Miqueas 7:9 - Li Santil hu

⁹ Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.

Q'eqchi Bible

⁹ Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Miqueas 7:9 ပူးပေါင်းရင်းမြစ်များ

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

Salmos 37:6

Li Dios tixcꞌutbesi lix ti̱quilal e̱chꞌo̱l chiruheb chixjunileb joꞌ nak nalemtzꞌun li sakꞌe cuaꞌleb re li cutan.

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Salmos 43:1

At inDios, chaye taxak nak ma̱cꞌaꞌ inma̱c. China̱col chiruheb li incꞌaꞌ useb xnaꞌleb. China̱col chiruheb li nequeꞌticꞌtiꞌic ut li nequeꞌba̱nun ma̱usilal.

Salmos 7:6

At Ka̱cuaꞌ, chacꞌut la̱ joskꞌil chiruheb li xicꞌ nequeꞌiloc cue. At inDios, china̱tenkꞌa xban nak la̱at saꞌ ti̱quilal nacatrakoc a̱tin.

Li xHu LAJ JOB 23:10

Abanan aꞌan naxnau chixjunil li cꞌaꞌru ninba̱nu. Nak naxyal rix lin pa̱ba̱l, naril nak ma̱cꞌaꞌ inma̱c. Chanchan li tzꞌakal oro li ma̱cꞌaꞌ xtzꞌajnil.

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

1 Samuel 26:10

Ut quixye ajcuiꞌ laj David: —Saꞌ xcꞌabaꞌ li yoꞌyo̱quil Dios la̱in ninye nak li Ka̱cuaꞌ ta̱qꞌuehok re chi ca̱mc. Nak ta̱cuulak xkꞌehil, laj Saúl ta̱ca̱mk. Ma̱re xban yajel malaj ut ta̱camsi̱k saꞌ ple̱t.

1 Samuel 25:39

Nak laj David quirabi resil nak quicam laj Nabal, quixye: —Lokꞌoninbil taxak li Ka̱cuaꞌ xban nak aꞌan xqꞌuehoc re̱kaj re laj Nabal li incꞌaꞌ us xba̱nu cue. Quinixtenkꞌa re nak incꞌaꞌ quinba̱nu li incꞌaꞌ us. Li Ka̱cuaꞌ xqꞌue chixtojbal xma̱c laj Nabal, chan. Ut laj David quixtakla resil riqꞌuin lix Abigail nak ta̱raj sumla̱c riqꞌuin.

1 Samuel 3:18

Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

Lamentaciones 1:18

Li Ka̱cuaꞌ quirakoc a̱tin saꞌ kabe̱n saꞌ ti̱quilal. La̱o xkakꞌet li ra̱tin. Che̱junilex la̱ex, qꞌuehomak retal li raylal li yo̱co chixcꞌulbal. Chixjunileb li toj sa̱jeb queꞌchapeꞌ ut queꞌcꞌameꞌ chi najt, joꞌ cui̱nk, joꞌ ixk.

Salmos 94:15

Ta̱cuulak xkꞌehil nak eb laj rakol a̱tin teꞌrakok cuiꞌchic a̱tin saꞌ ti̱quilal. Ut xban aꞌan teꞌsahokꞌ saꞌ xchꞌo̱leb chixjunil li ti̱queb xchꞌo̱l.

Salmos 119:154

Chat-oque̱nk taxak chicuix ut china̱col. China̱col taxak joꞌ cayechiꞌi cue.

Isaías 42:7

La̱at tatqꞌuehok reheb li mutzꞌ chi iloc li chanchan cuanqueb saꞌ kꞌojyi̱n. Ut la̱at tatcutanobresi̱nk re lix cꞌaꞌuxeb laj ma̱c li chanchan tzꞌaptzꞌo̱queb saꞌ tzꞌalam.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Isaías 56:1

Aꞌan aꞌin li naxye li Ka̱cuaꞌ: —Junelic chexcua̱nk saꞌ ti̱quilal ut te̱ba̱nu li us xban nak cuulac re xkꞌehil nak texincol ut cuulac ajcuiꞌ re xkꞌehil nak tincꞌutbesi lin ti̱quilal.

Jeremías 10:19

Laj Jeremías quixye ajcuiꞌ: —Tokꞌob xak ku. Kꞌaxal ra yo̱co chixcꞌulbal. Ma̱cꞌaꞌ xbanol li karaylal. La̱o xkaye nak tento takacuy xcꞌulbal li raylal.

Jeremías 51:10

Li Ka̱cuaꞌ xcꞌutbesi nak la̱o cuanco saꞌ ti̱quilal. Yoꞌkeb chixyebal reheb li cuanqueb Sión li cꞌaꞌru quixba̱nu li Ka̱cuaꞌ li kaDios.

Li xHu LAJ JOB 35:14

¿Ma tojaꞌ ta chic la̱at tatrabi? La̱at yo̱cat chixyebal nak incꞌaꞌ nacatxtenkꞌa. Oybeni cuan. Ac naxnau cꞌaꞌru yo̱cat chixcꞌulbal.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.