Nahum 1:10 - Li Santil hu

¹⁰ Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Q'eqchi Bible

¹⁰ xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Nahum 1:10 ပူးပေါင်းရင်းမြစ်များ

Miqueas 7:4

Lix cha̱bilaleb li tenamit aꞌan chanchan li qꞌuix. Ut lix ti̱quilal chanchan li corral yi̱banbil riqꞌuin qꞌuix. Cuulac re xkꞌehil nak li Dios tixqꞌueheb chixtojbal rix lix ma̱queb joꞌ queꞌyeheꞌ reheb xbaneb li profeta. Anakcuan sachso̱keb xchꞌo̱l teꞌcana̱k.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Nahum 3:11

Joꞌcan ajcuiꞌ te̱cꞌul la̱ex aj Nínive. Chanchan texcala̱k nak te̱yal xsicꞌbal bar te̱col e̱rib. Te̱yal raj chic xmukbal e̱rib chiruheb li xicꞌ nequeꞌiloc e̱re.

Isaías 9:18

Lix ma̱usilaleb li tenamit chanchan jun li xam li nasachoc nak naxcꞌat li qꞌuix ut li pim. Chanchan jun li xam li naxcꞌat li qꞌuicheꞌ ut li sib nabukuknac chi xic toj takecꞌ.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Isaías 27:4

Incꞌaꞌ chic yo̱ injoskꞌil saꞌ xbe̱neb lin tenamit. Cui ta cuan li teꞌraj xchꞌiꞌchꞌiꞌinquileb la̱in saꞌ junpa̱t tebinsach ruheb joꞌ nak nequeꞌcꞌat li qꞌuix ut li pim.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

1 Samuel 25:36

Lix Abigail co̱ cuiꞌchic saꞌ rochoch. Ut laj Nabal yo̱ chi ninkꞌei̱c chi sa saꞌ xchꞌo̱l nak quicuulac joꞌ nak nequeꞌninkꞌei̱c li rey ut ta̱cala̱k. Joꞌcan nak lix Abigail ma̱cꞌaꞌ quixye re toj saꞌ li cutan jun chic.

Salmos 118:12

Xineꞌxsut joꞌ nak nequeꞌxtububi ribeb li chꞌub. Abanan saꞌ junpa̱t queꞌosoꞌ joꞌ nak nacꞌateꞌ li pim. Riqꞌuin xcuanquil li Ka̱cuaꞌ, la̱in xinsach ruheb.

Isaías 47:14

Eb aꞌan teꞌsachekꞌ ruheb. Incꞌaꞌ naru teꞌxcol rixeb. Chanchanakeb li qꞌuim nak teꞌcꞌatekꞌ riqꞌuin xam. Li xam aꞌan ma̱cuaꞌ re teꞌxkꞌixna ribeb. Re ban xsachbal ruheb.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Éxodo 5:12

Tojoꞌnak chixjunileb laj Israel queꞌxjeqꞌui rib saꞌ li tenamit Egipto chixsicꞌbaleb lix qꞌuim.

Éxodo 15:7

Riqꞌuin xnimal la̱ cuanquilal xasacheb li queꞌxyal xnimobresinquil rib cha̱cuu. Cacꞌutbesi la̱ joskꞌil chiruheb ut quilajeꞌosoꞌ joꞌ nak na-osoꞌ li qꞌuim nak nacuteꞌ saꞌ xam.