Miqueas 7:6 - Li Santil hu

⁶ Eb li alalbej nequeꞌxkꞌetkꞌeti ribeb chiru li yucuaꞌbej. Ut eb li coꞌbej nequeꞌxtzꞌekta̱na li naꞌbej ut eb li alibej incꞌaꞌ nequeꞌxra lix naꞌ lix be̱lomeb. Ut li xicꞌ nequeꞌiloc re junak, aꞌaneb ajcuiꞌ li cuanqueb saꞌ li rochoch.

Q'eqchi Bible

⁶ Xb'aan naq anaqwan li alalb'ej naxtz'eqtaana li yuwa'b'ej, li ko'b'ej naxq'etq'eti rib' chiru li xna', li alib'ej xik' naril li xna' li xb'eelom, ut eb' li xik' neke'ilok, sa' ajwi' leerochoch wankeb'.

Miqueas 7:6 ပူးပေါင်းရင်းမြစ်များ

San Lucas 12:53

Li yucuaꞌbej xicꞌ ta̱ril li ralal, ut li alalbej xicꞌ ta̱ril lix yucuaꞌ. Li naꞌbej xicꞌ ta̱ril lix coꞌ ut li coꞌbej xicꞌ ta̱ril lix naꞌ. Ut li naꞌbej xicꞌ ta̱ril li ralib ut li alibej xicꞌ ta̱ril lix naꞌ lix be̱lom.—

San Mateo 10:21

Saꞌ eb li cutan aꞌan, cuan li asbej tixkꞌaxtesi li i̱tzꞌinbej re ta̱camsi̱k ut cuan li i̱tzꞌinbej tixkꞌaxtesi li asbej. Ut cuan li yucuaꞌbej tixkꞌaxtesi li alalbej. Ut cuan li alalbej xicꞌ teꞌrileb lix naꞌ xyucuaꞌ ut teꞌxqꞌueheb chi camsi̱c.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

Ezequiel 22:7

Eb aꞌan incꞌaꞌ nequeꞌxra xnaꞌ xyucuaꞌeb. Nequeꞌxrahobtesiheb li jalan xtenamiteb. Ut nequeꞌxba̱nu raylal reheb li ma̱cꞌaꞌ xnaꞌ xyucuaꞌeb joꞌ eb ajcuiꞌ li xma̱lcaꞌan.

San Juan 13:18

Incꞌaꞌ yo̱quin chi a̱tinac che̱rix che̱junilex. La̱in ninnau chanru le̱ naꞌleb xban nak la̱in xinsicꞌoc e̱ru. Abanan tento nak ta̱tzꞌaklok ru li tzꞌi̱banbil saꞌ li Santil Hu li naxye chi joꞌcaꞌin: Li jun li nacuaꞌac cuochben, aꞌan li ta̱tzꞌekta̱na̱nk cue.

Proverbios 30:11

Cuanqueb cristian nequeꞌxtzꞌekta̱na xyucuaꞌeb ut incꞌaꞌ nequeꞌxqꞌue xlokꞌal lix naꞌeb.

San Lucas 21:16

Texkꞌaxtesi̱k saꞌ rukꞌeb li xicꞌ nequeꞌiloc e̱re xbaneb le̱ naꞌ e̱yucuaꞌ ut xbaneb le̱ ras ut le̱ ri̱tzꞌin ut eb le̱ rechꞌalal joꞌ eb ajcuiꞌ le̱ rami̱g. Ut cuan li cuanqueb saꞌ e̱ya̱nk li teꞌcamsi̱k.

San Mateo 26:23

Quichakꞌoc li Jesús ut quixye reheb: —Li ta̱kꞌaxtesi̱nk cue, aꞌan li tixtzꞌa xcaxlan cua saꞌ li secꞌ li tintzꞌa cuiꞌ li cue la̱in.

Abdías 1:7

Eb li xni̱nkal ru tenamit li queꞌtenkꞌan e̱re junxil, xicꞌ chic texril ut aꞌaneb ajcuiꞌ teꞌisi̱nk e̱re saꞌ le̱ tenamit. Le̱ rami̱g li nequeꞌcuaꞌac e̱riqꞌuin, xicꞌ chic texril. Cꞌojcꞌo raj e̱chꞌo̱l riqꞌuineb, abanan aꞌaneb ajcuiꞌ teꞌqꞌuehok li raꞌal re nak texchapekꞌ chi incꞌaꞌ te̱qꞌue retal.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Jeremías 12:6

Eb la̱ cuas ut eb la̱ cui̱tzꞌin yo̱queb chabalakꞌinquil. La̱ cuechꞌalal xeꞌxjunaji ribeb riqꞌuineb li yo̱queb chixcꞌu̱banquil ru chanru nak teꞌxba̱nu raylal a̱cue. Ma̱cꞌojob a̱chꞌo̱l riqꞌuineb, usta cha̱bil nequeꞌa̱tinac a̱cuiqꞌuin.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

2 Samuel 16:11

Ut laj David quixye re laj Abisai ut reheb ajcuiꞌ li nequeꞌcꞌanjelac chiru: —Cui li tzꞌakal cualal ta̱raj incamsinquil, ¿ma tojaꞌ ta chic li cui̱nk aꞌin, li xcomoneb li ralal xcꞌajol laj Benjamín? Canabomak chinmajecuanquil xban nak li Ka̱cuaꞌ xyehoc re nak tixba̱nu chi joꞌcan.

Génesis 49:4

La̱at chanchanat li jun cuokox chi haꞌ. Incꞌaꞌ nacacuy a̱cuib. Xban nak xatma̱cob riqꞌuin li ixk cuan cuiqꞌuin, incꞌaꞌ chic ta̱cua̱nk la̱ cuanquilal saꞌ xbe̱neb la̱ cui̱tzꞌin.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Jeremías 9:4

Incꞌaꞌ naru te̱cꞌojob e̱chꞌo̱l riqꞌuineb le̱ ras e̱ri̱tzꞌin, usta nequeꞌxye nak eb aꞌan tzꞌakal e̱rami̱g. Chi moco ta̱ru̱k te̱cꞌojob e̱chꞌo̱l riqꞌuin le̱ ras ut le̱ ri̱tzꞌin xban nak li asbej ut li i̱tzꞌinbej nequeꞌbalakꞌin. Eb li amigo nequeꞌyoꞌoban ticꞌtiꞌ.

Isaías 3:5

Ut le̱ tenamit teꞌxtiquib pletic chi ribileb rib. Cuan li teꞌpletik riqꞌuineb rech cabal. Ut eb li toj sa̱jeb teꞌpletik riqꞌuineb li ac che̱queb. Ut li incꞌaꞌ useb xnaꞌleb teꞌpletik riqꞌuineb li ti̱queb xchꞌo̱l.