Miqueas 7:7 - Li Santil hu

⁷ Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Q'eqchi Bible

⁷ A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Miqueas 7:7 ပူးပေါင်းရင်းမြစ်များ

Salmos 37:7

Checꞌojobak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin aꞌan. Mexcꞌoxlac chirixeb li nequeꞌbiomoꞌ. Mexpoꞌ chirilbaleb li us nequeꞌel riqꞌuin li incꞌaꞌ us nequeꞌxba̱nu.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 25:5

China̱beresi ut cꞌut chicuu lix ya̱lal la̱ cua̱tin xban nak la̱at lin Dios ut la̱at laj Colol cue. Cau inchꞌo̱l a̱cuiqꞌuin chi junelic.

Salmos 130:5

Chi anchal inchꞌo̱l nacuoybeni nak li Ka̱cuaꞌ ta̱tenkꞌa̱nk cue ut li ra̱tin naxqꞌue xcacuil inchꞌo̱l.

Salmos 109:4

Xicꞌ niquineꞌril usta ninraheb ut nintijoc chirixeb.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 65:2

xban nak nacasume li cꞌaꞌru nakatzꞌa̱ma a̱cue. Chixjunileb li cuanqueb saꞌ ruchichꞌochꞌ, a̱cuiqꞌuin teꞌxtzꞌa̱ma li cꞌaꞌru teꞌraj.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

Salmos 38:15

Abanan, cau inchꞌo̱l a̱cuiqꞌuin, at Ka̱cuaꞌ. At nimajcual Dios, la̱at ta̱sume li nintzꞌa̱ma cha̱cuu.

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Isaías 17:7

Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Joel 1:19

At Ka̱cuaꞌ, a̱cuiqꞌuin yo̱quin chixtzꞌa̱manquil katenkꞌanquil. La̱at nacanau nak li xam xcꞌat chixjunil li pim ut xeꞌcꞌat ajcuiꞌ chixjunil li cheꞌ saꞌ eb li cꞌaleba̱l.

Habacuc 2:1

Yo̱kin chi oybeni̱nc ut yo̱kin chirilbal. Chanchanakin laj qꞌuehol etal li naxakaba̱c saꞌ li cab li nequeꞌxcol cuiꞌ rib li tenamit. Cꞌaꞌ na ru tixye li Ka̱cuaꞌ ut cꞌaꞌ na ru tixsume cuiꞌ li cꞌaꞌru xinye re, chan laj Habacuc.

Números 5:28

Abanan cui li ixk incꞌaꞌ xmux ru lix sumlajic, ut ma̱cꞌaꞌ xma̱c, li haꞌ ma̱cꞌaꞌ tixba̱nu re. Ut ta̱ru̱k ta̱qꞌuiresi̱nk.

Salmos 85:5

¿Ma junelic ta biꞌ yo̱k a̱joskꞌil saꞌ kabe̱n? Ut, ¿ma yo̱k ajcuiꞌ la̱ joskꞌil saꞌ xbe̱neb li kalal kacꞌajol li teꞌcua̱nk mokon?

Lamentaciones 3:24

Li Ka̱cuaꞌ, aꞌan li natenkꞌan cue. Ut aꞌan li ninyoꞌoni.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.