Miqueas 7:3 - Li Santil hu

³ Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Q'eqchi Bible

³ K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Miqueas 7:3 ပူးပေါင်းရင်းမြစ်များ

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

San Mateo 26:15

Ut quixye reheb: —¿Joꞌ nimal te̱qꞌue cue cui tinkꞌaxtesi li Jesús e̱re? chan reheb. Ut eb aꞌan queꞌxcꞌu̱b nak teꞌxqꞌue laje̱b xcaꞌcꞌa̱l chi tumin plata re.

Oseas 4:18

Nak nequeꞌaj ru saꞌ xcalajiqueb, nequeꞌoc chi coꞌbe̱tac yumbe̱tac. Aꞌ li naꞌleb li nacꞌutuc xxuta̱n, aꞌan li nacuulac chiruheb xba̱nunquil ut li ti̱quilal nequeꞌxtzꞌekta̱na.

Ezequiel 22:27

Eb li nequeꞌtaklan saꞌ li tenamit chanchaneb chic laj xoj li yo̱queb chixtꞌupbal lix tibeb. Nequeꞌxcamsiheb li ras ri̱tzꞌin xban xsicꞌbal xbiomaleb.

Ezequiel 22:6

Eb li nequeꞌtaklan saꞌ e̱ya̱nk la̱ex aj Israel nequeꞌxba̱nu li cꞌaꞌru nequeꞌraj xjuneseb xban nak cuanqueb saꞌ xcuanquil. Joꞌcan nak nequeꞌxcamsi ras ri̱tzꞌineb.

Jeremías 3:5

¿Ma junelic ta biꞌ yo̱k a̱joskꞌil saꞌ kabe̱n? ¿Ma chi ti̱c incꞌaꞌ ta̱numekꞌ a̱joskꞌil?” chanquex. La̱ex aj Israel, joꞌcan yo̱quex chixyebal. Abanan toj yo̱quex chixba̱nunquil chixjunil li ma̱usilal, chan li Dios.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Proverbios 17:23

Eb li incꞌaꞌ useb xnaꞌleb nequeꞌtumina̱c ru chi mukmu re xsachbal xcuanquil li ti̱quilal.

Isaías 3:5

Ut le̱ tenamit teꞌxtiquib pletic chi ribileb rib. Cuan li teꞌpletik riqꞌuineb rech cabal. Ut eb li toj sa̱jeb teꞌpletik riqꞌuineb li ac che̱queb. Ut li incꞌaꞌ useb xnaꞌleb teꞌpletik riqꞌuineb li ti̱queb xchꞌo̱l.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Ezequiel 9:9

Li Ka̱cuaꞌ quixye cue: —Kꞌaxal numtajenak lix ma̱queb li ralal xcꞌajol laj Israel ut laj Judá. Saꞌ chixjunil li naꞌajej queꞌxcamsi ras ri̱tzꞌin ut queꞌxba̱nu li ma̱usilal. Nequeꞌxye nak la̱in xintzꞌekta̱na lix naꞌajeb ut incꞌaꞌ nacuil li ma̱usilal li nequeꞌxba̱nu.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.

Oseas 7:3

Nasahoꞌ saꞌ xchꞌo̱l li rey joꞌqueb ajcuiꞌ li nequeꞌcꞌanjelac chiru riqꞌuin li ma̱usilal ut li balakꞌi̱nc nequeꞌxba̱nu li tenamit.

Miqueas 2:8

Li Ka̱cuaꞌ quixye reheb: —Junxil la̱ex intenamit, abanan anakcuan xicꞌ chic niquine̱ril. Xemakꞌ li rakꞌeb li yo̱queb chi numecꞌ saꞌ xya̱lal, li incꞌaꞌ nequeꞌxcꞌoxla pletic.

Miqueas 3:2

La̱ex nequera li incꞌaꞌ us ut nequetzꞌekta̱na li us. La̱ex nequexrahobtesin reheb lin tenamit. Chanchan nak nequerisi lix tzꞌu̱maleb chiru lix tibeleb ut nequerisi lix tibeleb chiru lix bakeleb nak nequerahobtesiheb.

Proverbios 16:30

Eb li incꞌaꞌ useb xnaꞌleb nequeꞌxmutzꞌ li ru nak nequeꞌoc chixcꞌoxlanquil chanru nak teꞌxba̱nu li ma̱usilal. Ut nequeꞌxcꞌux li reheb nak nequeꞌxba̱nu li ma̱usilal.

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Ezequiel 34:21

La̱ex nequetiquisiheb li ma̱cꞌaꞌeb xmetzꞌe̱u riqꞌuin le̱ tel ut nequexekꞌeb toj retal nequera̱linaheb ut nequejeqꞌui ruheb.