Miqueas 7:8 - Li Santil hu

⁸ La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Q'eqchi Bible

⁸ Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Miqueas 7:8 ပူးပေါင်းရင်းမြစ်များ

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

Isaías 9:2

Li tenamit chanchan saꞌ kꞌojyi̱n cuanqueb xban li ma̱c ut xban nak incꞌaꞌ nequeꞌxtau xya̱lal. Abanan quicutanobresi̱c lix naꞌlebeb. Ac tenebanbil raj li ca̱mc saꞌ xbe̱neb, abanan quicꞌulun laj Colol reheb.

Salmos 112:4

Li Dios naxcutanobresi lix naꞌlebeb li ti̱queb xchꞌo̱l. Cha̱bilakeb ut teꞌuxta̱na̱nk u.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Abdías 1:12

Incꞌaꞌ raj xsahoꞌ e̱chꞌo̱l saꞌ li cutan nak li ralal xcꞌajol li ri̱tzꞌin le̱ xeꞌto̱nil yucuaꞌ yo̱queb chixcꞌulbal li raylal. Incꞌaꞌ raj xsahoꞌ saꞌ e̱chꞌo̱l chirilbaleb laj Judá nak queꞌrahobtesi̱c. Ut incꞌaꞌ raj xehobeb nak xeꞌnumta li xicꞌ nequeꞌiloc reheb saꞌ xbe̱neb.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

Salmos 38:16

China̱tenkꞌa taxak re nak incꞌaꞌ tinpaltok. Incꞌaꞌ nacuaj nak tineꞌxseꞌe li xicꞌ nequeꞌiloc cue ut incꞌaꞌ nacuaj nak teꞌnumta̱k saꞌ inbe̱n.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Li xHu LAJ JOB 31:29

La̱in ma̱ jun sut xsahoꞌ saꞌ inchꞌo̱l nak yo̱queb chixcꞌulbal raylal li xicꞌ nequeꞌiloc cue, chi moco xsahoꞌ saꞌ inchꞌo̱l nak cuanqueb saꞌ chꞌaꞌajquilal.

Salmos 97:11

Li Dios naxcutanobresi le̱ naꞌleb, la̱ex li ti̱c e̱chꞌo̱l ut naxqꞌue xsahil e̱chꞌo̱l la̱ex, li nequexcuan saꞌ xya̱lal.

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Salmos 35:19

Incꞌaꞌ taxak tineꞌxseꞌe li xicꞌ nequeꞌiloc cue. Ut incꞌaꞌ taxak tineꞌretzꞌu xban nak ma̱cꞌaꞌ inma̱c.

San Juan 16:20

Relic chi ya̱l ninye e̱re nak eb li incꞌaꞌ nequeꞌpa̱ban cue ta̱sahokꞌ saꞌ xchꞌo̱leb nak tincꞌul li raylal. La̱ex ta̱yotꞌekꞌ e̱chꞌo̱l ut texya̱bak nak tincꞌul chi joꞌcan. Ta̱rahokꞌ saꞌ e̱chꞌo̱l, abanan mokon ta̱sahokꞌ cuiꞌchic saꞌ e̱chꞌo̱l nak te̱ril cuiꞌchic cuu.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Ezequiel 25:6

Joꞌcaꞌin naxye li nimajcual Dios: —La̱ex xepokꞌpokꞌi le̱ rukꞌ ut xexpiscꞌoc xban xsahil e̱chꞌo̱l xban li raylal li queꞌxcꞌul laj Israel.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

Jeremías 50:11

Li Ka̱cuaꞌ quixye: —La̱ex aj Babilonia, la̱ex xerecꞌa xsahil nak xexnumta saꞌ xbe̱neb lin tenamit ut xemakꞌ chiruheb li cꞌaꞌru reheb ut sa saꞌ e̱chꞌo̱l. Chanchanex li cuacax li napiscꞌoc saꞌ pachꞌayaꞌ, malaj ut chanchanex li cacua̱y li naxjap re xban xsahil xchꞌo̱l.

Isaías 49:9

Ta̱cuachꞌabeb li chapcho̱queb ut ta̱cutanobresi lix beheb li cuanqueb saꞌ kꞌojyi̱n. La̱at tat-ilok reheb joꞌ nak li pastor narileb lix carner nak naxqꞌueheb chi ichajibc chire li be ut saꞌ li pachꞌayaꞌ saꞌ eb li cocꞌ bol.

Isaías 2:5

Abihomak ex ralal xcꞌajol laj Jacob. Chocua̱nk saꞌ xcutan xsaken li Ka̱cuaꞌ li nimajcual Dios.

Salmos 37:24

Nak teꞌtꞌanekꞌ li ti̱queb xchꞌo̱l incꞌaꞌ teꞌcana̱k chi tꞌantꞌo xban nak li Ka̱cuaꞌ, aꞌan nacuaclesin reheb.

Salmos 37:21

Li incꞌaꞌ useb xnaꞌleb nequeꞌtoꞌonin ut incꞌaꞌ chic nequeꞌxqꞌue re̱kaj li nequeꞌxtoꞌoni. Abanan li ti̱queb xchꞌo̱l nequeꞌuxta̱nan u ut nequeꞌsihin chi sa saꞌ xchꞌo̱leb.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

2 Corintios 4:9

Nocorahobtesi̱c, abanan li Dios incꞌaꞌ nocoxcanab kajunes. Cuan nak nocoeꞌxsacꞌ xban nak nequeꞌraj kacamsinquil. Abanan li Dios nacoloc ke chiruheb.

Salmos 20:8

Eb li cauheb xchꞌo̱l riqꞌuin lix carruajeb ut lix cacua̱y, eb aꞌan teꞌcana̱k chi ma̱cꞌaꞌeb chic xcuanquil ut teꞌosokꞌ. Abanan la̱o junelic cau kachꞌo̱l riqꞌuin li Dios ut incꞌaꞌ ta̱chꞌina̱nk kachꞌo̱l.

Jeremías 8:4

At Jeremías, la̱at ta̱ye resil aꞌin reheb li tenamit. Nak junak natꞌaneꞌ, ¿ma incꞌaꞌ ta biꞌ nacuacli cuiꞌchic? Cui junak naxjal xbe, ¿ma incꞌaꞌ ta biꞌ ta̱sukꞌi̱k nak tixqꞌue retal nak ma̱cuaꞌ aꞌan li be li yo̱ cuiꞌ chi xic?

Jeremías 48:27

La̱ex aj Moab, ¿ma incꞌaꞌ ta biꞌ xehobeb laj Israel? ¿Ma queꞌtaꞌeꞌ ta biꞌ laj Israel chi elkꞌa̱c? ¿Ma xban ta biꞌ aꞌan nak nequehobeb?

Ezequiel 36:5

Nak yo̱ injoskꞌil la̱in li nimajcual Dios quina̱tinac chirix li tenamit Edom joꞌ eb ajcuiꞌ li jun chꞌol chic tenamit li cuanqueb che̱jun sutam. Kꞌaxal sa saꞌ xchꞌo̱leb nak queꞌrelkꞌa li cꞌaꞌru e̱re la̱ex lin tenamit ut queꞌxcꞌam chokꞌ reheb.

Miqueas 4:10

Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Salmos 143:3

Eb li xicꞌ nequeꞌiloc cue yo̱queb chinta̱kenquil re tineꞌxchap. Chanchan nak ac xineꞌxyekꞌ saꞌ chꞌochꞌ ut chanchan nak ac cuanquin saꞌ kꞌojyi̱n saꞌ xya̱nkeb li camenak.