak resil li cꞌaꞌru xinba̱nu. La̱ex li cuanquex chi nachꞌ cheqꞌuehak retal lin cuanquil, chan li Dios.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Salmos 71:3

La̱at taxak joꞌ jun sako̱nac bar naru tincol cuiꞌ cuib jokꞌe cua̱nkin saꞌ raylal. La̱at cayechiꞌi nak tina̱tenkꞌa nak cuanquin saꞌ raylal. La̱at joꞌ jun li sako̱nac bar naru tincol cuiꞌ cuib xban nak caꞌaj cuiꞌ la̱at nacatqꞌuehoc xcacuilal inchꞌo̱l.

2 Crónicas 32:21

Ut li Ka̱cuaꞌ Dios quixtakla jun li ángel re tixsach ruheb li cauheb rib chi pletic joꞌ eb ajcuiꞌ li nequeꞌcꞌamoc be saꞌ xya̱nkeb ut li nequeꞌtaklan saꞌ xbe̱neb lix soldado lix reyeb laj Asiria. Ut lix reyeb laj Asiria quisukꞌi saꞌ lix tenamit chi yo̱ xxuta̱n. Nak qui-oc saꞌ lix templo lix dios, eb li ralal queꞌxcamsi chi chꞌi̱chꞌ.

1 Samuel 3:13

Ac xinye nak tinrakok a̱tin saꞌ xbe̱neb li ralal xcꞌajol laj Elí. Tinsach ruheb chi junaj cua xban lix ma̱usilaleb. Laj Elí naxnau nak ac xnumta xyibal ru xnaꞌlebeb li ralal ut incꞌaꞌ naxkꞌuseb.

Levítico 26:30

La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Li xHu LAJ JOB 18:17

Ta̱osokꞌ ut ma̱ ani chic ta̱jultica̱nk re. Ut ma̱ ani chic ta̱patzꞌok re lix cꞌabaꞌ.

Miqueas 5:14

Ut la̱in tinpuqꞌui chixjunileb li yi̱banbil dios lix Asera xcꞌabaꞌ li cuanqueb saꞌ e̱ya̱nk ut tinsacheb ajcuiꞌ li tenamit bar cuanqueb cuiꞌ.

Habacuc 2:10

Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes.

Daniel 5:27

Tekel: Xatxbis riqꞌuin lix bisleb ut nacꞌutun nak incꞌaꞌ us la̱ naꞌleb.